Ephesians, Chapter 6
Introduction
This entry meets the strict three-criteria standard of the Theosis Library:
- Manuscript scan: The actual folio of Codex Sinaiticus containing this passage, from the Codex Sinaiticus Project (codexsinaiticus.org). Library folio reference: 282.
- Original text: The Codex Sinaiticus Project's verbatim transcription of the folio shown, letter for letter as the scribe wrote it (no accents, lunate sigma ϲ, nomina sacra such as θϲ for θεός and κϲ for κύριος). Beneath it, for comparison, the reading of Tischendorf's 8th critical edition (1869). Where the two differ, the transcription is what the manuscript actually says.
- English translation: The King James Version (1611), retrieved verbatim from the public-domain bible-api.com endpoint.
How was this verified? (Provenance)
1τα τεκνα υπακουετε τοιϲ γονευϲιν ϋμων εν κω τουτο γαρ εϲτιν δικαιον 2τιμα τον πατερα ϲου και την μητερα ητιϲ εϲτιν εντολη πρωτη εν επαγγελια 3ϊνα ευ ϲοι γενηται και εϲη μακροχρονιοϲ επι τηϲ γηϲ ινα ευ ϲοι γενηται και εϲη μακροχρονιοϲ επι τηϲ γηϲ 4και οι πατερεϲ μη παροργιζετε τα τεκνα ϋμων αλλα εκτρεφεται αυτα εν παιδια και νουθεϲια κυ 5οι δουλοι ϋπακουετε τοιϲ κατα ϲαρκα κυριοιϲ μετα φοβου και τρομου εν απλοτητι καρδιαϲ ϋμων ωϲ τω χω 6μη κατ οφθαλμοδουλιαν ωϲ αθρωπαρεϲκοι αλλ ωϲ δουλοι χυ ποιουντεϲ το θελημα του θυ εκ ψυχηϲ 7μετ ευνοιαϲ δουλευοντεϲ ωϲ τω κω και ουκ ανθρωποιϲ 8ειδοτεϲ οτι εαν ποιηϲη εκαϲτοϲ αγαθον τουτο κομιϲεται παρα κυ ειτε δουλοϲ ειτε ελευθεροϲ
Compare: Tischendorf 8th edition (1869)
1Τὰ τέκνα, ὑπακούετε τοῖς γονεῦσιν ὑμῶν ἐν κυρίῳ, τοῦτο γάρ ἐστιν δίκαιον. 2τίμα τὸν πατέρα σου καὶ τὴν μητέρα, ἥτις ἐστὶν ἐντολὴ πρώτη ἐν ἐπαγγελίᾳ, 3ἵνα εὖ σοι γένηται καὶ ἔσῃ μακροχρόνιος ἐπὶ τῆς γῆς. 4Καὶ οἱ πατέρες, μὴ παροργίζετε τὰ τέκνα ὑμῶν, ἀλλὰ ἐκτρέφετε αὐτὰ ἐν παιδείᾳ καὶ νουθεσίᾳ κυρίου. 5Οἱ δοῦλοι, ὑπακούετε τοῖς κατὰ σάρκα κυρίοις μετὰ φόβου καὶ τρόμου ἐν ἁπλότητι καρδίας ὑμῶν ὡς τῷ Χριστῷ, 6μὴ κατ’ ὀφθαλμοδουλίαν ὡς ἀνθρωπάρεσκοι ἀλλ’ ὡς δοῦλοι Χριστοῦ ποιοῦντες τὸ θέλημα τοῦ θεοῦ ἐκ ψυχῆς, 7μετ’ εὐνοίας δουλεύοντες, ὡς τῷ κυρίῳ καὶ οὐκ ἀνθρώποις, 8εἰδότες ὅτι ἕκαστος, ἐάν τι ποιήσῃ ἀγαθόν, τοῦτο κομίσεται παρὰ κυρίου, εἴτε δοῦλος εἴτε ἐλεύθερος.
1Children, obey your parents in the Lord: for this is right. 2Honour thy father and mother; (which is the first commandment with promise;) 3That it may be well with thee, and thou mayest live long on the earth. 4And, ye fathers, provoke not your children to wrath: but bring them up in the nurture and admonition of the Lord. 5Servants, be obedient to them that are your masters according to the flesh, with fear and trembling, in singleness of your heart, as unto Christ; 6Not with eyeservice, as menpleasers; but as the servants of Christ, doing the will of God from the heart; 7With good will doing service, as to the Lord, and not to men: 8Knowing that whatsoever good thing any man doeth, the same shall he receive of the Lord, whether he be bond or free.
9και οι κυριοι τα αυτα ποιειτε προϲ αυτουϲ ανιεντεϲ τη απιλην ειδοτεϲ οτι και εαυτων και ϋμων ο κϲ εϲτιν εν ουρανω και προϲωπολημψια ουκ εϲτιν παρ αυτω 10του λοιπου ενδυναμουϲθαι εν τω κω και εν τω κρατι τηϲ ϊϲχυοϲ αυτου 11ενδυϲαϲθε την πανοπλιαν του θυ προϲ το δυναϲθαι υμαϲ ϲτηναι προϲ ταϲ μεθοδιαϲ του διαβολου 12οτι ουκ εϲτι ημιν η παλη προϲ αιμα και ϲαρκα αλλα προϲ ταϲ αρχαϲ προϲ ταϲ εξουϲιαϲ προϲ τουϲ κοϲμοκρατοραϲ του ϲκοτουϲ τουτου προϲ τα πνικα τηϲ πονηριαϲ εν τοιϲ επουρανιοιϲ · 13δια τουτο αναλαβετε την πανοπλιαν του θυ ϊνα δυνηθητε αντιϲτηναι εν τη ημερα τη πονηρα και απαντα κατεργαϲαμενοι ϲτηναι 14ϲτητε ουν περιζωϲαμενοι την οϲφυν ϋμων εν αληθια και ενδυϲαμενοι τον θωρακα τηϲ δικαιοϲυνηϲ 15και υποδηϲαμε νοι τουϲ ποδαϲ εν ετοιμαϲια του ευαγγελιου τηϲ ειρηνηϲ16εν παϲιν αναλαβοτεϲ τον θυρεον τηϲ πιϲτεωϲ εν ω δυνηϲεϲθαι παντα τα βελη του πονηρου τα πεπυρωμενα ϲβεϲαι
Compare: Tischendorf 8th edition (1869)
9Καὶ οἱ κύριοι, τὰ αὐτὰ ποιεῖτε πρὸς αὐτούς, ἀνιέντες τὴν ἀπειλήν, εἰδότες ὅτι καὶ αὐτῶν καὶ ὑμῶν ὁ κύριός ἐστιν ἐν οὐρανοῖς, καὶ προσωπολημψία οὐκ ἔστιν παρ’ αὐτῷ. 10Τοῦ λοιποῦ ἐνδυναμοῦσθε ἐν κυρίῳ καὶ ἐν τῷ κράτει τῆς ἰσχύος αὐτοῦ. 11ἐνδύσασθε τὴν πανοπλίαν τοῦ θεοῦ πρὸς τὸ δύνασθαι ὑμᾶς στῆναι πρὸς τὰς μεθοδίας τοῦ διαβόλου· 12ὅτι οὐκ ἔστιν ἡμῖν ἡ πάλη πρὸς αἷμα καὶ σάρκα, ἀλλὰ πρὸς τὰς ἀρχάς, πρὸς τὰς ἐξουσίας, πρὸς τοὺς κοσμοκράτορας τοῦ σκότους τούτου, πρὸς τὰ πνευματικὰ τῆς πονηρίας ἐν τοῖς ἐπουρανίοις. 13διὰ τοῦτο ἀναλάβετε τὴν πανοπλίαν τοῦ θεοῦ, ἵνα δυνηθῆτε ἀντιστῆναι ἐν τῇ ἡμέρᾳ τῇ πονηρᾷ καὶ ἅπαντα κατεργασάμενοι στῆναι. 14στῆτε οὖν περιζωσάμενοι τὴν ὀσφὺν ὑμῶν ἐν ἀληθείᾳ, καὶ ἐνδυσάμενοι τὸν θώρακα τῆς δικαιοσύνης, 15καὶ ὑποδησάμενοι τοὺς πόδας ἐν ἑτοιμασίᾳ τοῦ εὐαγγελίου τῆς εἰρήνης, 16ἐν πᾶσιν ἀναλαβόντες τὸν θυρεὸν τῆς πίστεως, ἐν ᾧ δυνήσεσθε πάντα τὰ βέλη τοῦ πονηροῦ τὰ πεπυρωμένα σβέσαι·
9And, ye masters, do the same things unto them, forbearing threatening: knowing that your Master also is in heaven; neither is there respect of persons with him. 10Finally, my brethren, be strong in the Lord, and in the power of his might. 11Put on the whole armour of God, that ye may be able to stand against the wiles of the devil. 12For we wrestle not against flesh and blood, but against principalities, against powers, against the rulers of the darkness of this world, against spiritual wickedness in high places. 13Wherefore take unto you the whole armour of God, that ye may be able to withstand in the evil day, and having done all, to stand. 14Stand therefore, having your loins girt about with truth, and having on the breastplate of righteousness; 15And your feet shod with the preparation of the gospel of peace; 16Above all, taking the shield of faith, wherewith ye shall be able to quench all the fiery darts of the wicked.
17και την περικεφαλαιαν του ϲωτηριου δεξαϲθε και τη μαχαιραν του πνϲ ο εϲτιν ρημα θυ 18δια παϲηϲ προϲευχηϲ και δεηϲεωϲ προϲευχομενοι εν παντι καιρω εν πνι και ειϲ αυτο αγρυπνουτεϲ εν παϲη προϲκαρτερηϲει και δεηϲει περι παντω των αγιων 19και ϋπερ εμου ϊνα δοθη μοι λογοϲ εν ανοιξει του ϲτοματοϲ μου εν παρρηϲια γνωριϲαι το μυϲτηριον του ευαγγελιου 20υπερ ου πρεϲβευω εν αλυϲει ϊνα παρρηϲιαϲωμαι εν αυτω ωϲ δει με λαληϲαι 21ϊνα δε και ϋμειϲ ϊδητε τα κατ εμε τι πραϲϲω παντα υ γνωριϲει υμιν τυχικοϲ ο αγαπητοϲ αδελφοϲ και πιϲτοϲ εν κω 22ον επεμψα προϲ ϋμαϲ ειϲ αυτο τουτο ινα γνωτε τα περι ημων και παρακαλεϲη ταϲ καρδιαϲ ϋμων 23ειρηνη τοιϲ αδελφοιϲ και αγαπη μετα πιϲτεωϲ απο θυ πρϲ και κυ ιυ χυ 24η χαριϲ μετα παντω των αγαπωντων τον κν ημων ιν χν εν αφθαρϲια
Compare: Tischendorf 8th edition (1869)
17καὶ τὴν περικεφαλαίαν τοῦ σωτηρίου δέξασθε, καὶ τὴν μάχαιραν τοῦ πνεύματος, ὅ ἐστιν ῥῆμα θεοῦ, 18διὰ πάσης προσευχῆς καὶ δεήσεως προσευχόμενοι ἐν παντὶ καιρῷ ἐν πνεύματι, καὶ εἰς αὐτὸ ἀγρυπνοῦντες ἐν πάσῃ προσκαρτερήσει καὶ δεήσει περὶ πάντων τῶν ἁγίων, 19καὶ ὑπὲρ ἐμοῦ, ἵνα μοι δοθῇ λόγος ἐν ἀνοίξει τοῦ στόματός μου, ἐν παρρησίᾳ γνωρίσαι τὸ μυστήριον τοῦ εὐαγγελίου 20ὑπὲρ οὗ πρεσβεύω ἐν ἁλύσει, ἵνα ἐν αὐτῷ παρρησιάσωμαι ὡς δεῖ με λαλῆσαι. 21Ἵνα δὲ καὶ ὑμεῖς εἰδῆτε τὰ κατ’ ἐμέ, τί πράσσω, πάντα γνωρίσει ὑμῖν Τυχικὸς ὁ ἀγαπητὸς ἀδελφὸς καὶ πιστὸς διάκονος ἐν κυρίῳ, 22ὃν ἔπεμψα πρὸς ὑμᾶς εἰς αὐτὸ τοῦτο ἵνα γνῶτε τὰ περὶ ἡμῶν καὶ παρακαλέσῃ τὰς καρδίας ὑμῶν. 23Εἰρήνη τοῖς ἀδελφοῖς καὶ ἀγάπη μετὰ πίστεως ἀπὸ θεοῦ πατρὸς καὶ κυρίου Ἰησοῦ Χριστοῦ. 24ἡ χάρις μετὰ πάντων τῶν ἀγαπώντων τὸν κύριον ἡμῶν Ἰησοῦν Χριστὸν ἐν ἀφθαρσίᾳ.
17And take the helmet of salvation, and the sword of the Spirit, which is the word of God: 18Praying always with all prayer and supplication in the Spirit, and watching thereunto with all perseverance and supplication for all saints; 19And for me, that utterance may be given unto me, that I may open my mouth boldly, to make known the mystery of the gospel, 20For which I am an ambassador in bonds: that therein I may speak boldly, as I ought to speak. 21But that ye also may know my affairs, and how I do, Tychicus, a beloved brother and faithful minister in the Lord, shall make known to you all things: 22Whom I have sent unto you for the same purpose, that ye might know our affairs, and that he might comfort your hearts. 23Peace be to the brethren, and love with faith, from God the Father and the Lord Jesus Christ. 24Grace be with all them that love our Lord Jesus Christ in sincerity. Amen.
Cite
Source & Cross-References
- Source text: Codex Sinaiticus folio + transcription (codexsinaiticus.org) + Tischendorf 8th edition (bolls.life) + KJV (bible-api.com) — view original
- Critical edition: Tischendorf 8th edition (1869) / Codex Sinaiticus transcription
← previous · → next · v cycle view · l back to library