1 Corinthians, Chapter 6 (Codex Vaticanus)
Introduction
1 Corinthians 6 from Codex Vaticanus (4th c.).
Greek text: a diplomatic transcription of Codex Vaticanus made by the Institut für Neutestamentliche Textforschung (INTF), Münster, for the New Testament Virtual Manuscript Room (NTVMR), published under a Creative Commons Attribution 4.0 licence. It gives the letters as the first scribe wrote them: no accents or breathings, the scribe's own spelling, and the sacred names in their contracted form (θς for θεος, ις for ιησους, κς for κυριος; the overline is not reproduced). Corrections by later hands are not shown. Letters in square brackets are not legible on the page and were restored by the transcribers, a dot under a letter marks an uncertain reading, and [...] marks text lost to damage. Beneath each section, for comparison, is Tischendorf's 8th critical edition (1869). Where the two differ, the transcription is what the manuscript says. Each section is shown with the page on which the transcription places its verses.
How was this verified? (Provenance)
Where on the image
Page from the NTVMR transcription (docID 20003): verses 1-6 on p. 1465, col. 2.
1τολμα τις υμων πραγμα εχων προς ετερον κρεινεσθαι επι των αδικων και ουχι επι των αγιων · 2η ουκ οιδατε οτι οι αγιοι τον κοσμον κρινουσιν · και ει εν υμιν κρεινεται ο κοσμος · αναξιοι εστε κριτηριων ελαχιστων · 3ουκ οιδατε οτι αγγελους κρινουμεν . μητι γε βιωτικα · 4βιωτικα μεν ουν κριτηρια εαν εχητε τους εξουθενημενους εν τη εκκλησια τουτους καθιζετε · 5προς εντροπην υμιν λαλω · ουτως ουκ ενι εν υμιν ουδεις σοφος ος δυνησεται διακρειναι ανα μεσον του αδελφου αυτου · 6αλλα αδελφος μετα αδελφου κρεινεται και τουτο επι απιστων ·
Compare: Tischendorf 8th edition (1869)
1Τολμᾷ τις ὑμῶν πρᾶγμα ἔχων πρὸς τὸν ἕτερον κρίνεσθαι ἐπὶ τῶν ἀδίκων, καὶ οὐχὶ ἐπὶ τῶν ἁγίων; 2ἢ οὐκ οἴδατε ὅτι οἱ ἅγιοι τὸν κόσμον κρινοῦσιν; καὶ εἰ ἐν ὑμῖν κρίνεται ὁ κόσμος, ἀνάξιοί ἐστε κριτηρίων ἐλαχίστων; 3οὐκ οἴδατε ὅτι ἀγγέλους κρινοῦμεν, μήτιγε βιωτικά; 4βιωτικὰ μὲν οὖν κριτήρια ἐὰν ἔχητε, τοὺς ἐξουθενημένους ἐν τῇ ἐκκλησίᾳ τούτους καθίζετε; 5πρὸς ἐντροπὴν ὑμῖν λέγω. οὕτως οὐκ ἔνι ἐν ὑμῖν οὐδεὶς σοφὸς ὃς δυνήσεται διακρῖναι ἀνὰ μέσον τοῦ ἀδελφοῦ αὐτοῦ; 6ἀλλὰ ἀδελφὸς μετὰ ἀδελφοῦ κρίνεται, καὶ τοῦτο ἐπὶ ἀπίστων;
1Dare any of you, having a matter against another, go to law before the unjust, and not before the saints? 2Do ye not know that the saints shall judge the world? and if the world shall be judged by you, are ye unworthy to judge the smallest matters? 3Know ye not that we shall judge angels? how much more things that pertain to this life? 4If then ye have judgments of things pertaining to this life, set them to judge who are least esteemed in the church. 5I speak to your shame. Is it so, that there is not a wise man among you? no, not one that shall be able to judge between his brethren? 6But brother goeth to law with brother, and that before the unbelievers.
Where on the image
Page from the NTVMR transcription (docID 20003): verses 7-14 on p. 1465, col. 3; verse 14 continues on p. 1466, col. 1 (which begins 'ως αυτου ·').
7ηδη μεν ουν ολως ηττημα υμιν εστιν οτι κριματα εχετε μεθ εαυτων · δια τι ουχι μαλλον αδικεισθε δια τι ουχι μαλλον αποστερεισθε · 8αλλα υμεις αδικειτε και αποστερειτε και τουτο αδελφους · 9η ουκ οιδατε οτι αδικοι θυ βασιλειαν κληρονομησουσιν · μη πλανασθε · ουτε πορνοι · ουτε ειδωλολατραι · ουτε μοιχοι · ουτε μαλακοι · ουτε αρσενοκοιται · 10ουτε κλεπται · ουτε πλεονεκται · ουτε μεθυσοι · ου λοιδοροι · ουχ αρπαγες · βασιλειαν θυ κληρονομησουσιν · 11και ταυτα τινες ητε · αλλα απελουσασθε · αλλα ηγιασθητε · αλλα εδικαιωθητε εν τω ονοματι του κυ ημων ιυ χυ και εν τω πνευματι του θυ ημων · 12παντα μοι εξεστιν αλλ ου παντα συμφερει · παντα μοι εξεστιν αλλ ουκ εγω εξουσιασθησομαι υπο τινος · 13τα · · βρωματα τη κοιλια και η κοιλια τοις βρωμασιν · ο δε θς και ταυτην και ταυτα καταργησει · το δε σωμα ου τη πορνεια αλλα τω κω και ο κς τω σωματι · 14ο δε θς και τον κν ηγειρεν και ημας εξηγειρεν δια της δυναμεως αυτου ·
Compare: Tischendorf 8th edition (1869)
7ἤδη μὲν ὅλως ἥττημα ὑμῖν ἐστίν, ὅτι κρίματα ἔχετε μεθ’ ἑαυτῶν. διατί οὐχὶ μᾶλλον ἀδικεῖσθε; διατί οὐχὶ μᾶλλον ἀποστερεῖσθε; 8ἀλλὰ ὑμεῖς ἀδικεῖτε καὶ ἀποστερεῖτε, καὶ τοῦτο ἀδελφούς. 9ἢ οὐκ οἴδατε ὅτι ἄδικοι θεοῦ βασιλείαν οὐ κληρονομήσουσιν; μὴ πλανᾶσθε· οὔτε πόρνοι οὔτε εἰδωλολάτραι οὔτε μοιχοὶ οὔτε μαλακοὶ οὔτε ἀρσενοκοῖται 10οὔτε κλέπται οὔτε πλεονέκται, οὐ μέθυσοι, οὐ λοίδοροι, οὐχ ἅρπαγες βασιλείαν θεοῦ κληρονομήσουσιν. 11καὶ ταῦτά τινες ἦτε· ἀλλὰ ἀπελούσασθε, ἀλλὰ ἡγιάσθητε, ἀλλὰ ἐδικαιώθητε ἐν τῷ ὀνόματι τοῦ κυρίου Ἰησοῦ Χριστοῦ καὶ ἐν τῷ πνεύματι τοῦ θεοῦ ἡμῶν. 12Πάντα μοι ἔξεστιν, ἀλλ’ οὐ πάντα συμφέρει· πάντα μοι ἔξεστιν, ἀλλ’ οὐκ ἐγὼ ἐξουσιασθήσομαι ὑπό τινος. 13τὰ βρώματα τῇ κοιλίᾳ, καὶ ἡ κοιλία τοῖς βρώμασιν· ὁ δὲ θεὸς καὶ ταύτην καὶ ταῦτα καταργήσει. τὸ δὲ σῶμα οὐ τῇ πορνείᾳ ἀλλὰ τῷ κυρίῳ, καὶ ὁ κύριος τῷ σώματι· 14ὁ δὲ θεὸς καὶ τὸν κύριον ἤγειρεν καὶ ἡμᾶς ἐξεγερεῖ διὰ τῆς δυνάμεως αὐτοῦ.
7Now therefore there is utterly a fault among you, because ye go to law one with another. Why do ye not rather take wrong? why do ye not rather suffer yourselves to be defrauded? 8Nay, ye do wrong, and defraud, and that your brethren. 9Know ye not that the unrighteous shall not inherit the kingdom of God? Be not deceived: neither fornicators, nor idolaters, nor adulterers, nor effeminate, nor abusers of themselves with mankind, 10Nor thieves, nor covetous, nor drunkards, nor revilers, nor extortioners, shall inherit the kingdom of God. 11And such were some of you: but ye are washed, but ye are sanctified, but ye are justified in the name of the Lord Jesus, and by the Spirit of our God. 12All things are lawful unto me, but all things are not expedient: all things are lawful for me, but I will not be brought under the power of any. 13Meats for the belly, and the belly for meats: but God shall destroy both it and them. Now the body is not for fornication, but for the Lord; and the Lord for the body. 14And God hath both raised up the Lord, and will also raise up us by his own power.
Where on the image
Page from the NTVMR transcription (docID 20003): verses 15-20 on p. 1466, col. 1.
15ουκ οιδατε οτι τα σωματα υμων μελη χυ εστιν · αρας ουν τα μελη του χυ ποιησω πορνης μελη μη γενοιτο · 16η ουκ οιδατε οτι ο κολλωμενος τη πορνη εν σωμα εστιν · εσονται γαρ φησιν οι δυο εις σαρκα μιαν · 17ο δε κολλωμενος τω κω εν πνευμα εστιν · 18φευγετε την πορνειαν · παν αμαρτημα ο εαν ποιηση ανθρωπος εκτος του σωματος εστιν · ο δε πορνευων εις το ιδιον σωμα αμαρτανει · 19η ουκ οιδατε οτι · το σωμα υμων ναος του εν υμιν πνευματος αγιου εστιν ου εχετε απο θυ · και ουκ εστε εαυτων 20ηγορασθητε · · γαρ τειμης · · · δοξασατε δη τον θν εν τω σωματι υμων ·
Compare: Tischendorf 8th edition (1869)
15οὐκ οἴδατε ὅτι τὰ σώματα ὑμῶν μέλη Χριστοῦ ἐστιν; ἄρας οὖν τὰ μέλη τοῦ Χριστοῦ ποιήσω πόρνης μέλη; μὴ γένοιτο. 16ἢ οὐκ οἴδατε ὅτι ὁ κολλώμενος τῇ πόρνῃ ἓν σῶμά ἐστιν; ἔσονται γάρ, φησίν, οἱ δύο εἰς σάρκα μίαν. 17ὁ δὲ κολλώμενος τῷ κυρίῳ ἓν πνεῦμά ἐστιν. 18φεύγετε τὴν πορνείαν· πᾶν ἁμάρτημα ὃ ἐὰν ποιήσῃ ἄνθρωπος ἐκτὸς τοῦ σώματός ἐστιν, ὁ δὲ πορνεύων εἰς τὸ ἴδιον σῶμα ἁμαρτάνει. 19ἢ οὐκ οἴδατε ὅτι τὸ σῶμα ὑμῶν ναὸς τοῦ ἐν ὑμῖν ἁγίου πνεύματός ἐστιν, οὗ ἔχετε ἀπὸ θεοῦ, καὶ οὐκ ἐστὲ ἑαυτῶν; 20ἠγοράσθητε γὰρ τιμῆς· δοξάσατε δὴ τὸν θεὸν ἐν τῷ σώματι ὑμῶν.
15Know ye not that your bodies are the members of Christ? shall I then take the members of Christ, and make them the members of an harlot? God forbid. 16What? know ye not that he which is joined to an harlot is one body? for two, saith he, shall be one flesh. 17But he that is joined unto the Lord is one spirit. 18Flee fornication. Every sin that a man doeth is without the body; but he that committeth fornication sinneth against his own body. 19What? know ye not that your body is the temple of the Holy Ghost which is in you, which ye have of God, and ye are not your own? 20For ye are bought with a price: therefore glorify God in your body, and in your spirit, which are God’s.
Cite
Sources
- Source: Codex Vaticanus page images + NTVMR transcription (CC BY 4.0) + Tischendorf 8th edition + KJV (holding institution)
- Critical edition: Codex Vaticanus transcription, NTVMR (INTF Münster, CC BY 4.0); Tischendorf 8th edition for comparison
← previous · → next · v cycle view · l back to library