Hebrews, Chapter 13
Introduction
This entry meets the strict three-criteria standard of the Theosis Library:
- Manuscript scan: The actual folio of Codex Sinaiticus containing this passage, from the Codex Sinaiticus Project (codexsinaiticus.org). Library folio reference: 293.
- Original text: The Codex Sinaiticus Project's verbatim transcription of the folio shown, letter for letter as the scribe wrote it (no accents, lunate sigma ϲ, nomina sacra such as θϲ for θεός and κϲ for κύριος). Beneath it, for comparison, the reading of Tischendorf's 8th critical edition (1869). Where the two differ, the transcription is what the manuscript actually says.
- English translation: The King James Version (1611), retrieved verbatim from the public-domain bible-api.com endpoint.
How was this verified? (Provenance)
1η φιλαδελφια μενετω 2την φιλοξενιαν μη επιλαθανεϲθε δια ταυτηϲ γαρ ελαθον τινεϲ ξενιϲαντεϲ αγγελουϲ 3μιμνηϲκεϲθαι τω δεϲμιων ωϲ ϲυδεδεμενοι των κακουχουμενω ωϲ και αυτοι οντεϲ εν ϲωματι · 4τιμιοϲ ο γαμοϲ εν παϲιν και η κοιτη αμιαντοϲ πορνουϲ γαρ και μοιχουϲ κρινι ο θϲ 5αφιλαργυροϲ ο τροποϲ αρκουμενοι τοιϲ παρουϲιν αυτοϲ γαρ ειρηκεν ου μη ϲε ανω ουδ ου μη ϲε εγκαταλειπω 6ωϲτε θαρρουταϲ ημαϲ λεγειν κϲ εμοι βοηθοϲ ου φοβηθηϲομαι τι ποιηϲει μοι ανθρωποϲ 7μνημονευετε τω ηγουμενων ϋμω οιτινεϲ ελαληϲα ϋμιν τον λογον του θυ ων αναθεωρουντεϲ την εκβαϲιν τηϲ αναϲτροφηϲ μιμειϲθαι τη πιϲτιν 8ιϲ χϲ εχθεϲ και ϲημερον ο αυτοϲ κ(αι) ειϲ τουϲ αιωναϲ
Compare: Tischendorf 8th edition (1869)
1Ἡ φιλαδελφία μενέτω. 2τῆς φιλοξενίας μὴ ἐπιλανθάνεσθε· διὰ ταύτης γὰρ ἔλαθόν τινες ξενίσαντες ἀγγέλους. 3μιμνῄσκεσθε τῶν δεσμίων ὡς συνδεδεμένοι, τῶν κακουχουμένων ὡς καὶ αὐτοὶ ὄντες ἐν σώματι. 4τίμιος ὁ γάμος ἐν πᾶσιν καὶ ἡ κοίτη ἀμίαντος, πόρνους γὰρ καὶ μοιχοὺς κρινεῖ ὁ θεός. 5ἀφιλάργυρος ὁ τρόπος, ἀρκούμενοι τοῖς παροῦσιν· αὐτὸς γὰρ εἴρηκεν, οὐ μή σε ἀνῶ οὐδ’ οὐ μή σε ἐγκαταλείπω, 6ὥστε θαρροῦντας ἡμᾶς λέγειν, κύριος ἐμοὶ βοηθός, οὐ φοβηθήσομαι· τί ποιήσει μοι ἄνθρωπος; 7Μνημονεύετε τῶν ἡγουμένων ὑμῶν, οἵτινες ἐλάλησαν ὑμῖν τὸν λόγον τοῦ θεοῦ, ὧν ἀναθεωροῦντες τὴν ἔκβασιν τῆς ἀναστροφῆς μιμεῖσθε τὴν πίστιν. 8Ἰησοῦς Χριστὸς ἐχθὲς καὶ σήμερον ὁ αὐτός, καὶ εἰς τοὺς αἰῶνας.
1Let brotherly love continue. 2Be not forgetful to entertain strangers: for thereby some have entertained angels unawares. 3Remember them that are in bonds, as bound with them; and them which suffer adversity, as being yourselves also in the body. 4Marriage is honourable in all, and the bed undefiled: but whoremongers and adulterers God will judge. 5Let your conversation be without covetousness; and be content with such things as ye have: for he hath said, I will never leave thee, nor forsake thee. 6So that we may boldly say, The Lord is my helper, and I will not fear what man shall do unto me. 7Remember them which have the rule over you, who have spoken unto you the word of God: whose faith follow, considering the end of their conversation. 8Jesus Christ the same yesterday, and to day, and for ever.
9διδαχαιϲ ποικιλαιϲ και ξεναιϲ μη παραφερεϲθε καλον γαρ χαριτι βεβαιουϲθε την καρδιαν ου βρωμαϲιν εν οιϲ ουκ ωφεληθηϲαν οι περιπατουντεϲ 10εχομεν θυϲιαϲτηριον εξ ου φαγει ουκ εχουϲιν εξουϲιαν οι τη ϲκηνη λατρευοντεϲ 11ων γαρ ειϲφερεται ζωων το αιμα περι αμαρτιαϲ ειϲ τα αγια δια του αρχϊερεωϲ τουτων τα ϲωματα κατακαιεται εξω τηϲ παρεμβοληϲ 12διο και ιϲ ϊνα αγιαϲη δια του ϊδιου αιματοϲ τον λαο εξω τηϲ πυληϲ 13τοινυν εξερχωμεθα προϲ αυτον εξω τηϲ παρεμβοληϲ τον ονειδιϲμον αυτου φεροντεϲ 14ου γαρ εχομεν ωδε μενουϲαν πολιν αλλα την μελλουϲαν επιζητουμεν 15δι αυτου αναφερωμεν θυϲιαν αινεϲεωϲ δια παντοϲ τω θω τουτ εϲτιν καρπον χειλεων ομολογουντων τω ονοματι αυτου 16τηϲ δε ευποιϊαϲ κ(αι) κοινωνιαϲ μη επιλανθανεϲθε τοιαυταιϲ γαρ θυϲιαιϲ ευαρεϲτιται ο θϲ
Compare: Tischendorf 8th edition (1869)
9διδαχαῖς ποικίλαις καὶ ξέναις μὴ παραφέρεσθε· καλὸν γὰρ χάριτι βεβαιοῦσθαι τὴν καρδίαν, οὐ βρώμασιν, ἐν οἷς οὐκ ὠφελήθησαν οἱ περιπατοῦντες. 10Ἔχομεν θυσιαστήριον ἐξ οὗ φαγεῖν οὐκ ἔχουσιν ἐξουσίαν οἱ τῇ σκηνῇ λατρεύοντες. 11ὧν γὰρ εἰσφέρεται ζώων τὸ αἷμα περὶ ἁμαρτίας εἰς τὰ ἅγια διὰ τοῦ ἀρχιερέως, τούτων τὰ σώματα κατακαίεται ἔξω τῆς παρεμβολῆς. 12διὸ καὶ Ἰησοῦς, ἵνα ἁγιάσῃ διὰ τοῦ ἰδίου αἵματος τὸν λαόν, ἔξω τῆς πύλης ἔπαθεν. 13τοίνυν ἐξερχώμεθα πρὸς αὐτὸν ἔξω τῆς παρεμβολῆς, τὸν ὀνειδισμὸν αὐτοῦ φέροντες· 14οὐ γὰρ ἔχομεν ὧδε μένουσαν πόλιν, ἀλλὰ τὴν μέλλουσαν ἐπιζητοῦμεν. 15Δι’ αὐτοῦ οὖν ἀναφέρωμεν θυσίαν αἰνέσεως διαπαντὸς τῷ θεῷ, τοῦτ’ ἔστιν καρπὸν χειλέων ὁμολογούντων τῷ ὀνόματι αὐτοῦ. 16τῆς δὲ εὐποιΐας καὶ κοινωνίας μὴ ἐπιλανθάνεσθε, τοιαύταις γὰρ θυσίαις εὐαρεστεῖται ὁ θεός.
9Be not carried about with divers and strange doctrines. For it is a good thing that the heart be established with grace; not with meats, which have not profited them that have been occupied therein. 10We have an altar, whereof they have no right to eat which serve the tabernacle. 11For the bodies of those beasts, whose blood is brought into the sanctuary by the high priest for sin, are burned without the camp. 12Wherefore Jesus also, that he might sanctify the people with his own blood, suffered without the gate. 13Let us go forth therefore unto him without the camp, bearing his reproach. 14For here have we no continuing city, but we seek one to come. 15By him therefore let us offer the sacrifice of praise to God continually, that is, the fruit of our lips giving thanks to his name. 16But to do good and to communicate forget not: for with such sacrifices God is well pleased.
17πειθεϲθε τοιϲ ηγουμενοιϲ υμων και ϋπεικετε αυτοι γαρ αγρυπνουϲιν ϋπερ των ψυχων ϋμων ωϲ λογον αποδωϲοντεϲ ϊνα μετα χαραϲ τουτο ποιωϲιν και μη ϲτεναζοτεϲ αλυϲιτελεϲ γαρ ϋμιν τουτο 18προϲευχεϲθε περι ημων οτι καληθα γαρ οτι καλην ϲυνϊδηϲιν εχομεν εν παϲιν καλωϲ θελοντεϲ αναϲτρεφεϲθαι 19περιϲϲοτερωϲ δε παρακαλω τουτο ποιηϲαι ϊνα ταχειον αποκαταϲταθω ϋμιν 20ο δε θϲ τηϲ ειρηνηϲ ο αναγαγων εκ νεκρων τον ποιμενα των προβατω τον μεγαν εν αιματι διαθηκηϲ αιωνιου τον κν ημων ιν 21καταρτιϲαι ϋμαϲ εν παντι αγαθω ειϲ το ποιηϲαι το θελημα αυτου αυτω ποιων εν ημιν το ευαρεϲτον ενωπιο αυτου δια ιυ χυ ω η δοξα ειϲ τουϲ αιωναϲ των αιωνω αμην · 22παρακαλω δε ϋμαϲ αδελφοι ανεχεϲθε του λογου τηϲ παρακληϲεωϲ και δια βραχεων επεϲτιλα υμιν 23γεινωϲκετε τον αδελφον ημων τιμοθεον απολελυμενον μεθ ου εαν ταχιον ερχηϲθε οψομαι ϋμαϲ 24αϲπαϲαϲθαι πανταϲ τουϲ ηγουμενουϲ υμων και πανταϲ τουϲ αγιουϲ αϲπαζονται ϋμαϲ οι απο τηϲ ϊταλιαϲ
Compare: Tischendorf 8th edition (1869)
17Πείθεσθε τοῖς ἡγουμένοις ὑμῶν καὶ ὑπείκετε, αὐτοὶ γὰρ ἀγρυπνοῦσιν ὑπὲρ τῶν ψυχῶν ὑμῶν ὡς λόγον ἀποδώσοντες, ἵνα μετὰ χαρᾶς τοῦτο ποιῶσιν καὶ μὴ στενάζοντες, ἀλυσιτελὲς γὰρ ὑμῖν τοῦτο. 18Προσεύχεσθε περὶ ἡμῶν, πειθόμεθα γὰρ ὅτι καλὴν συνείδησιν ἔχομεν, ἐν πᾶσιν καλῶς θέλοντες ἀναστρέφεσθαι. 19περισσοτέρως δὲ παρακαλῶ τοῦτο ποιῆσαι ἵνα τάχιον ἀποκατασταθῶ ὑμῖν. 20Ὁ δὲ θεὸς τῆς εἰρήνης, ὁ ἀναγαγὼν ἐκ νεκρῶν τὸν ποιμένα τῶν προβάτων τὸν μέγαν ἐν αἵματι διαθήκης αἰωνίου, τὸν κύριον ἡμῶν Ἰησοῦν, 21καταρτίσαι ὑμᾶς ἐν παντὶ ἀγαθῷ εἰς τὸ ποιῆσαι τὸ θέλημα αὐτοῦ, ποιῶν ἐν ἡμῖν τὸ εὐάρεστον ἐνώπιον αὐτοῦ διὰ Ἰησοῦ Χριστοῦ, ᾧ ἡ δόξα εἰς τοὺς αἰῶνας τῶν αἰώνων· ἀμήν. 22Παρακαλῶ δὲ ὑμᾶς, ἀδελφοί, ἀνέχεσθε τοῦ λόγου τῆς παρακλήσεως, καὶ γὰρ διὰ βραχέων ἐπέστειλα ὑμῖν. 23γινώσκετε τὸν ἀδελφὸν ἡμῶν Τιμόθεον ἀπολελυμένον, μεθ’ οὗ ἐὰν τάχιον ἔρχηται ὄψομαι ὑμᾶς. 24ἀσπάσασθε πάντας τοὺς ἡγουμένους ὑμῶν καὶ πάντας τοὺς ἁγίους. ἀσπάζονται ὑμᾶς οἱ ἀπὸ τῆς Ἰταλίας.
17Obey them that have the rule over you, and submit yourselves: for they watch for your souls, as they that must give account, that they may do it with joy, and not with grief: for that is unprofitable for you. 18Pray for us: for we trust we have a good conscience, in all things willing to live honestly. 19But I beseech you the rather to do this, that I may be restored to you the sooner. 20Now the God of peace, that brought again from the dead our Lord Jesus, that great shepherd of the sheep, through the blood of the everlasting covenant, 21Make you perfect in every good work to do his will, working in you that which is wellpleasing in his sight, through Jesus Christ; to whom be glory for ever and ever. Amen. 22And I beseech you, brethren, suffer the word of exhortation: for I have written a letter unto you in few words. 23Know ye that our brother Timothy is set at liberty; with whom, if he come shortly, I will see you. 24Salute all them that have the rule over you, and all the saints. They of Italy salute you.
25η χαριϲ μετα παντων ϋμων
Compare: Tischendorf 8th edition (1869)
25Ἡ χάρις μετὰ πάντων ὑμῶν.
25Grace be with you all. Amen.
Cite
Source & Cross-References
- Source text: Codex Sinaiticus folio + transcription (codexsinaiticus.org) + Tischendorf 8th edition (bolls.life) + KJV (bible-api.com) — view original
- Critical edition: Tischendorf 8th edition (1869) / Codex Sinaiticus transcription
← previous · → next · v cycle view · l back to library