Acts, Chapter 8
Introduction
This entry meets the strict three-criteria standard of the Theosis Library:
- Manuscript scan: The actual folio of Codex Sinaiticus containing this passage, from the Codex Sinaiticus Project (codexsinaiticus.org). Library folio reference: 303.
- Original text: The Codex Sinaiticus Project's verbatim transcription of the folio shown, letter for letter as the scribe wrote it (no accents, lunate sigma ϲ, nomina sacra such as θϲ for θεός and κϲ for κύριος). Beneath it, for comparison, the reading of Tischendorf's 8th critical edition (1869). Where the two differ, the transcription is what the manuscript actually says.
- English translation: The King James Version (1611), retrieved verbatim from the public-domain bible-api.com endpoint.
Manuscript note: KJV verse 8:37 is not present in Codex Sinaiticus as transcribed by the Codex Sinaiticus Project. The English is shown for reference with no Greek beside it. Tischendorf's edition reading is available under "Compare" for the surrounding verses. This is a genuine difference between the 4th-century manuscript and the later text underlying the KJV, and it can be checked directly on the folio.
How was this verified? (Provenance)
1ϲαυλοϲ δε ην ϲυνευδοκω τη αναιρεϲι αυτου εγενετο δε εν εκινη τη ημερα διωγμοϲ μεγαϲ επι την εκκληϲιαν την εν ϊεροϲολυμοιϲ παντεϲ διεϲπαρηϲαν κατα ταϲ χωραϲ τηϲ ϊουδαιαϲ και ϲαμαριαϲ πλην των αποϲτολων · 2ϲυνεκομιϲαν δε τον ϲτεφανον ανδρεϲ ευλαβειϲ και εποιηϲαν κοπετον μεγαν επ αυτω · 3ϲαυλοϲ δε ελυμαινετο την εκκληϲιαν κατα τουϲ οικουϲ ειϲπορευομενοϲ ϲυρων τε τουϲ ανδραϲ και γυναικαϲ παρεδιδου ειϲ φυλακην 4οι μεν ουν διαϲπαρεντεϲ ηλθον ευαγγελιζομενοι τον λογον ˙ 5φιλιπποϲ δε κατελθω ειϲ την πολιν τηϲ καιϲαριαϲ εκηρυϲϲεν αυτοιϲ τον χν · 6προϲειχον δε οι οχλοι τοιϲ λεγομενοιϲ ϋπο του φιλιππου ομοθυμαδον ε τω ακουειν αυτου και βλεπιν τα ϲημια α εποιει 7πολλοι γαρ των εχοντων πνατα ακαθαρτα βοωντα φωνη μεγαλη εξηρχοντο πολλοι δε παραλελυμενοι και χωλοι εθεραπευθηϲαν 8εγενετο δε πολλη χαρα εν τη πολι εκεινη ·
Compare: Tischendorf 8th edition (1869)
1Σαῦλος δὲ ἦν συνευδοκῶν τῇ ἀναιρέσει αὐτοῦ. Ἐγένετο δὲ ἐν ἐκείνῃ τῇ ἡμέρᾳ διωγμὸς μέγας ἐπὶ τὴν ἐκκλησίαν τὴν ἐν Ἱεροσολύμοις· πάντες διεσπάρησαν κατὰ τὰς χώρας τῆς Ἰουδαίας καὶ Σαμαρίας πλὴν τῶν ἀποστόλων. 2συνεκόμισαν δὲ τὸν Στέφανον ἄνδρες εὐλαβεῖς καὶ ἐποίησαν κοπετὸν μέγαν ἐπ’ αὐτῷ. 3Σαῦλος δὲ ἐλυμαίνετο τὴν ἐκκλησίαν κατὰ τοὺς οἴκους εἰσπορευόμενος, σύρων τε ἄνδρας καὶ γυναῖκας παρεδίδου εἰς φυλακήν. 4Οἱ μὲν οὖν διασπαρέντες διῆλθον εὐαγγελιζόμενοι τὸν λόγον. 5Φίλιππος δὲ κατελθὼν εἰς τὴν πόλιν τῆς Σαμαρίας ἐκήρυσσεν αὐτοῖς τὸν Χριστόν. 6προσεῖχον δὲ οἱ ὄχλοι τοῖς λεγομένοις ὑπὸ τοῦ Φιλίππου ὁμοθυμαδὸν ἐν τῷ ἀκούειν αὐτοὺς καὶ βλέπειν τὰ σημεῖα ἃ ἐποίει· 7πολλοὶ γὰρ τῶν ἐχόντων πνεύματα ἀκάθαρτα βοῶντα φωνῇ μεγάλῃ ἐξήρχοντο, πολλοὶ δὲ παραλελυμένοι καὶ χωλοὶ ἐθεραπεύθησαν· 8ἐγένετο δὲ πολλὴ χαρὰ ἐν τῇ πόλει ἐκείνῃ.
1And Saul was consenting unto his death. And at that time there was a great persecution against the church which was at Jerusalem; and they were all scattered abroad throughout the regions of Judaea and Samaria, except the apostles. 2And devout men carried Stephen to his burial, and made great lamentation over him. 3As for Saul, he made havock of the church, entering into every house, and haling men and women committed them to prison. 4Therefore they that were scattered abroad went every where preaching the word. 5Then Philip went down to the city of Samaria, and preached Christ unto them. 6And the people with one accord gave heed unto those things which Philip spake, hearing and seeing the miracles which he did. 7For unclean spirits, crying with loud voice, came out of many that were possessed with them: and many taken with palsies, and that were lame, were healed. 8And there was great joy in that city.
9ανηρ δε τιϲ ονοματι ϲιμων προϋπηρχεν εν τη πολι μαγευων και εξϊϲτανων το εθνοϲ τηϲ ϲαμαριαϲ λεγων ειναι τινα εαυτον μεγαν ˙ 10ὡ προϲειχαν παντεϲ απο μικρου εωϲ μεγαλου λεγοντεϲ ουτοϲ εϲτιν η δυναμιϲ του θυ η καλουμενη μεγαλη ˙ 11προϲειχον δε αυτω δια το ϊκανω χρονω ταιϲ μαγιαιϲ εξεϲτακεναι αυτουϲ . 12οτε δε επιϲτευϲαν του φιλιππου ευαγγελιζομενου περι τηϲ βαϲιλιαϲ του κυ και του ονοματοϲ ιυ χυ εβαπτιζοντο ανδρεϲ τε και γυναικεϲ 13ο δε ϲιμων και αυτοϲ επιϲτευϲε και βαπτιϲθειϲ η προϲκαρτερων τω φιλιππω θεορων τε ϲημια και δυναμιϲ μεγαλαϲ γεινομεναϲ εξϊϲταντο 14ακουϲαντεϲ δε οι εν ϊεροϲολυμοιϲ αποϲτολοι οτι δεδεκται η ϲαμαρια τον λογον του χυ απεϲτιλαν προϲ αυτουϲ πετρον και ϊωαννην 15οιτινεϲ καταβαντεϲ προϲηυξαντο περι αυτων οπωϲ λαβωϲιν πνα αγιον 16ουδεπω γαρ η επ ουδενι αυτω επιπεπτωκοϲ μονον δε εβαπτιϲμενοι υπηρχο ειϲ το ονομα του κυ ιυ ·
Compare: Tischendorf 8th edition (1869)
9Ἀνὴρ δέ τις ὀνόματι Σίμων προϋπῆρχεν ἐν τῇ πόλει μαγεύων καὶ ἐξιστάνων τὸ ἔθνος τῆς Σαμαρίας, λέγων εἶναί τινα ἑαυτὸν μέγαν, 10ᾧ προσεῖχον πάντες ἀπὸ μικροῦ ἕως μεγάλου λέγοντες, οὗτός ἐστιν ἡ δύναμις τοῦ θεοῦ ἡ καλουμένη μεγάλη. 11προσεῖχον δὲ αὐτῷ διὰ τὸ ἱκανῷ χρόνῳ ταῖς μαγίαις ἐξεστακέναι αὐτούς. 12ὅτε δὲ ἐπίστευσαν τῷ Φιλίππῳ εὐαγγελιζομένῳ περὶ τῆς βασιλείας τοῦ θεοῦ καὶ τοῦ ὀνόματος Ἰησοῦ Χριστοῦ, ἐβαπτίζοντο ἄνδρες τε καὶ γυναῖκες. 13ὁ δὲ Σίμων καὶ αὐτὸς ἐπίστευσεν, καὶ βαπτισθεὶς ἦν προσκαρτερῶν τῷ Φιλίππῳ, θεωρῶν τε σημεῖα καὶ δυνάμεις μεγάλας γινομένας ἐξίστατο. 14ἀκούσαντες δὲ οἱ ἐν Ἱεροσολύμοις ἀπόστολοι ὅτι δέδεκται ἡ Σαμάρια τὸν λόγον τοῦ θεοῦ ἀπέστειλαν πρὸς αὐτοὺς Πέτρον καὶ Ἰωάννην, 15οἵτινες καταβάντες προσηύξαντο περὶ αὐτῶν ὅπως λάβωσιν πνεῦμα ἅγιον· 16οὐδέπω γὰρ ἦν ἐπ’ οὐδενὶ αὐτῶν ἐπιπεπτωκός, μόνον δὲ βεβαπτισμένοι ὑπῆρχον εἰς τὸ ὄνομα τοῦ κυρίου Ἰησοῦ.
9But there was a certain man, called Simon, which beforetime in the same city used sorcery, and bewitched the people of Samaria, giving out that himself was some great one: 10To whom they all gave heed, from the least to the greatest, saying, This man is the great power of God. 11And to him they had regard, because that of long time he had bewitched them with sorceries. 12But when they believed Philip preaching the things concerning the kingdom of God, and the name of Jesus Christ, they were baptized, both men and women. 13Then Simon himself believed also: and when he was baptized, he continued with Philip, and wondered, beholding the miracles and signs which were done. 14Now when the apostles which were at Jerusalem heard that Samaria had received the word of God, they sent unto them Peter and John: 15Who, when they were come down, prayed for them, that they might receive the Holy Ghost: 16(For as yet he was fallen upon none of them: only they were baptized in the name of the Lord Jesus.)
17τοτε επετιθεϲαν ταϲ χιραϲ επ αυτουϲ και ελαμβανον πνα αγιο 18ϊδων δε ο ϲιμων οτι δια τηϲ επιθεϲεωϲ των χιρω των αποϲτολω διδοται το πνα προϲηνεγκεν αυτοιϲ χρηματα 19λεγων δοτε καμοι την εξουϲια ταυτην ϊνα ω εα επιθω ταϲ χιραϲ λαμβανη πνα αγιον ˙ 20πετροϲ δε ειπεν προϲ αυτουϲ το αργυριον ϲου ϲυν ϲοι ειη ειϲ απωλιαν οτι την δωρεαν του θυ ενομιϲαϲ δια χρηματων κταϲθαι 21ουκ εϲτιν ϲοι μεριϲ ουδε κληροϲ εν τω λογω τουτω η γαρ καρδια ϲου ουκ εϲτιν ευθια εναντι του θυ · 22μετανοηϲον ου απο τηϲ κακιαϲ ϲου ταυτηϲ και δεηθητι του κυ ει αρα αφεθηϲεται ϲοι η επινοια τηϲ καρδιαϲ ϲου 23ειϲ γαρ χολην πικριαϲ και ϲυδεϲμον αδικιαϲ ορω ϲε οντα · 24αποκριθειϲ δε ο ϲιμων ειπεν δεηθηται ϋμιϲ ϋπερ εμου προϲ τον κν οπωϲ μηδεν επελθη επ εμε ων ειρηκατε
Compare: Tischendorf 8th edition (1869)
17τότε ἐπετίθεσαν τὰς χεῖρας ἐπ’ αὐτούς, καὶ ἐλάμβανον πνεῦμα ἅγιον. 18ἰδὼν δὲ ὁ Σίμων ὅτι διὰ τῆς ἐπιθέσεως τῶν χειρῶν τῶν ἀποστόλων δίδοται τὸ πνεῦμα, προσήνεγκεν αὐτοῖς χρήματα 19λέγων, δότε κἀμοὶ τὴν ἐξουσίαν ταύτην ἵνα ᾧ ἐὰν ἐπιθῶ τὰς χεῖρας λαμβάνῃ πνεῦμα ἅγιον. 20Πέτρος δὲ εἶπεν πρὸς αὐτόν, τὸ ἀργύριόν σου σὺν σοὶ εἴη εἰς ἀπώλειαν, ὅτι τὴν δωρεὰν τοῦ θεοῦ ἐνόμισας διὰ χρημάτων κτᾶσθαι. 21οὐκ ἔστιν σοι μερὶς οὐδὲ κλῆρος ἐν τῷ λόγῳ τούτῳ, ἡ γὰρ καρδία σου οὐκ ἔστιν εὐθεῖα ἔναντι τοῦ θεοῦ. 22μετανόησον οὖν ἀπὸ τῆς κακίας σου ταύτης, καὶ δεήθητι τοῦ κυρίου εἰ ἄρα ἀφεθήσεταί σοι ἡ ἐπίνοια τῆς καρδίας σου· 23εἰς γὰρ χολὴν πικρίας καὶ σύνδεσμον ἀδικίας ὁρῶ σε ὄντα. 24ἀποκριθεὶς δὲ ὁ Σίμων εἶπεν, δεήθητε ὑμεῖς ὑπὲρ ἐμοῦ πρὸς τὸν κύριον ὅπως μηδὲν ἐπέλθῃ ἐπ’ ἐμὲ ὧν εἰρήκατε.
17Then laid they their hands on them, and they received the Holy Ghost. 18And when Simon saw that through laying on of the apostles’ hands the Holy Ghost was given, he offered them money, 19Saying, Give me also this power, that on whomsoever I lay hands, he may receive the Holy Ghost. 20But Peter said unto him, Thy money perish with thee, because thou hast thought that the gift of God may be purchased with money. 21Thou hast neither part nor lot in this matter: for thy heart is not right in the sight of God. 22Repent therefore of this thy wickedness, and pray God, if perhaps the thought of thine heart may be forgiven thee. 23For I perceive that thou art in the gall of bitterness, and in the bond of iniquity. 24Then answered Simon, and said, Pray ye to the Lord for me, that none of these things which ye have spoken come upon me.
25οι μεν ουν διαμαρτυρομενοι και λαληϲαντεϲ τον λογον του κυ ϋ πεϲτρεφον ειϲ ϊεροϲολυμα πολλαϲ τε κωμαϲ των ϲαμαριτων ευηγγελιζοντο26αγγελοϲ δε κυ ελαληϲεν προϲ φιλιππο λεγων αναϲτηθι και πορευου κατα μεϲημβριαν επι την οδον την καλουμενην καταβαινουϲαν απο ϊερουϲαλημ ειϲ γαζαν αυτη εϲτιν ερημοϲ 27και αναϲταϲ επορευθη · και ϊδου ανηρ αιθιοψʼ ευνουχοϲ δυναϲτηϲ κανδακηϲ βαϲιλιϲϲηϲ αιθιοπων οϲ ην επι παϲηϲ τηϲ γαζηϲ αυτηϲ · εληλυθει προϲκυνηϲων ειϲ ϊερουϲαλημʼ 28ην τε υποϲτρεφων και καθημενοϲ επι του αρματοϲ αυτου ανεγινωϲκεν το προφητην ηϲαιαν · 29ειπεν δε το πνα τω φιλιππω προϲελθε και κολληθητι τω αρματι τουτω 30προϲδραμων δε ο φιλιπποϲ ηκουϲεν αυτου αναγινωϲκοτοϲ ηϲαϊαν τον προφητην και ειπεν αρα γε γινωϲκειϲ α αναγινωϲκειϲ ˙ 31ο δε ειπεν πωϲ γαρ αν δυναιμην εαν μη τιϲ οδηγηϲει με · παρεκαλεϲεν τε τον φιλιππον αναβαντα καθιϲε ϲυν αυτω ˙ 32η δε περιοχη τηϲ γραφηϲ ην ανεγινωϲκε ην αυτη ˙ ωϲ προβατον επι ϲφαγην ηχθη και ωϲ αμνοϲ εναντιον του κιραντοϲ αυτον αφωνοϲ ουτωϲ ουκ ανυγει το ϲτομα αυτου
Compare: Tischendorf 8th edition (1869)
25Οἱ μὲν οὖν διαμαρτυράμενοι καὶ λαλήσαντες τὸν λόγον τοῦ κυρίου ὑπέστρεφον εἰς Ἱεροσόλυμα, πολλάς τε κώμας τῶν Σαμαριτῶν εὐηγγελίζοντο. 26Ἄγγελος δὲ κυρίου ἐλάλησεν πρὸς Φίλιππον λέγων· ἀνάστηθι καὶ πορεύου κατὰ μεσημβρίαν ἐπὶ τὴν ὁδὸν τὴν καταβαίνουσαν ἀπὸ Ἱερουσαλὴμ εἰς Γάζαν· αὕτη ἐστὶν ἔρημος. 27καὶ ἀναστὰς ἐπορεύθη· καὶ ἰδοὺ ἀνὴρ Αἰθίοψ εὐνοῦχος δυνάστης Κανδάκης βασιλίσσης Αἰθιόπων, ὃς ἦν ἐπὶ πάσης τῆς γάζης αὐτῆς, ἐληλύθει προσκυνήσων εἰς Ἱερουσαλήμ, 28ἦν τε ὑποστρέφων καὶ καθήμενος ἐπὶ τοῦ ἅρματος αὐτοῦ ἀνεγίνωσκεν τὸν προφήτην Ἠσαΐαν. 29εἶπεν δὲ τὸ πνεῦμα τῷ Φιλίππῳ, πρόσελθε καὶ κολλήθητι τῷ ἅρματι τούτῳ. 30προσδραμὼν δὲ ὁ Φίλιππος ἤκουσεν αὐτοῦ ἀναγινώσκοντος Ἠσαΐαν τὸν προφήτην, καὶ εἶπεν· ἆράγε γινώσκεις ἃ ἀναγινώσκεις; 31ὁ δὲ εἶπεν, πῶς γὰρ ἂν δυναίμην ἐὰν μή τις ὁδηγήσει με; παρεκάλεσέν τε τὸν Φίλιππον ἀναβάντα καθίσαι σὺν αὐτῷ. 32ἡ δὲ περιοχὴ τῆς γραφῆς ἣν ἀνεγίνωσκεν ἦν αὕτη· ὡς πρόβατον ἐπὶ σφαγὴν ἤχθη, καὶ ὡς ἀμνὸς ἐναντίον τοῦ κείραντος αὐτὸν ἄφωνος, οὕτως οὐκ ἀνοίγει τὸ στόμα αὐτοῦ.
25And they, when they had testified and preached the word of the Lord, returned to Jerusalem, and preached the gospel in many villages of the Samaritans. 26And the angel of the Lord spake unto Philip, saying, Arise, and go toward the south unto the way that goeth down from Jerusalem unto Gaza, which is desert. 27And he arose and went: and, behold, a man of Ethiopia, an eunuch of great authority under Candace queen of the Ethiopians, who had the charge of all her treasure, and had come to Jerusalem for to worship, 28Was returning, and sitting in his chariot read Esaias the prophet. 29Then the Spirit said unto Philip, Go near, and join thyself to this chariot. 30And Philip ran thither to him, and heard him read the prophet Esaias, and said, Understandest thou what thou readest? 31And he said, How can I, except some man should guide me? And he desired Philip that he would come up and sit with him. 32The place of the scripture which he read was this, He was led as a sheep to the slaughter; and like a lamb dumb before his shearer, so opened he not his mouth:
33εν τη ταπινωϲει η κριϲιϲ αυτου ηρθη · την γενεαν αυτου τιϲ διηγηϲεται οτι αιρεται απο τηϲ γηϲ η ζωη αυτου 34αποκριθειϲ δε ο ευνουχοϲ τω φιλιππω ειπεν · δεομαι ϲου περι τινοϲ ο προφητηϲ λεγει τουτο περι εαυτου η περι ετερου τινοϲ 35ανοιξαϲ δε ο φιλιπποϲ το ϲτομα αυτου και αρξαμενοϲ απο τηϲ γραφηϲ ταυτηϲ και ευηγγελιϲατο αυτω τον ιν · 36ωϲ δε επορευοντο κατα την οδον ηλθον επι τι υδωρ και φηϲιν ο ευνουχοϲ ϊδου ϊδωρ τι κωλυει με βαπτιϲθηναι 38και εκελευϲεν ϲτηναι το αρμα και κατεβηϲαν αμφοτεροι ειϲ το ϋδωρ ο τε φιλιπποϲ και ο ευνουχοϲ και εβαπτιϲεν αυτον · 39οτε δε ανεβηϲαν εκ του υδατοϲ πνα κυ ηρπαϲεν τον φιλιππον και ουκ ειδεν αυτον ˙ ουκετι ο ευνουχοϲ επορευετο γαρ την οδον αυτου χαιρω 40φιλιπποϲ δε ευρεθη ειϲ αζωτον και διερχομενοϲ ευηγγελιζετο ταϲ πολιϲ παϲαϲ εωϲ του ελθιν αυτον ειϲ καιϲαριαν ·
Compare: Tischendorf 8th edition (1869)
33ἐν τῇ ταπεινώσει ἡ κρίσις αὐτοῦ ἤρθη· τὴν γενεὰν αὐτοῦ τίς διηγήσεται; ὅτι αἴρεται ἀπὸ τῆς γῆς ἡ ζωὴ αὐτοῦ. 34ἀποκριθεὶς δὲ ὁ εὐνοῦχος τῷ Φιλίππῳ εἶπεν, δέομαί σου, περὶ τίνος ὁ προφήτης λέγει τοῦτο; περὶ ἑαυτοῦ ἢ περὶ ἑτέρου τινός; 35ἀνοίξας δὲ ὁ Φίλιππος τὸ στόμα αὐτοῦ καὶ ἀρξάμενος ἀπὸ τῆς γραφῆς ταύτης εὐηγγελίσατο αὐτῷ τὸν Ἰησοῦν. 36ὡς δὲ ἐπορεύοντο κατὰ τὴν ὁδόν, ἦλθον ἐπί τι ὕδωρ, καί φησιν ὁ εὐνοῦχος· ἰδοὺ ὕδωρ· τί κωλύει με βαπτισθῆναι; 37 38καὶ ἐκέλευσεν στῆναι τὸ ἅρμα, καὶ κατέβησαν ἀμφότεροι εἰς τὸ ὕδωρ ὅ τε Φίλιππος καὶ ὁ εὐνοῦχος, καὶ ἐβάπτισεν αὐτόν. 39ὅτε δὲ ἀνέβησαν ἐκ τοῦ ὕδατος, πνεῦμα κυρίου ἥρπασεν τὸν Φίλιππον, καὶ οὐκ εἶδεν αὐτὸν οὐκέτι ὁ εὐνοῦχος· ἐπορεύετο γὰρ τὴν ὁδὸν αὐτοῦ χαίρων. 40Φίλιππος δὲ εὑρέθη εἰς Ἄζωτον, καὶ διερχόμενος εὐηγγελίζετο τὰς πόλεις πάσας ἕως τοῦ ἐλθεῖν αὐτὸν εἰς Καισάριαν.
33In his humiliation his judgment was taken away: and who shall declare his generation? for his life is taken from the earth. 34And the eunuch answered Philip, and said, I pray thee, of whom speaketh the prophet this? of himself, or of some other man? 35Then Philip opened his mouth, and began at the same scripture, and preached unto him Jesus. 36And as they went on their way, they came unto a certain water: and the eunuch said, See, here is water; what doth hinder me to be baptized? 37And Philip said, If thou believest with all thine heart, thou mayest. And he answered and said, I believe that Jesus Christ is the Son of God. 38And he commanded the chariot to stand still: and they went down both into the water, both Philip and the eunuch; and he baptized him. 39And when they were come up out of the water, the Spirit of the Lord caught away Philip, that the eunuch saw him no more: and he went on his way rejoicing. 40But Philip was found at Azotus: and passing through he preached in all the cities, till he came to Caesarea.
Cite
Source & Cross-References
- Source text: Codex Sinaiticus folio + transcription (codexsinaiticus.org) + Tischendorf 8th edition (bolls.life) + KJV (bible-api.com) — view original
- Critical edition: Tischendorf 8th edition (1869) / Codex Sinaiticus transcription
← previous · → next · v cycle view · l back to library