1 Corinthians, Chapter 10
Introduction
This entry meets the strict three-criteria standard of the Theosis Library:
- Manuscript scan: The actual folio of Codex Sinaiticus containing this passage, from the Codex Sinaiticus Project (codexsinaiticus.org). Library folio reference: 270.
- Original text: The Codex Sinaiticus Project's verbatim transcription of the folio shown, letter for letter as the scribe wrote it (no accents, lunate sigma ϲ, nomina sacra such as θϲ for θεός and κϲ for κύριος). Beneath it, for comparison, the reading of Tischendorf's 8th critical edition (1869). Where the two differ, the transcription is what the manuscript actually says.
- English translation: The King James Version (1611), retrieved verbatim from the public-domain bible-api.com endpoint.
How was this verified? (Provenance)
1ου θελω γαρ ϋμαϲ αγνοειν αδελφοι · οτι οι πατερεϲ ημων παντεϲ υπο την νεφελην ηϲα και παντεϲ δια τηϲ θαλαϲϲηϲ διηλθο 2και παντεϲ ειϲ το μωϲην εβαπτιϲθηϲαν εν τη νεφελη και εν τη θαλαϲϲη 3και παντεϲ πνικον βρωμα εφαγο 4και παντεϲ το αυτο πνικον επιον πομα επινον γαρ εκ πνικηϲ ακολουθουϲηϲ πετραϲ η πετρα δε ην ο χϲ 5αλλ ουκ ε τοιϲ πλειοϲιν αυτων ευδοκηϲεν ο θϲ κατεϲτρωθηϲαν γαρ εν τη ερημω 6ταυτα δε τυποι ημων εγενηθηϲα ειϲ το μη ειναι ημαϲ επιθυμηταϲ κακων καθωϲ κακεινοι επεθυμηϲαν 7μηδε ειδωλολατραι γινεϲθε καθωϲ τινεϲ αυτω ωϲπερ γεγραπται εκαθιϲεν ο λαοϲ φαγειν και πιν κ(αι) ανεϲτηϲαν πεζι 8μηδε πορνευωμε καθωϲ τινεϲ αυτων επορνευϲα και επεϲαν μια ημερα εικοϲι τριϲ χιλιαδεϲ
Compare: Tischendorf 8th edition (1869)
1Οὐ θέλω γὰρ ὑμᾶς ἀγνοεῖν, ἀδελφοί, ὅτι οἱ πατέρες ἡμῶν πάντες ὑπὸ τὴν νεφέλην ἦσαν καὶ πάντες διὰ τῆς θαλάσσης διῆλθον, 2καὶ πάντες εἰς τὸν Μωϋσῆν ἐβαπτίσθησαν ἐν τῇ νεφέλῃ καὶ ἐν τῇ θαλάσσῃ, 3καὶ πάντες τὸ αὐτὸ πνευματικὸν βρῶμα ἔφαγον, 4καὶ πάντες τὸ αὐτὸ πνευματικὸν ἔπιον πόμα· ἔπινον γὰρ ἐκ πνευματικῆς ἀκολουθούσης πέτρας, ἡ πέτρα δὲ ἦν ὁ Χριστός. 5ἀλλ’ οὐκ ἐν τοῖς πλείοσιν αὐτῶν εὐδόκησεν ὁ θεός, κατεστρώθησαν γὰρ ἐν τῇ ἐρήμῳ. 6ταῦτα δὲ τύποι ἡμῶν ἐγενήθησαν, εἰς τὸ μὴ εἶναι ἡμᾶς ἐπιθυμητὰς κακῶν, καθὼς κἀκεῖνοι ἐπεθύμησαν. 7μηδὲ εἰδωλολάτραι γίνεσθε, καθώς τινες αὐτῶν· ὥσπερ γέγραπται, ἐκάθισεν ὁ λαὸς φαγεῖν καὶ πεῖν, καὶ ἀνέστησαν παίζειν. 8μηδὲ πορνεύωμεν, καθώς τινες αὐτῶν ἐπόρνευσαν, καὶ ἔπεσαν μιᾷ ἡμέρᾳ εἴκοσιτρεῖς χιλιάδες.
1Moreover, brethren, I would not that ye should be ignorant, how that all our fathers were under the cloud, and all passed through the sea; 2And were all baptized unto Moses in the cloud and in the sea; 3And did all eat the same spiritual meat; 4And did all drink the same spiritual drink: for they drank of that spiritual Rock that followed them: and that Rock was Christ. 5But with many of them God was not well pleased: for they were overthrown in the wilderness. 6Now these things were our examples, to the intent we should not lust after evil things, as they also lusted. 7Neither be ye idolaters, as were some of them; as it is written, The people sat down to eat and drink, and rose up to play. 8Neither let us commit fornication, as some of them committed, and fell in one day three and twenty thousand.
9μηδε εκπιραζωμεν τον κν καθωϲ τινεϲ εξεπιραϲαν και υπο των οφεων απωλλυντο 10μηδε γογγυζωμε καθαπερ τινεϲ αυ των εγογγυϲαν και απωλοντο ϋπο του ολοθρευτου11παντα δε ταυτα τυπικωϲ ϲυνεβαινε εκεινοιϲ εγραφη δε ειϲ νουθεϲιαν ημων ειϲ ουϲ τα τελη των αιωνω κατηντηκεν 12ωϲτε ο δοκων εϲταναι βλεπετω μη πεϲη · 13πιραϲμοϲ ϋμαϲ ουκ ειληφε ει μη ανθρωπινοϲ πιϲτοϲ δε ο θϲ οϲ ουκ εαϲει ϋμαϲ πιραϲθηναι υπερ ο δυναϲθαι αλλα ποιηϲει ϲυν τω πιραϲμω και την εκβαϲιν του δυναϲθαι ϋπενεγκειν 14διοπερ αγαπητοι μου φευγετε απο τηϲ ϊδωλολατριαϲ 15ωϲ φρονιμοιϲ λεγω κρινατε ϋμαϲ ο φημι 16το ποτηριον τηϲ ευλογιαϲ ο ευλογουμεν ουχι κοινωνιαϲ του αιματοϲ του χυ εϲτιν τον αρτον ον κλωμεν ουχι κοινωνια του ϲωματοϲ του χυ εϲτιν
Compare: Tischendorf 8th edition (1869)
9μηδὲ ἐκπειράζωμεν τὸν κύριον, καθώς τινες αὐτῶν ἐξεπείρασαν, καὶ ὑπὸ τῶν ὄφεων ἀπώλλυντο. 10μηδὲ γογγύζετε, καθάπερ τινὲς αὐτῶν ἐγόγγυσαν, καὶ ἀπώλοντο ὑπὸ τοῦ ὀλοθρευτοῦ. 11ταῦτα δὲ τυπικῶς συνέβαινεν ἐκείνοις, ἐγράφη δὲ πρὸς νουθεσίαν ἡμῶν, εἰς οὓς τὰ τέλη τῶν αἰώνων κατήντηκεν. 12ὥστε ὁ δοκῶν ἑστάναι βλεπέτω μὴ πέσῃ. 13πειρασμὸς ὑμᾶς οὐκ εἴληφεν εἰ μὴ ἀνθρώπινος· πιστὸς δὲ ὁ θεός, ὃς οὐκ ἐάσει ὑμᾶς πειρασθῆναι ὑπὲρ ὃ δύνασθε, ἀλλὰ ποιήσει σὺν τῷ πειρασμῷ καὶ τὴν ἔκβασιν τοῦ δύνασθαι ὑπενεγκεῖν. 14Διόπερ, ἀγαπητοί μου, φεύγετε ἀπὸ τῆς εἰδωλολατρείας. 15ὡς φρονίμοις λέγω· κρίνατε ὑμεῖς ὅ φημι. 16τὸ ποτήριον τῆς εὐλογίας ὃ εὐλογοῦμεν, οὐχὶ κοινωνία τοῦ αἵματος τοῦ Χριστοῦ ἐστιν; τὸν ἄρτον ὃν κλῶμεν, οὐχὶ κοινωνία τοῦ σώματος τοῦ Χριστοῦ ἐστιν;
9Neither let us tempt Christ, as some of them also tempted, and were destroyed of serpents. 10Neither murmur ye, as some of them also murmured, and were destroyed of the destroyer. 11Now all these things happened unto them for ensamples: and they are written for our admonition, upon whom the ends of the world are come. 12Wherefore let him that thinketh he standeth take heed lest he fall. 13There hath no temptation taken you but such as is common to man: but God is faithful, who will not suffer you to be tempted above that ye are able; but will with the temptation also make a way to escape, that ye may be able to bear it. 14Wherefore, my dearly beloved, flee from idolatry. 15I speak as to wise men; judge ye what I say. 16The cup of blessing which we bless, is it not the communion of the blood of Christ? The bread which we break, is it not the communion of the body of Christ?
17οτι ειϲ αρτοϲ εν ϲωμα οι πολλοι εϲμεν οι γαρ παντεϲ εκ του ενοϲ αρτου μετεχομεν 18βλεπετε τον ϊηλ κατα ϲαρκα ουχ οι εϲθιοντεϲ ταϲ θυϲιαϲ κοινωνοι του θυϲιαϲτηριου ειϲι 19τι ουν φημι οτι ειδωλοθυτον εϲτι 20αλλ οτι α θυουϲιν τα εθνη δαιμονιοιϲ και ου θω θυουϲιν ου θελω δε υμαϲ κοινωνουϲ των δαιμονιων γεινεϲθαι 21ου δυναϲθε ποτηριον κυ πινι και ποτηριον δαιμονιων ου δυναϲθε τραπεζηϲ κυ μετεχιν και τραπεζηϲ δαιμονιων 22η παραζηλουμεν τον κν μη ϊϲχυροτεροι αυτου εϲμεν 23παντα εξεϲτιν αλλ ου παντα ϲυμφερει · παντα εξεϲτι αλλ ου παντα οικοδομει · 24μηδειϲ το εαυτου ζητειτω αλλα το του ετερου
Compare: Tischendorf 8th edition (1869)
17ὅτι εἷς ἄρτος, ἓν σῶμα οἱ πολλοί ἐσμεν· οἱ γὰρ πάντες ἐκ τοῦ ἑνὸς ἄρτου μετέχομεν. 18βλέπετε τὸν Ἰσραὴλ κατὰ σάρκα· οὐχ οἱ ἐσθίοντες τὰς θυσίας κοινωνοὶ τοῦ θυσιαστηρίου εἰσίν; 19τί οὖν φημί; ὅτι εἰδωλόθυτόν τί ἐστιν; ἢ ὅτι εἴδωλόν τί ἐστιν; 20ἀλλ’ ὅτι ἃ θύουσιν, δαιμονίοις καὶ οὐ θεῷ θύουσιν, οὐ θέλω δὲ ὑμᾶς κοινωνοὺς τῶν δαιμονίων γίνεσθαι. 21οὐ δύνασθε ποτήριον κυρίου πίνειν καὶ ποτήριον δαιμονίων· οὐ δύνασθε τραπέζης κυρίου μετέχειν καὶ τραπέζης δαιμονίων. 22ἢ παραζηλοῦμεν τὸν κύριον; μὴ ἰσχυρότεροι αὐτοῦ ἐσμεν; 23Πάντα ἔξεστιν, ἀλλ’ οὐ πάντα συμφέρει· πάντα ἔξεστιν, ἀλλ’ οὐ πάντα οἰκοδομεῖ. 24μηδεὶς τὸ ἑαυτοῦ ζητείτω ἀλλὰ τὸ τοῦ ἑτέρου.
17For we being many are one bread, and one body: for we are all partakers of that one bread. 18Behold Israel after the flesh: are not they which eat of the sacrifices partakers of the altar? 19What say I then? that the idol is any thing, or that which is offered in sacrifice to idols is any thing? 20But I say, that the things which the Gentiles sacrifice, they sacrifice to devils, and not to God: and I would not that ye should have fellowship with devils. 21Ye cannot drink the cup of the Lord, and the cup of devils: ye cannot be partakers of the Lord’s table, and of the table of devils. 22Do we provoke the Lord to jealousy? are we stronger than he? 23All things are lawful for me, but all things are not expedient: all things are lawful for me, but all things edify not. 24Let no man seek his own, but every man another’s wealth.
25παν το εν μακελλω πωλουμενο εϲθιετε μηδεν ανακρινοντεϲ δια την ϲυνϊδηϲιν 26του κυ γαρ η γη και το πληρωμα αυτηϲ 27ει τιϲ καλει υμαϲ των απιϲτων και θελεται πορευεϲθε παν το παρατιθεμενον υμιν εϲθιετε μηδεν ανακρινοντεϲ δια τη ϲυνϊδηϲιν 28εαν δε τιϲ ϋμιν ειπη τουτο ϊεροθυτο εϲτιν μη εϲθιετε δι εκεινον τον μηνυϲαντα και την ϲυνϊδηϲιν 29ϲυνϊδηϲιν δε λεγω ουχι την εαυτου αλλα την του ετερου ϊνατι γαρ η ελευθερια μου κρινεται ϋπο αλληϲ ϲυνειδηϲεωϲ 30ει εγω χαριτι μετεχω τι βλαϲφημουμαι ϋπερ ου εγω ευχαριϲτω 31ειτε ουν εϲθιετε ειτε πινετε ειτε τι ποιειτε παντα ειϲ δοξαν θυ ποιειτε 32απροϲκοποι και ϊουδαιοιϲ γεινεϲθε και ελληϲιν και τη εκκληϲια του θυ
Compare: Tischendorf 8th edition (1869)
25πᾶν τὸ ἐν μακέλλῳ πωλούμενον ἐσθίετε μηδὲν ἀνακρίνοντες διὰ τὴν συνείδησιν, 26τοῦ κυρίου γὰρ ἡ γῆ καὶ τὸ πλήρωμα αὐτῆς. 27εἴ τις καλεῖ ὑμᾶς τῶν ἀπίστων καὶ θέλετε πορεύεσθαι, πᾶν τὸ παρατιθέμενον ὑμῖν ἐσθίετε μηδὲν ἀνακρίνοντες διὰ τὴν συνείδησιν. 28ἐὰν δέ τις ὑμῖν εἴπῃ, τοῦτο ἱερόθυτόν ἐστιν, μὴ ἐσθίετε δι’ ἐκεῖνον τὸν μηνύσαντα καὶ τὴν συνείδησιν 29συνείδησιν δὲ λέγω οὐχὶ τὴν ἑαυτοῦ ἀλλὰ τὴν τοῦ ἑτέρου. ἱνατί γὰρ ἡ ἐλευθερία μου κρίνεται ὑπὸ ἄλλης συνειδήσεως; 30εἰ ἐγὼ χάριτι μετέχω, τί βλασφημοῦμαι ὑπὲρ οὗ ἐγὼ εὐχαριστῶ; 31εἴτε οὖν ἐσθίετε εἴτε πίνετε εἴτε τι ποιεῖτε, πάντα εἰς δόξαν θεοῦ ποιεῖτε. 32ἀπρόσκοποι καὶ Ἰουδαίοις γίνεσθε καὶ Ἕλλησιν καὶ τῇ ἐκκλησίᾳ τοῦ θεοῦ,
25Whatsoever is sold in the shambles, that eat, asking no question for conscience sake: 26For the earth is the Lord’s, and the fulness thereof. 27If any of them that believe not bid you to a feast, and ye be disposed to go; whatsoever is set before you, eat, asking no question for conscience sake. 28But if any man say unto you, This is offered in sacrifice unto idols, eat not for his sake that shewed it, and for conscience sake: for the earth is the Lord’s, and the fulness thereof: 29Conscience, I say, not thine own, but of the other: for why is my liberty judged of another man’s conscience? 30For if I by grace be a partaker, why am I evil spoken of for that for which I give thanks? 31Whether therefore ye eat, or drink, or whatsoever ye do, do all to the glory of God. 32Give none offence, neither to the Jews, nor to the Gentiles, nor to the church of God:
33καθωϲ καγω παντα παϲιν αρεϲκω μη ζητω το εμαυτου ϲυμφορον αλλα το τω πολλων ϊνα ϲωθωϲιν
Compare: Tischendorf 8th edition (1869)
33καθὼς κἀγὼ πάντα πᾶσιν ἀρέσκω, μὴ ζητῶν τὸ ἐμαυτοῦ σύμφορον ἀλλὰ τὸ τῶν πολλῶν, ἵνα σωθῶσιν.
33Even as I please all men in all things, not seeking mine own profit, but the profit of many, that they may be saved.
Cite
Source & Cross-References
- Source text: Codex Sinaiticus folio + transcription (codexsinaiticus.org) + Tischendorf 8th edition (bolls.life) + KJV (bible-api.com) — view original
- Critical edition: Tischendorf 8th edition (1869) / Codex Sinaiticus transcription
← previous · → next · v cycle view · l back to library