The Iliad, Book 20
Introduction
Book 20 of the Iliad (503 lines in Monro and Allen's edition) as written in Venetus A (Venice, Biblioteca Nazionale Marciana, Marc. gr. Z. 454 = 822), the oldest complete manuscript of the Iliad, copied in the 10th century with the text in the centre of each page and the scholia around it. This book is on fol. 260r-269v; each section below is one page of the manuscript and links that page.
The page of every line comes from the Homer Multitext Project's index of the manuscript (release 2024c), which records where each line stands on the page photographs.
Greek: the manuscript's own text, from the Homer Multitext diplomatic edition of Venetus A, with its accents, punctuation and signs as given there. The Oxford text of Monro and Allen (1920) is given for comparison.
English: A. T. Murray's translation (Loeb Classical Library, 1924). Murray numbers every fifth line and starts a new paragraph at many other lines; the English is divided only at those points, and a passage that runs across a page break goes with the page that holds most of its lines. The English of a section can therefore begin or end a few lines away from the Greek; each section gives its exact English line range.
Not in Venetus A: line 20.312 of the standard text is not in this manuscript. It is shown in the Monro and Allen text and in the English of the page where it would stand.
How was this verified? (Provenance)
Where on the image
Venetus A fol. 260r (photograph VA260RN_0431): Iliad 20.1-25, 25 lines of the manuscript, begins ‹ὡς οἱ μὲν παρὰ νηυσὶ›, ends ‹ἀρήγεθ' ὅπῃ νόος ἐστὶν ἑκάστου:›. Page of each line from the Homer Multitext 2024c index of lines to pages. English (Murray): lines 20.1-24, in his blocks 1-4, 5-9, 10-14, 15-19, 20-24. Murray marks every fifth line and each paragraph; a block that crosses the page break goes with the page holding most of its lines, so the English here ends at line 24.
1ὡς οἱ μὲν παρὰ νηυσὶ κορωνίσι θωρήσσοντο
2ἀμφὶ σὲ Πηλέος υἱὲ μάχης ἀκόρητον Ἀχαιοί :
3Τρῶες δ' αῦθ' ἑτέρωθεν, ἐπὶ θρῳσμῷ πεδίοιο:
4Ζεὺς δὲ Θέμιστα κέλευσε θεοὺς ἀγορὴν δὲ καλέσσαι
5κρατὸς ἀπ' Οὐλύμποιο πολυπτύχου: ἡ δ' ἄραπάντῃ
6φοιτήσασα κέλευσε Διὸς πρὸς δῶμα νέεσθαι:
7οὔτέ τις οὖν ποταμῶν ἀπέην. νόσφ' Ὠκεανοῖο :
8οὔτ ἄρα νυμφάων. αἵ τ' ἄλσεα καλὰ νέμονται.
9καὶ πηγὰς ποταμῶν καὶ πίσεα ποιήεντα.
10ἐλθόντες δ' ἐς δῶμα Διὸς νεφεληγερέταο.
11ξεστῇς αἰθούσσῃσιν ἐνίζανον. ἃς Διὶ πρι
12Ἥφαιστος ποίησεν ΐδυίῃσι πραπίδεσσιν:
13ὡς οἱ μὲν Διὸς ἔνδον ἀγηγέρατ'. οὐδ' ἐνοσίχθων
14νηκούστησε θεᾶς, ἀλλ' ἐξ ἁλὸς ἦλθε μετ'αὐτούς:
15ΐζε δ' ἄρ ἐν μέσσοισι. Διὸς δ' ἐξείρετο βουλήν:
16τίπτ' αὖτ' ἀργικέραυνε θεοὺς ἀγορὴν δὲ κάλεσσας:
17ῆ τι περὶ Τρώων καὶ Ἀχαιῶν μερμηρίζεις.
18τῶν γὰρ νῦν ἄγχιστα μάχη πόλεμός τε δέδηε:
19τὸν δ' ἀπαμειβόμενος προσέφη νεφεληγερέτα Ζεύς :
20ἔγνως ἐννοσίγαιε ἐμὴν ἐν στήθεσι βουλὴν.
21ὧν ἕνεκα ξυνάγειρα: μέλουσί μοι ὀλλύμενοί περ:
22ἂλλ' ἤτοι μὲν ἐγὼ μενέω πτυχὶ Οὐλύμποιο
23ἥμενος. ἔνθ' ὁρόων. φρένα τέρψομαι: οἱ δὲ δὴ ἄλλοι
24ἔρχεσθ'. ὄφρ' ὰν ΐκησθε μετα Τρῶας καὶ Ἀχαιούς :
25ἀμφοτέροισι δ' ἀρήγεθ' ὅπῃ νόος ἐστὶν ἑκάστου:
Compare: Monro & Allen, Oxford 1920 (Perseus)
1ὣς οἳ μὲν παρὰ νηυσὶ κορωνίσι θωρήσσοντο
2ἀμφὶ σὲ Πηλέος υἱὲ μάχης ἀκόρητον Ἀχαιοί,
3Τρῶες δʼ αὖθʼ ἑτέρωθεν ἐπὶ θρωσμῷ πεδίοιο·
4Ζεὺς δὲ Θέμιστα κέλευσε θεοὺς ἀγορὴν δὲ καλέσσαι
5κρατὸς ἀπʼ Οὐλύμποιο πολυπτύχου· ἣ δʼ ἄρα πάντῃ
6φοιτήσασα κέλευσε Διὸς πρὸς δῶμα νέεσθαι.
7οὔτέ τις οὖν ποταμῶν ἀπέην νόσφʼ Ὠκεανοῖο,
8οὔτʼ ἄρα νυμφάων αἵ τʼ ἄλσεα καλὰ νέμονται
9καὶ πηγὰς ποταμῶν καὶ πίσεα ποιήεντα.
10ἐλθόντες δʼ ἐς δῶμα Διὸς νεφεληγερέταο
11ξεστῇς αἰθούσῃσιν ἐνίζανον, ἃς Διὶ πατρὶ
12Ἥφαιστος ποίησεν ἰδυίῃσι πραπίδεσσιν.
13ὣς οἳ μὲν Διὸς ἔνδον ἀγηγέρατʼ· οὐδʼ ἐνοσίχθων
14νηκούστησε θεᾶς, ἀλλʼ ἐξ ἁλὸς ἦλθε μετʼ αὐτούς,
15ἷζε δʼ ἄρʼ ἐν μέσσοισι, Διὸς δʼ ἐξείρετο βουλήν·
16τίπτʼ αὖτʼ ἀργικέραυνε θεοὺς ἀγορὴν δὲ κάλεσσας;
17ἦ τι περὶ Τρώων καὶ Ἀχαιῶν μερμηρίζεις;
18τῶν γὰρ νῦν ἄγχιστα μάχη πόλεμός τε δέδηε.
19τὸν δʼ ἀπαμειβόμενος προσέφη νεφεληγερέτα Ζεύς·
20ἔγνως ἐννοσίγαιε ἐμὴν ἐν στήθεσι βουλὴν
21ὧν ἕνεκα ξυνάγειρα· μέλουσί μοι ὀλλύμενοί περ.
22ἀλλʼ ἤτοι μὲν ἐγὼ μενέω πτυχὶ Οὐλύμποιο
23ἥμενος, ἔνθʼ ὁρόων φρένα τέρψομαι· οἳ δὲ δὴ ἄλλοι
24ἔρχεσθʼ ὄφρʼ ἂν ἵκησθε μετὰ Τρῶας καὶ Ἀχαιούς,
25ἀμφοτέροισι δʼ ἀρήγεθʼ ὅπῃ νόος ἐστὶν ἑκάστου.
1So by the beaked ships around thee, O son of Peleus, insatiate of fight, the Achaeans arrayed them for battle; and likewise the Trojans over against them on the rising ground of the plain. But Zeus bade Themis summon the gods to the place of gathering from the 5brow of many-ribbed Olympus; and she sped everywhither, and bade them come to the house of Zeus. There was no river that came not, save only Oceanus, nor any nymph, of all that haunt the fair copses, the springs that feed the rivers, and the grassy meadows. 10And being come to the house of Zeus they sate them down within the polished colonnades which for father Zeus Hephaestus had builded with cunning skill. Thus were they gathered within the house of Zeus; nor did the Shaker of Earth fail to heed the call of the goddess, but came forth from the sea to join their company; 15and he sate him in the midst, and made question concerning the purpose of Zeus: “Wherefore, thou lord of the bright lightning, hast thou called the gods to the place of gathering? Is it that thou art pondering on somewhat concerning the Trojans and Achaeans? for now is their battle and fighting kindled hard at hand.” Then Zeus, the cloud-gatherer, answered him, and said: 20“Thou knowest, O Shaker of Earth, the purpose in my breast, for the which I gathered you hither; I have regard unto them, even though they die. Yet verily, for myself will I abide here sitting in a fold of Olympus, wherefrom I will gaze and make glad my heart; but do ye others all go forth till ye be come among the Trojans and Achaeans, and bear aid to this side or that, even as the mind of each may be.
Where on the image
Venetus A fol. 260v (photograph VA260VN_0762): Iliad 20.26-50, 25 lines of the manuscript, begins ‹εἰ γὰρ Ἀχιλλεὺς οἶος ἐπι›, ends ‹ἐπ' ἀκτάων ἐριδούπων μακρὸν ἀΰτει.›. Page of each line from the Homer Multitext 2024c index of lines to pages. English (Murray): lines 20.25-49, in his blocks 25-29, 30-34, 35-39, 40-44, 45-49. Murray marks every fifth line and each paragraph; a block that crosses the page break goes with the page holding most of its lines, so the English here begins at line 25 and ends at line 49.
26εἰ γὰρ Ἀχιλλεὺς οἶος ἐπι Τρώεσσι μαχεῖται.
27οὐδὲ μίνυνθ' ἕξουσι ποδώκεα Πηλείωνα :
28καὶ δέ τέ μιν καὶ πρόσθεν ὑποτρομέεσκον ὁρῶντες:
29νῦν δ' ὅτε δὴ καὶ θυμὸν, ἑταίρου χώεται, αἰνῶς.
30δείδω, μὴ καὶ τεῖχος ὑπερμόρον ἐξαλαπάξῃ:
31ὡς ἔφατο Κρονίδης : πόλεμον δ' ἀλίαστον ἔγειρε:
32βὰν δ' ΐμεναι πόλεμον δὲ θεοὶ, δίχα θυμὸν ἔχοντες:
33Ἥρη μὲν μετ' ἀγῶνα νεῶν. καὶ Παλλὰς Ἀθήνη .
34ἠδὲ Ποσιδάων γαιήοχος, ἠδ' ἐριούνης
35Ἑρμείας , ὃς ἐπι φρεσὶ πευκαλίμῃσι κέκαστο:
36Ἥφαιστος δ' ἅμα τοῖσι κίε, σθένεϊ βλεμεαίνων.
37χωλεύων. ὑπο δὲ κνῆμαι ῥώοντο ἁραιαί:
38ἐς δὲ Τρῶας Ἄρης κορυθαίολος. αὐτὰρ ἅμ' αὐτῷ
39Φοῖβος ἀκερσεκόμης. ἠδ' Ἄρτεμις ϊοχέαιρα:
40Λητώ τε. Ξάνθός τε, φιλομμειδής τ' Ἀφροδίτη :
41εἴως μέν ῥ' ἀπάνευθε θεοὶ θνητῶν έσαν ἀνδρῶν.
42τέως Ἀχαιοὶ μὲν μέγ' ἐκύδανον. οὕνεκ' Ἀχιλλεὺς
43ἐξεφάνη. δηρὸν δὲ μάχης ἐπέπαυτ' ἀλεγεινῆς:
44Τρῶας δὲ τρόμος αἰνὸς ἐπήλυθε γυῖα ἕκαστον
45δειδιότας. ὅθ' ὁρῶντο ποδώκεα Πηλείωνα
46τεύχεσι λαμπόμενον. βροτολοιγῷ ῗσον Ἄρηϊ :
47αὐτὰρ ἐπεὶ μεθ' ὅμιλον Ὀλύμπιοι ἤλυθον ἀνδρῶν.
48ῶρτο δ' Ἔρις κρατερὴ. λαοσσόος. αῦε δ' Ἀθήνη
49στᾶσ', ὅτε μὲν παρὰ τάφρον ὀρυκτὴν. τείχεος ἐντός.
50ἄλλοτ' ἐπ' ἀκτάων ἐριδούπων μακρὸν ἀΰτει.
Compare: Monro & Allen, Oxford 1920 (Perseus)
26εἰ γὰρ Ἀχιλλεὺς οἶος ἐπὶ Τρώεσσι μαχεῖται
27οὐδὲ μίνυνθʼ ἕξουσι ποδώκεα Πηλεΐωνα.
28καὶ δέ τί μιν καὶ πρόσθεν ὑποτρομέεσκον ὁρῶντες·
29νῦν δʼ ὅτε δὴ καὶ θυμὸν ἑταίρου χώεται αἰνῶς
30δείδω μὴ καὶ τεῖχος ὑπέρμορον ἐξαλαπάξῃ.
31ὣς ἔφατο Κρονίδης, πόλεμον δʼ ἀλίαστον ἔγειρε.
32βὰν δʼ ἴμεναι πόλεμον δὲ θεοὶ δίχα θυμὸν ἔχοντες·
33Ἥρη μὲν μετʼ ἀγῶνα νεῶν καὶ Παλλὰς Ἀθήνη
34ἠδὲ Ποσειδάων γαιήοχος ἠδʼ ἐριούνης
35Ἑρμείας, ὃς ἐπὶ φρεσὶ πευκαλίμῃσι κέκασται·
36Ἥφαιστος δʼ ἅμα τοῖσι κίε σθένεϊ βλεμεαίνων
37χωλεύων, ὑπὸ δὲ κνῆμαι ῥώοντο ἀραιαί.
38ἐς δὲ Τρῶας Ἄρης κορυθαίολος, αὐτὰρ ἅμʼ αὐτῷ
39Φοῖβος ἀκερσεκόμης ἠδʼ Ἄρτεμις ἰοχέαιρα
40Λητώ τε Ξάνθός τε φιλομειδής τʼ Ἀφροδίτη.
41εἷος μέν ῥʼ ἀπάνευθε θεοὶ θνητῶν ἔσαν ἀνδρῶν,
42τεῖος Ἀχαιοὶ μὲν μέγα κύδανον, οὕνεκʼ Ἀχιλλεὺς
43ἐξεφάνη, δηρὸν δὲ μάχης ἐπέπαυτʼ ἀλεγεινῆς·
44Τρῶας δὲ τρόμος αἰνὸς ὑπήλυθε γυῖα ἕκαστον
45δειδιότας, ὅθʼ ὁρῶντο ποδώκεα Πηλεΐωνα
46τεύχεσι λαμπόμενον βροτολοιγῷ ἶσον Ἄρηϊ.
47αὐτὰρ ἐπεὶ μεθʼ ὅμιλον Ὀλύμπιοι ἤλυθον ἀνδρῶν,
48ὦρτο δʼ Ἔρις κρατερὴ λαοσσόος, αὖε δʼ Ἀθήνη
49στᾶσʼ ὁτὲ μὲν παρὰ τάφρον ὀρυκτὴν τείχεος ἐκτός,
50ἄλλοτʼ ἐπʼ ἀκτάων ἐριδούπων μακρὸν ἀΰτει.
25For if Achilles shall fight alone against the Trojans, not even for a little space will they hold back the swift-footed son of Peleus. Nay, even aforetime were they wont to tremble as they looked upon him, and now when verily his heart is grievously in wrath for his friend, I fear me lest even beyond what is ordained he lay waste the wall.”
30So spake the son of Cronos, and roused war unabating. And the gods went their way into the battle, being divided in counsel: Hera gat her to the gathering of the ships, and with her Pallas Athene, and Poseidon, the Shaker of Earth, and the helper Hermes, that was beyond all in the cunning of his mind; 35and together with these went Hephaestus, exulting in his might, halting, but beneath him his slender legs moved nimbly; but unto the Trojans went Ares, of the flashing helm, and with him Phoebus, of the unshorn locks, and Artemis, the archer, 40and Leto and Xanthus and laughter-loving Aphrodite. Now as long as the gods were afar from the mortal men, even for so long triumphed the Achaeans mightily, seeing Achilles was come forth, albeit he had long kept him aloof from grievous battle; but upon the Trojans came dread trembling on the limbs of every man 45in their terror, when they beheld the swift-footed son of Peleus, flaming in his harness, the peer of Ares, the bane of men. But when the Olympians were come into the midst of the throng of men, then up leapt mighty Strife, the rouser of hosts, and Athene cried a1oud,—now would she stand beside the digged trench without the wall,
Where on the image
Venetus A fol. 261r (photograph VA261RN_0431): Iliad 20.51-75, 25 lines of the manuscript, begins ‹αῦε δ' Ἄρης ἑτέρωθεν ἐρεμνῇ›, ends ‹ἄντα θεῶν ἴ+σαν: αὐτὰρ Ἀχιλλεὺς›. Page of each line from the Homer Multitext 2024c index of lines to pages. English (Murray): lines 20.50-74, in his blocks 50-53, 54, 55-59, 60-64, 65-69, 70-74. Murray marks every fifth line and each paragraph; a block that crosses the page break goes with the page holding most of its lines, so the English here begins at line 50 and ends at line 74.
51αῦε δ' Ἄρης ἑτέρωθεν ἐρεμνῇ λαίλαπι ῖ+σος
52ὀξὺ κάτ ἀκροτάτης πόλιος Τρώεσσι κελεύων:
53ἄλλοτε παρ Σιμόεντι , θέων ἐπὶ Καλλικολώνῃ :
54ὡς τοὺς ἀμφοτέρους μάκαρες θεοὶ ὀτρύναντες
55σύμβαλον. ἐν δ' αὐτοῖς ἔριδα ῥήγνυντο βαρεῖαν:
56δεινὸν δὲ βρόντησε πατὴρ ἀνδρῶν τε θεῶν τε
57ὑψόθεν: αὐτὰρ ἔνέρθε Ποσιδάων ἐτίναξε
58γαῖαν ἀπειρεσίην. ὀρέων τ' αἰπεινὰ κάρηνα:
59πάντες δ' ἐσσείοντο πόδες πολυπίδακος Ἴ+δης .
60καὶ κορυφαὶ, Τρώων τε πόλεισ καὶ νῆες Ἀχαιῶν.
61ἔδδεισεν δ' ὑπένερθεν ἄναξ ἐνέρων Ἀϊδωνεύς :
62δείσας δ' ἐκ θρόνου ἆλτο καὶ ἴ+αχε. μή οἱ ὕπερθε
63γαῖαν ἀναρρήξειε Ποσιδάων ἐνοσίχθων.
64οἰκία δὲ θνητοῖσι καὶ ἀθανάτοισι φανηίῃ
65σμερδαλέ, εὐρώεντα. τά τε στυγέουσι θεοί περ:
66τόσσος ἄρα κτύπος ῶρτο θεῶν ἔριδι ξυνιόντων:
67ἤτοι μὲν γὰρ ἔναντα Ποσιδάωνος ἄνακτος
68ἵ+στατ' Ἀπόλλων Φοῖβος. ἔχων ἰ+ὰ πτερόεντα:
69ἄντα δ' Ἐνυαλίοιο θεὰ γλαυκῶπις Ἀθήνη .
70Ἥρῃ δ' ἀντέστη χρυσηλάκατος κελαδεινὴ
71Ἄρτεμις ἰ+οχέαιρα. κασιγνήτη ἑκάτοιο:
72Λητοῖ δ' ἀντέστη. σῶκος ἐριούνιος Ἑρμῆς :
73ἄντα δ' ἄρ' Ἡφαίστοιο . μέγας ποταμὸς βαθυδίνης.
74ὃν Ξάνθον καλέουσι θεοί. ἄνδρες δὲ Σκάμανδρον :
75ὡς οἱ μὲν θεοὶ ἄντα θεῶν ἴ+σαν: αὐτὰρ Ἀχιλλεὺς
Compare: Monro & Allen, Oxford 1920 (Perseus)
51αὖε δʼ Ἄρης ἑτέρωθεν ἐρεμνῇ λαίλαπι ἶσος
52ὀξὺ κατʼ ἀκροτάτης πόλιος Τρώεσσι κελεύων,
53ἄλλοτε πὰρ Σιμόεντι θέων ἐπὶ Καλλικολώνῃ.
54ὣς τοὺς ἀμφοτέρους μάκαρες θεοὶ ὀτρύνοντες
55σύμβαλον, ἐν δʼ αὐτοῖς ἔριδα ῥήγνυντο βαρεῖαν·
56δεινὸν δὲ βρόντησε πατὴρ ἀνδρῶν τε θεῶν τε
57ὑψόθεν· αὐτὰρ νέρθε Ποσειδάων ἐτίναξε
58γαῖαν ἀπειρεσίην ὀρέων τʼ αἰπεινὰ κάρηνα.
59πάντες δʼ ἐσσείοντο πόδες πολυπίδακος Ἴδης
60καὶ κορυφαί, Τρώων τε πόλις καὶ νῆες Ἀχαιῶν.
61ἔδεισεν δʼ ὑπένερθεν ἄναξ ἐνέρων Ἀϊδωνεύς,
62δείσας δʼ ἐκ θρόνου ἆλτο καὶ ἴαχε, μή οἱ ὕπερθε
63γαῖαν ἀναρρήξειε Ποσειδάων ἐνοσίχθων,
64οἰκία δὲ θνητοῖσι καὶ ἀθανάτοισι φανείη
65σμερδαλέʼ εὐρώεντα, τά τε στυγέουσι θεοί περ·
66τόσσος ἄρα κτύπος ὦρτο θεῶν ἔριδι ξυνιόντων.
67ἤτοι μὲν γὰρ ἔναντα Ποσειδάωνος ἄνακτος
68ἵστατʼ Ἀπόλλων Φοῖβος ἔχων ἰὰ πτερόεντα,
69ἄντα δʼ Ἐνυαλίοιο θεὰ γλαυκῶπις Ἀθήνη·
70Ἥρῃ δʼ ἀντέστη χρυσηλάκατος κελαδεινὴ
71Ἄρτεμις ἰοχέαιρα κασιγνήτη ἑκάτοιο·
72Λητοῖ δʼ ἀντέστη σῶκος ἐριούνιος Ἑρμῆς,
73ἄντα δʼ ἄρʼ Ἡφαίστοιο μέγας ποταμὸς βαθυδίνης,
74ὃν Ξάνθον καλέουσι θεοί, ἄνδρες δὲ Σκάμανδρον.
75ὣς οἳ μὲν θεοὶ ἄντα θεῶν ἴσαν· αὐτὰρ Ἀχιλλεὺς
50and now upon the loud-sounding shores would she utter her loud cry. And over against her shouted Ares, dread as a dark whirlwind, calling with shrill tones to the Trojans from the topmost citadel, and now again as he sped by the shore of Simois over Callicolone.
54Thus did the blessed gods urge on the two hosts to 55clash in battle, and amid them made grievous strife to burst forth. Then terribly thundered the father of gods and men from on high; and from beneath did Poseidon cause the vast earth to quake, and the steep crests of the mountains. All the roots of many-fountained Ida were shaken, 60and all her peaks, and the city of the Trojans, and the ships of the Achaeans. And seized with fear in the world below was Aidoneus, lord of the shades, and in fear leapt he from his throne and cried aloud, lest above him the earth be cloven by Poseidon, the Shaker of Earth, and his abode be made plain to view for mortals and immortals- 65the dread and dank abode, wherefor the very gods have loathing: so great was the din that arose when the gods clashed in strife. For against king Poseidon stood Phoebus Apollo with his winged arrows, and against Enyalius the goddess, flashing-eyed Athene; 70against Hera stood forth the huntress of the golden arrows, and the echoing chase, even the archer Artemis, sister of the god that smiteth afar; against Leto stood forth the strong helper, Hermes, and against Hephaestus the great, deep-eddying river, that god called Xanthus, and men Scamander.
Where on the image
Venetus A fol. 261v (photograph VA261VN_0763): Iliad 20.76-100, 25 lines of the manuscript, begins ‹Ἕκτορος ἄντα μάλιστα λιλαίετο δῦναι›, ends ‹διελθεῖν. εἰ δὲ θεός περ›. Page of each line from the Homer Multitext 2024c index of lines to pages. English (Murray): lines 20.75-99, in his blocks 75-79, 80-84, 85, 86-89, 90-94, 95-99. Murray marks every fifth line and each paragraph; a block that crosses the page break goes with the page holding most of its lines, so the English here begins at line 75 and ends at line 99.
76Ἕκτορος ἄντα μάλιστα λιλαίετο δῦναι ὅμιλον
77Πριαμίδεω . τοῦ γάρ ῥα μάλιστά γε θυμὸς ἀνώγει
78αἵματος ᾶσαι Ἄρηα ταλαύρινον πολεμιστήν:
79Αἰνείαν δ' ἰ+θὺς λαοσσόος ὦρσεν Ἀπόλλων
80ἀντία Πηλείωνος . ἐνῆκε δέ οἱ μένος ἠΰ:
81υἱέϊ δὲ Πριάμοιο Λυκάονι εἴσατο φωνήν:
82τῷ μιν ἐεισάμενος προσέφη Διὸς υἱὸς Ἀπόλλων :
83Αἰνεία . Τρώων βουληφόρε ποῦ τοι ἀπειλαὶ.
84ἃς Τρώων βασιλεῦσιν ὑπίσχεο οἰνοποτάζων.
85Πηλείδεω Ἀχιλῆος ἐναντίβιον πολεμίξειν.
86τὸν δ' αὖτ' Αἰνείας ἀπαμειβόμενος προσέειπε:
87Πριαμίδη . τί με ταῦτα καὶ οὐκ ἐθέλοντα κελεύεις
88ἀντία Πηλείωνος ὑπερθύμοιο μάχεσθαι:
89οὐ μὲν γὰρ νῦν πρῶτα ποδώκεος ἄντ' Ἀχιλῆος
90στήσομαι. ἄλλ' ἤδη με καὶ ἄλλοτε δουρὶ φόβησεν:
91ἐξ Ἴ+δης ὅτε βουσὶν ἐπήλυθεν ἡμετέρῃσιν.
92πέρσε δὲ Λυρνησσὸν καὶ Πήδασσον , αὐτὰρ ἐμὲ Ζεὺς
93εἰρύσαθ' ὅς μοι ἐπῶρσε μένος λαιψηρά τε γοῦνα.
94ῆ κ' ἐδάμην ὑπὸ χερσὶν Ἀχιλλῆος καὶ Ἀθήνης .
95ἥ οἱ πρόσθεν ϊοῦσα τίθει φάος. ἠδ' ἐκέλευεν
96ἔγχεϊ χαλκείῳ Λέλεγας καὶ Τρῶας ἐναίρειν:
97τὼ οὐκ ἐστ' Ἀχιλῆος ἐναντίον ἄνδρα μάχεσθαι.
98αἰεὶ γὰρ πάρα εἷς γε θεῶν. ὃς λοιγὸν ἀμύνει:
99καὶ δ' ἄλλως τοῦ γ' ἰ+θὺς βέλος πέτετ'. οὐδ'ἀπολήγει.
100πρὶν χροὸς ἀνδρομέοιο διελθεῖν. εἰ δὲ θεός περ
Compare: Monro & Allen, Oxford 1920 (Perseus)
76Ἕκτορος ἄντα μάλιστα λιλαίετο δῦναι ὅμιλον
77Πριαμίδεω· τοῦ γάρ ῥα μάλιστά ἑ θυμὸς ἀνώγει
78αἵματος ἆσαι Ἄρηα ταλαύρινον πολεμιστήν.
79Αἰνείαν δʼ ἰθὺς λαοσσόος ὦρσεν Ἀπόλλων
80ἀντία Πηλεΐωνος, ἐνῆκε δέ οἱ μένος ἠΰ·
81υἱέϊ δὲ Πριάμοιο Λυκάονι εἴσατο φωνήν·
82τῷ μιν ἐεισάμενος προσέφη Διὸς υἱὸς Ἀπόλλων·
83Αἰνεία Τρώων βουληφόρε ποῦ τοι ἀπειλαὶ
84ἃς Τρώων βασιλεῦσιν ὑπίσχεο οἰνοποτάζων
85Πηλεΐδεω Ἀχιλῆος ἐναντίβιον πολεμίξειν;
86τὸν δʼ αὖτʼ Αἰνείας ἀπαμειβόμενος προσέειπε·
87Πριαμίδη τί με ταῦτα καὶ οὐκ ἐθέλοντα κελεύεις
88ἀντία Πηλεΐωνος ὑπερθύμοιο μάχεσθαι;
89οὐ μὲν γὰρ νῦν πρῶτα ποδώκεος ἄντʼ Ἀχιλῆος
90στήσομαι, ἀλλʼ ἤδη με καὶ ἄλλοτε δουρὶ φόβησεν
91ἐξ Ἴδης, ὅτε βουσὶν ἐπήλυθεν ἡμετέρῃσι,
92πέρσε δὲ Λυρνησσὸν καὶ Πήδασον· αὐτὰρ ἐμὲ Ζεὺς
93εἰρύσαθʼ, ὅς μοι ἐπῶρσε μένος λαιψηρά τε γοῦνα.
94ἦ κʼ ἐδάμην ὑπὸ χερσὶν Ἀχιλλῆος καὶ Ἀθήνης,
95ἥ οἱ πρόσθεν ἰοῦσα τίθει φάος ἠδʼ ἐκέλευεν
96ἔγχεϊ χαλκείῳ Λέλεγας καὶ Τρῶας ἐναίρειν.
97τὼ οὐκ ἔστʼ Ἀχιλῆος ἐναντίον ἄνδρα μάχεσθαι·
98αἰεὶ γὰρ πάρα εἷς γε θεῶν ὃς λοιγὸν ἀμύνει.
99καὶ δʼ ἄλλως τοῦ γʼ ἰθὺ βέλος πέτετʼ, οὐδʼ ἀπολήγει
100πρὶν χροὸς ἀνδρομέοιο διελθέμεν. εἰ δὲ θεός περ
75Thus gods went forth to meet with gods. But Achilles was fain to meet with Hector, Priam's son, above all others in the throng, for with his blood as with that of none other did his spirit bid him glut Ares, the warrior with tough shield of hide. Howbeit Aeneas did Apollo, rouser of hosts, make to go forth 80to face the son of Peleus, and he put into him great might: and he likened his own voice to that of Lycaon, son of Priam. In his likeness spake unto Aeneas the son of Zeus, Apollo: “Aeneas, counsellor of the Trojans, where be now thy threats, wherewith thou wast wont to declare unto the princes of the Trojans over thy wine, 85that thou wouldst do battle man to man against Achilles, son of Peleus?”
86Then Aeneas answered him, and said: “Son of Priam, why on this wise do thou bid me face in fight the son of Peleus, high of heart, though I be not minded thereto? 90Not now for the first time shall I stand forth against swift-footed Achilles; nay, once ere now he drave me with his spear from Ida, when he had come forth against our kine, and laid Lyrnessus waste and Pedasus withal; howbeit Zeus saved me, who roused my strength and made swift my knees. Else had I been slain beneath the hands of Achilles and of Athene, 95who ever went before him and set there a light of deliverance, and bade him slay Leleges and Trojans with spear of bronze. Wherefore may it not be that any man face Achilles in fight, for that ever by his side is some god, that wardeth from him ruin. Aye, and of itself his spear flieth straight, and ceaseth not
Where on the image
Venetus A fol. 262r (photograph VA262RN_0432): Iliad 20.101-125, 25 lines of the manuscript, begins ‹ἶσον τείνειεν πολέμου τέλος. οὔ›, ends ‹πάντες δ' Οὐλύμποιο κατήλθομεν. ἀντιόωντες›. Page of each line from the Homer Multitext 2024c index of lines to pages. English (Murray): lines 20.100-124, in his blocks 100-104, 105-109, 110-114, 115-119, 120-124. Murray marks every fifth line and each paragraph; a block that crosses the page break goes with the page holding most of its lines, so the English here begins at line 100 and ends at line 124.
101ἶσον τείνειεν πολέμου τέλος. οὔ κε μάλα ῥέα
102νικήσει'. οὐδ' εἰ παγχάλκεος εὔχεται εἶναι:
103τὸν δ' αῦτε προσέειπεν ἄναξ Διὸς υἱὸς Ἀπόλλων :
104ἥρως. ἂλλ' άγε καὶ σὺ θεοῖς αἰειγενέτῃσιν
105εὔχεο: καὶ δὲ σὲ φασὶ Διὸς κούρης Ἀφροδίτης
106ἐκγεγάμεν κεῖνος δὲ χερείονος ἐκ θεοῦ ἐστιν:
107ἡ μὲν γὰρ Διός ἔσθ'. ἡ δ' ἐξ ἁλίοιο γέροντος:
108ἂλλ' ἰ+θὺς φέρε χαλκὸν ἀτειρέα: μὴ δέ σε πάμπαν
109λευγαλέοις ἐπέεσσιν ἀποτρεπέτω καὶ ἀρειῇ:
110ὡς εἰπὼν. ἔμπνευσε μένος μέγα ποιμένι λαῶν:
111βῆ δὲ δια προμάχων. κεκορυθμένος αἴθοπι χαλκῷ.
112οὐδ' ἔλαθ' Ἀγχίσαο πάϊς λευκώλενον Ἥρην
113ἀντία Πηλείωνος ἰ+ὼν ἀνὰ οὐλαμὸν ἀνδρῶν:
114ἡ δ', ἄμυδις καλέσασα θεοὺς. μετα μῦθον ἔειπεν:
115φράζεσθον δὴ σφῶϊ Ποσίδαον καὶ Ἀθήνη
116ἐν φρεσὶν ὑμετέρῃσιν. ὅπως έσται τάδε ἔργα:
117Αἰνείας ὁδ' ἔβη. κεκορυθμένος αἴθοπι χαλκῷ
118ἀντία Πηλείωνος . ἀνῆκε δὲ Φοῖβος Ἀπόλλων :
119ἂλλ' άγεθ' ἡμεῖς πέρ μιν ἀποτρωπῶμεν ὀπίσσω
120αὐτόθεν. ἤτις ἔπειτα καὶ ἡμείων Ἀχιλῆϊ
121παρταίη. δοίη δὲ κράτος μέγα μηδέ τι θυμῷ
122δευέσθω. ἵνα εἰδῇ ὅ μιν φιλέουσιν ἄριστοι
123ἀθανάτων: οἱ δ' αῦτ' ἀνεμώλιοι. οἱ τὸ πάρος περ
124Τρωσὶν ἀμύνουσιν πόλεμον καὶ δηϊοτῆτα.
125πάντες δ' Οὐλύμποιο κατήλθομεν. ἀντιόωντες
Compare: Monro & Allen, Oxford 1920 (Perseus)
101ἶσον τείνειεν πολέμου τέλος, οὔ κε μάλα ῥέα
102νικήσειʼ, οὐδʼ εἰ παγχάλκεος εὔχεται εἶναι.
103τὸν δʼ αὖτε προσέειπεν ἄναξ Διὸς υἱὸς Ἀπόλλων·
104ἥρως ἀλλʼ ἄγε καὶ σὺ θεοῖς αἰειγενέτῃσιν
105εὔχεο· καὶ δὲ σέ φασι Διὸς κούρης Ἀφροδίτης
106ἐκγεγάμεν, κεῖνος δὲ χερείονος ἐκ θεοῦ ἐστίν·
107ἣ μὲν γὰρ Διός ἐσθʼ, ἣ δʼ ἐξ ἁλίοιο γέροντος.
108ἀλλʼ ἰθὺς φέρε χαλκὸν ἀτειρέα, μηδέ σε πάμπαν
109λευγαλέοις ἐπέεσσιν ἀποτρεπέτω καὶ ἀρειῇ.
110ὣς εἰπὼν ἔμπνευσε μένος μέγα ποιμένι λαῶν,
111βῆ δὲ διὰ προμάχων κεκορυθμένος αἴθοπι χαλκῷ.
112οὐδʼ ἔλαθʼ Ἀγχίσαο πάϊς λευκώλενον Ἥρην
113ἀντία Πηλεΐωνος ἰὼν ἀνὰ οὐλαμὸν ἀνδρῶν·
114ἣ δʼ ἄμυδις στήσασα θεοὺς μετὰ μῦθον ἔειπε·
115φράζεσθον δὴ σφῶϊ Ποσείδαον καὶ Ἀθήνη
116ἐν φρεσὶν ὑμετέρῃσιν, ὅπως ἔσται τάδε ἔργα.
117Αἰνείας ὅδʼ ἔβη κεκορυθμένος αἴθοπι χαλκῷ
118ἀντία Πηλεΐωνος, ἀνῆκε δὲ Φοῖβος Ἀπόλλων.
119ἀλλʼ ἄγεθʼ, ἡμεῖς πέρ μιν ἀποτρωπῶμεν ὀπίσσω
120αὐτόθεν· ἤ τις ἔπειτα καὶ ἡμείων Ἀχιλῆϊ
121παρσταίη, δοίη δὲ κράτος μέγα, μηδέ τι θυμῷ
122δευέσθω, ἵνα εἰδῇ ὅ μιν φιλέουσιν ἄριστοι
123ἀθανάτων, οἳ δʼ αὖτʼ ἀνεμώλιοι οἳ τὸ πάρος περ
124Τρωσὶν ἀμύνουσιν πόλεμον καὶ δηϊοτῆτα.
125πάντες δʼ Οὐλύμποιο κατήλθομεν ἀντιόωντες
100till it have pierced through the flesh of man. Howbeit were a god to stretch with even hand the issue of war, then not lightly should he vanquish me, nay, not though he vaunt him to be wholly wrought of bronze.” Then in answer to him spake the prince Apollo, son of Zeus: “Nay, warrior, come, pray thou also 105to the gods that are for ever; for of thee too men say that thou wast born of Aphrodite, daughter of Zeus, while he is sprung from a lesser goddess. For thy mother is daughter of Zeus, and his of the old man of the sea. Nay, bear thou straight against him thy stubborn bronze, nor let him anywise turn thee back with words of contempt and with threatenings.”
110So saying he breathed great might into the shepherd of the host, and he strode amid the foremost fighters, harnessed in flaming bronze. Nor was the son of Anchises unseen of white-armed Hera, as he went forth to face the son of Peleus amid the throng of men, but she gathered the gods together, and spake among them, saying: 115“Consider within your hearts, ye twain, O Poseidon and Athene, how these things are to be. Lo, here is Aeneas, gone forth, harnessed in flaming bronze, to face the son of Peleus, and it is Phoebus Apollo that hath set him on. 120Come ye then, let us turn him back forthwith; or else thereafter let one of us stand likewise by Achilles' side, and give him great might, and suffer not the heart in his breast anywise to fail; to the end that he may know that they that love him are the best of the immortals, and those are worthless as wind, that hitherto have warded from the Trojans war and battle.
Where on the image
Venetus A fol. 262v (photograph VA262VN_0764): Iliad 20.126-151, 26 lines of the manuscript, begins ‹τῆσδε μάχης. ἵνα μή τι›, ends ‹κάθιζον. ἐπ ὀφρύσι. Καλλικολώνης .›. Page of each line from the Homer Multitext 2024c index of lines to pages. English (Murray): lines 20.125-149, in his blocks 125-129, 130-134, 135-139, 140-143, 144, 145-149. Murray marks every fifth line and each paragraph; a block that crosses the page break goes with the page holding most of its lines, so the English here begins at line 125 and ends at line 149.
126τῆσδε μάχης. ἵνα μή τι μετὰ Τρώεσσι πάθῃσι
127σήμερον: ὕστερον αῦτε τὰ πείσεται. ἄσσά οἱ αῖσα
128γεινομένῳ: ἐπένησε λίνῳ. ὅτε μιν τέκε μηρ :
129εἰ δ' Ἀχιλεὺς οὐ ταῦτα θεῶν ἐκ πεύσεται ὀμφῆς.
130δείσετ' ἔπειθ'. ὅτε κέν τις ἐναντίβιον θεὸς ἔλθῃ
131ἐν πολέμῳ: χαλεποὶ δὲ θεοὶ φαίνεσθαι ἐναργεῖς:
132τὴν δ' ἠμείβετ' ἔπειτα Ποσιδάων ἐνοσίχθων:
133Ἥρη . μὴ χαλέπαινε παρὲκ νόον. οὐδέ τι σε χρή.
134οὐκ ὰν ἔγωγ' ἐθέλοιμι θεοὺς ἔριδι ξυνελάσσαι:
135ἡμέας τοὺς ἄλλους ἐπει ῆ πολὺ φέρτεροίεἰμεν:
136ἂλλ' ἡμεῖς μὲν ἔπειτα καθεζώμεσθα κιόντες
137ἐκ πάτου ἐς σκοπιήν: πόλεμος δ' ἄνδρεσσι μελήσει:
138εἰ δέ κ' Ἄρης ἄρχωσι μάχης ἢ Φοῖβος Ἀπόλλων ,
139ἢ Ἀχιλῆ' ἴ+σχωσι. καὶ οὐκ εἰῶσι μάχεσθαι.
140αὐτίκ' ἔπειτα καὶ ἄμμι παρ αυτόφι, νεῖκος ορεῖται
141φυλόπιδος. μάλα δ' ῶκα διακρινθέντας ὀΐω
142ὰψ ἴ+μεν Οὔλυμπον δὲ. θεῶν μεθ' ὁμήγυριν ἄλλων.
143ἡμετέρῃς ὑπο χερσὶν ἀνάγκῃ ῗφι δαμέντας:
144ὡς ἄρα φωνήσας ἡγήσατο κυανοχαίτης
145τεῖχος ἐς ἀμφίχυτον Ἡρακλῆος θείοιο.
146ὑψηλὸν, τό ῥά οι Τρῶες καὶ Παλλὰς Ἀθήνη
147ποίεον. ὄφρα τὸ κῆτος ὑπεκπροφυγὼν ἀλέαιτο.
148ὁππότε μιν σεύαιτο ἀπ' ἠϊόνος πεδίον δέ.
149ἔνθα Ποσιδάων κατ' ὰρ έζετο καὶ θεοὶ ἄλλοι,
150ἀμφι δ' ὰρ, ἄρρηκτον νεφέλην ὤμοισιν έσαντο:
151οἱ δ' ἑτέρωσε. κάθιζον. ἐπ ὀφρύσι. Καλλικολώνης .
Compare: Monro & Allen, Oxford 1920 (Perseus)
126τῆσδε μάχης, ἵνα μή τι μετὰ Τρώεσσι πάθῃσι
127σήμερον· ὕστερον αὖτε τὰ πείσεται ἅσσά οἱ αἶσα
128γιγνομένῳ ἐπένησε λίνῳ ὅτε μιν τέκε μήτηρ.
129εἰ δʼ Ἀχιλεὺς οὐ ταῦτα θεῶν ἐκ πεύσεται ὀμφῆς
130δείσετʼ ἔπειθʼ, ὅτε κέν τις ἐναντίβιον θεὸς ἔλθῃ
131ἐν πολέμῳ· χαλεποὶ δὲ θεοὶ φαίνεσθαι ἐναργεῖς.
132τὴν δʼ ἠμείβετʼ ἔπειτα Ποσειδάων ἐνοσίχθων·
133Ἥρη μὴ χαλέπαινε παρʼ ἐκ νόον· οὐδέ τί σε χρή.
134οὐκ ἂν ἔγωγʼ ἐθέλοιμι θεοὺς ἔριδι ξυνελάσσαι
135ἡμέας τοὺς ἄλλους, ἐπεὶ ἦ πολὺ φέρτεροί εἰμεν·
136ἀλλʼ ἡμεῖς μὲν ἔπειτα καθεζώμεσθα κιόντες
137ἐκ πάτου ἐς σκοπιήν, πόλεμος δʼ ἄνδρεσσι μελήσει.
138εἰ δέ κʼ Ἄρης ἄρχωσι μάχης ἢ Φοῖβος Ἀπόλλων,
139ἢ Ἀχιλῆʼ ἴσχωσι καὶ οὐκ εἰῶσι μάχεσθαι,
140αὐτίκʼ ἔπειτα καὶ ἄμμι παρʼ αὐτόθι νεῖκος ὀρεῖται
141φυλόπιδος· μάλα δʼ ὦκα διακρινθέντας ὀΐω
142ἂψ ἴμεν Οὔλυμπον δὲ θεῶν μεθʼ ὁμήγυριν ἄλλων
143ἡμετέρῃς ὑπὸ χερσὶν ἀναγκαίηφι δαμέντας.
144ὣς ἄρα φωνήσας ἡγήσατο κυανοχαίτης
145τεῖχος ἐς ἀμφίχυτον Ἡρακλῆος θείοιο
146ὑψηλόν, τό ῥά οἱ Τρῶες καὶ Παλλὰς Ἀθήνη
147ποίεον, ὄφρα τὸ κῆτος ὑπεκπροφυγὼν ἀλέαιτο,
148ὁππότε μιν σεύαιτο ἀπʼ ἠϊόνος πεδίον δέ.
149ἔνθα Ποσειδάων κατʼ ἄρʼ ἕζετο καὶ θεοὶ ἄλλοι,
150ἀμφὶ δʼ ἄρʼ ἄρρηκτον νεφέλην ὤμοισιν ἕσαντο·
151οἳ δʼ ἑτέρωσε καθῖζον ἐπʼ ὀφρύσι Καλλικολώνης
125All we are come down from Olympus to mingle in this battle, that Achilles take no hurt among the Trojans for this days' space; but thereafter shall he suffer whatever Fate spun for him with her thread at his birth, when his mother bare him. But if Achilles learn not this from some voice of the gods, 130he shall have dread hereafter when some god shall come against him in battle; for hard are the gods to look upon when they appear in manifest presence.” Then Poseidon, the Shaker of Earth, answered her: “Hera, be not thou wroth beyond what is wise; thou needest not at all. I verily were not fain to make gods clash 135with gods in strife. Nay, for our part let us rather go apart from the track unto some place of outlook, and sit us there, and war shall be for men. But if so be Ares or Phoebus Apollo shall make beginning of fight, or shall keep Achilles in check and suffer him not to do battle, 140then forthwith from us likewise shall the strife of war arise; and right soon, methinks, shall they separate them from the battle and hie them back to Olympus, to the gathering of the other gods, vanquished beneath our hands perforce.”
144So saying, the dark-haired god led the way 145to the heaped-up wall of godlike Heracles, the high wall that the Trojans and Pallas Athene had builded for him, to the end that he might flee thither and escape from the monster of the deep, whenso the monster drave him from the seashore to the plain. There Poseidon and the other gods sate them down,
Where on the image
Venetus A fol. 263r (photograph VA263RN_0433): Iliad 20.152-176, 25 lines of the manuscript, begins ‹ἀμφι σὲ ἤϊε Φοῖβε καὶ›, ends ‹σχεδὸν ἦσαν. ἐπ' ἀλλήλοισιν ϊόντες.›. Page of each line from the Homer Multitext 2024c index of lines to pages. English (Murray): lines 20.150-175, in his blocks 150-154, 155-159, 160-164, 165-169, 170-174, 175. Murray marks every fifth line and each paragraph; a block that crosses the page break goes with the page holding most of its lines, so the English here begins at line 150 and ends at line 175.
152ἀμφι σὲ ἤϊε Φοῖβε καὶ Ἄρηα πτολίπορθον
153ως οἰ μέν ῥ ἑκάτερθε καθείατο. μητιόωντες
154βουλὰς. ἀρχέμεναι δὲ δυσηλεγέος πολέμοιο
155ὤκνεον ἀμφότεροι: Ζεὺς δ' ἥμενος ὕψι κέλευε
156τῶν δ' ἅπαν ἐπλήσθη πεδίον.καὶ ἐλάμπετο χαλκῷ.
157ἀνδρῶν ἠδ' ἵππων. κάρκαιρε δὲ γαῖα πόδεσσιν
158ὀρνυμένων ἄμυδις: δύο δ' ἀνέρες ἔξοχ' ἄριστοι.
159ἐς μέσον ἀμφοτέρων συνίτην μεμαῶτε μάχεσθαι.
160Αἰνείας τ' Ἀγχισιάδης καὶ δῖος Ἀχιλλεύς
161Αἰνείας δὲ πρῶτος ἀπειλήσας ἐβεβήκει.
162νευστάζων κόρυθι βριαρῇ: ἀτὰρ ἀσπίδα θοῦριν
163πρόσθεν ἔχε στέρνοιο: τίνασσε δὲ χάλκεον ἔγχος:
164Πηλείδης δ' ἑτέρωθεν ἐναντίον ῶρτο. λέων ὡς
165σίντης. ὅν τε καὶ ἄνδρες ἀποκτάμεναι μεμάασιν
166ἀγρόμενοι πᾶς δῆμος: ὁ δὲ. πρῶτον μὲν ἀτιζῶν
167ἔρχεται. ἂλλ' ὅτε κέν τις ἀρηϊθόων αἰζηῶν
168δουρὶ βάλῃ. ἐάλη τε χανὼν. περί τ' ἀφρὸς ὀδόντας
169γίνεται. ἒν δέ τε οἱ κραδίῃ. στένει ἄλκιμον ῆτορ.
170οὐρῇ δὲ πλευράς τε καὶ ῗσχία ἀμφοτέρωθεν
171μαστίεται: ἑὲ δ' αὐτὸν ἐποτρύνει μαχέεσθαι.
172γλαυκιόων δ'. ῗθὺς φέρεται μένει, ἤν τινα πέφνῃ
173ἀνδρῶν. ἢ αὐτὸς φθίεται πρώτῳ ἐν ὁμίλῳ.
174ὡς Ἀχιλῆ' ὤτρυνε μένος καὶ θυμὸς ἀγήνωρ
175ἀντίον ἐλθέμεναι μεγαλήτορος Αἰνείαο :
176οἱ δ' ὅτε δὴ σχεδὸν ἦσαν. ἐπ' ἀλλήλοισιν ϊόντες.
Compare: Monro & Allen, Oxford 1920 (Perseus)
152ἀμφὶ σὲ ἤϊε Φοῖβε καὶ Ἄρηα πτολίπορθον.
153ὣς οἳ μέν ῥʼ ἑκάτερθε καθήατο μητιόωντες
154βουλάς· ἀρχέμεναι δὲ δυσηλεγέος πολέμοιο
155ὄκνεον ἀμφότεροι, Ζεὺς δʼ ἥμενος ὕψι κέλευε.
156τῶν δʼ ἅπαν ἐπλήσθη πεδίον καὶ λάμπετο χαλκῷ
157ἀνδρῶν ἠδʼ ἵππων· κάρκαιρε δὲ γαῖα πόδεσσιν
158ὀρνυμένων ἄμυδις. δύο δʼ ἀνέρες ἔξοχʼ ἄριστοι
159ἐς μέσον ἀμφοτέρων συνίτην μεμαῶτε μάχεσθαι
160Αἰνείας τʼ Ἀγχισιάδης καὶ δῖος Ἀχιλλεύς.
161Αἰνείας δὲ πρῶτος ἀπειλήσας ἐβεβήκει
162νευστάζων κόρυθι βριαρῇ· ἀτὰρ ἀσπίδα θοῦριν
163πρόσθεν ἔχε στέρνοιο, τίνασσε δὲ χάλκεον ἔγχος.
164Πηλεΐδης δʼ ἑτέρωθεν ἐναντίον ὦρτο λέων ὣς
165σίντης, ὅν τε καὶ ἄνδρες ἀποκτάμεναι μεμάασιν
166ἀγρόμενοι πᾶς δῆμος· ὃ δὲ πρῶτον μὲν ἀτίζων
167ἔρχεται, ἀλλʼ ὅτε κέν τις ἀρηϊθόων αἰζηῶν
168δουρὶ βάλῃ ἐάλη τε χανών, περί τʼ ἀφρὸς ὀδόντας
169γίγνεται, ἐν δέ τέ οἱ κραδίῃ στένει ἄλκιμον ἦτορ,
170οὐρῇ δὲ πλευράς τε καὶ ἰσχία ἀμφοτέρωθεν
171μαστίεται, ἑὲ δʼ αὐτὸν ἐποτρύνει μαχέσασθαι,
172γλαυκιόων δʼ ἰθὺς φέρεται μένει, ἤν τινα πέφνῃ
173ἀνδρῶν, ἢ αὐτὸς φθίεται πρώτῳ ἐν ὁμίλῳ·
174ὣς Ἀχιλῆʼ ὄτρυνε μένος καὶ θυμὸς ἀγήνωρ
175ἀντίον ἐλθέμεναι μεγαλήτορος Αἰνείαο.
176οἳ δʼ ὅτε δὴ σχεδὸν ἦσαν ἐπʼ ἀλλήλοισιν ἰόντες,
150and clothed their shoulders round about with a cloud that might not be rent; and they of the other part sat over against them on the brows of Callicolone, round about thee, O archer Phoebus, and Ares, sacker of cities. So sat they on either side devising counsels, but to make beginning of grievous war 155both sides were loath, albeit Zeus, that sitteth on high, had bidden them. Howbeit the whole plain was filled with men and horses, and aflame with bronze, and the earth resounded beneath their feet as they rushed together; and two warriors best by far of all came one against the other into the space between the two hosts, eager to do battle, 160even Aeneas, Anchises' son, and goodly Achilles. Aeneas first strode forth with threatening mien, his heavy hem nodding above him; his valorous shield he held before his breast, and he brandished a spear of bronze. And on the other side the son of Peleus rushed against him him like a lion, 165a ravening lion that men are fain to slay, even a whole folk that be gathered together; and he at the first recking naught of them goeth his way, but when one of the youths swift in battle hath smitten him with a spear-cast, then he gathereth himself open-mouthed, and foam cometh forth about his teeth, and in his heart his valiant spirit groaneth, 170and with his tail he lasheth his ribs and his flanks on this side and on that, and rouseth himself to fight, and with glaring eyes he rusheth straight on in his fury, whether he slay some man or himself be slain in the foremost throng; even so was Achilles driven by his fury, 175and his lordly spirit to go forth to face great-hearted Aeneas.
Where on the image
Venetus A fol. 263v (photograph VA263VN_0765): Iliad 20.177-201, 25 lines of the manuscript, begins ‹τὸν πρότερος προσέειπε ποδάρκης δῖος›, ends ‹ἐπεὶ σάφα οἶδα καὶ αὐτὸς.›. Page of each line from the Homer Multitext 2024c index of lines to pages. English (Murray): lines 20.176-199, in his blocks 176-179, 180-184, 185-189, 190-194, 195-198, 199. Murray marks every fifth line and each paragraph; a block that crosses the page break goes with the page holding most of its lines, so the English here begins at line 176 and ends at line 199.
177τὸν πρότερος προσέειπε ποδάρκης δῖος Ἀχιλλεύς :
178Αἰνεία τί συ τόσσον ὁμίλου πολλὸν ἐπελυθὼν
179ἔστης. ῆ σέ γε θυμὸς ἐμοὶ μαχέσασθαι ἀνώγει
180ἐλπόμενον Τρώεσσιν ἀνάξειν ἱπποδάμοισι
181τιμῆς τῆς Πριάμου : ἀτὰρ εἴ κεν ἒμ' ἐξεναρίξῃς.
182οὔ τοι τούνεκά γε Πρίαμος γέρας ἐν χερὶ θήσει
183εἰσὶν γάρ οἱ παῖδες. ὁ δ' ἔμπεδος οὐδ' ἀεσίφρων:
184ῆ νύ τι τοι Τρῶες τέμενος τάμον ἔξοχον ἄλλων
185ἐσθλὸν φυταλιῆς καὶ ἀρούρης. ὄφρα νέμηαι
186αἴ κεν ἐμὲ κτείνῃς. χαλεπῶς δέ σ' ἔολπα τὸ ῥέξειν:
187ἤδη μέν σέ γε φημὶ καὶ ἄλλοτε δουρὶ φόβησα:
188ἦ οὐ μέμνῃ, ὅτε πέρ σε βοῶν ἄπο μοῦνον ἐόντα
189σεῦα κατ' Ἰδαίων ὀρέων ταχέεσσι πόδεσσι
190καρπαλίμως. τότε δ' οὔ τι μετατροπαλίζεο φεύγων:
191ἔνθεν δ' ἐς Λυρνησσὸν ὑπέκφυγες: αὐτὰρ ἐγὼ τὴν
192πέρσα μεθορμηθεὶς σὺν Ἀθήνῃ καὶ Διῒ πατρί:
193ληϊάδας δὲ γυναῖκας. ἐλεύθερον ῆμαρ ἀπούρας
194ἦγον: ἀτὰρ σὲ Ζεὺς ἐρρύσατο καὶ θεοὶ ἄλλοι:
195ἂλλ' οὐ νῦν σἐ ῥύεσθαι οἴομαι ὡς ἐνι θυμῷ.
196βάλλεαι: ἀλλά σ' ἔγωγ' ἀναχωρήσαντα κελεύω.
197ἐς πληθὺν ϊέναι: μὴ δ' ἀντίος ἵ+στασ' ἐμεῖο,
198πρίν τι κακὸν παθέειν: ῥεχθὲν δέ τε νήπιος ἔγνω:
199τὸν δ' αῦτ' Αἰνείας ἀπαμείβετο, φώνησέν τε:
200Πηλείδη : μὴ δή ἐπέεσσί γε νηπύτιον ὣς
201ἔλπεο δειδίξεσθαι : ἐπεὶ σάφα οἶδα καὶ αὐτὸς.
Compare: Monro & Allen, Oxford 1920 (Perseus)
177τὸν πρότερος προσέειπε ποδάρκης δῖος Ἀχιλλεύς·
178Αἰνεία τί σὺ τόσσον ὁμίλου πολλὸν ἐπελθὼν
179ἔστης; ἦ σέ γε θυμὸς ἐμοὶ μαχέσασθαι ἀνώγει
180ἐλπόμενον Τρώεσσιν ἀνάξειν ἱπποδάμοισι
181τιμῆς τῆς Πριάμου; ἀτὰρ εἴ κεν ἔμʼ ἐξεναρίξῃς,
182οὔ τοι τοὔνεκά γε Πρίαμος γέρας ἐν χερὶ θήσει·
183εἰσὶν γάρ οἱ παῖδες, ὃ δʼ ἔμπεδος οὐδʼ ἀεσίφρων.
184ἦ νύ τί τοι Τρῶες τέμενος τάμον ἔξοχον ἄλλων
185καλὸν φυταλιῆς καὶ ἀρούρης, ὄφρα νέμηαι
186αἴ κεν ἐμὲ κτείνῃς; χαλεπῶς δέ σʼ ἔολπα τὸ ῥέξειν.
187ἤδη μὲν σέ γέ φημι καὶ ἄλλοτε δουρὶ φοβῆσαι.
188ἦ οὐ μέμνῃ ὅτε πέρ σε βοῶν ἄπο μοῦνον ἐόντα
189σεῦα κατʼ Ἰδαίων ὀρέων ταχέεσσι πόδεσσι
190καρπαλίμως; τότε δʼ οὔ τι μετατροπαλίζεο φεύγων.
191ἔνθεν δʼ ἐς Λυρνησσὸν ὑπέκφυγες· αὐτὰρ ἐγὼ τὴν
192πέρσα μεθορμηθεὶς σὺν Ἀθήνῃ καὶ Διὶ πατρί,
193ληϊάδας δὲ γυναῖκας ἐλεύθερον ἦμαρ ἀπούρας
194ἦγον· ἀτὰρ σὲ Ζεὺς ἐρρύσατο καὶ θεοὶ ἄλλοι.
195ἀλλʼ οὐ νῦν ἐρύεσθαι ὀΐομαι, ὡς ἐνὶ θυμῷ
196βάλλεαι· ἀλλά σʼ ἔγωγʼ ἀναχωρήσαντα κελεύω
197ἐς πληθὺν ἰέναι, μηδʼ ἀντίος ἵστασʼ ἐμεῖο,
198πρίν τι κακὸν παθέειν· ῥεχθὲν δέ τε νήπιος ἔγνω.
199τὸν δʼ αὖτʼ Αἰνείας ἀπαμείβετο φώνησέν τε·
200Πηλεΐδη μὴ δὴ ἐπέεσσί με νηπύτιον ὣς
201ἔλπεο δειδίξεσθαι, ἐπεὶ σάφα οἶδα καὶ αὐτὸς
176And when they were come near, as they advanced one against the other, then first unto Aeneas spake swift-footed goodly Achilles: “Aeneas, wherefore hast thou sallied thus far forth from the throng to stand and face me? Is it that thy heart biddeth thee fight with me 180in hope that thou shalt be master of Priam's sovreignty amid the horse-taming Trojans? Nay, but though thou slayest me, not for that shall Priam place his kingship in thy hands, for he hath sons, and withal is sound and nowise flighty of mind. 185Or have the Trojans meted out for thee a demesne pre-eminent above all, a fair tract of orchard and of plough-land, that thou mayest possess it, if so be thou slayest me? Hard, methinks, wilt thou find that deed. Aye, for on another day ere now methinks I drave thee before my, spear. Dost thou not remember when thou wast alone and I made thee run from the kine down with swift steps from Ida's hills 190in headlong haste? On that day didst thou not once look behind thee in thy flight. Thence thou fleddest forth to Lyrnessus, but I laid it waste, assailing it with the aid of Athene and father Zeus, and the women I led captive and took from them the day of freedom; but thyself thou wast saved by Zeus and the other gods. Howbeit not this day, methinks, shall he save thee, 195as thou deemest in thy heart; nay, of myself I bid thee get thee back into the throng and stand not forth to face me, ere yet some evil befall thee; when it is wrought even a fool getteth understanding.”
199Then Aeneas answered him and said:
Where on the image
Venetus A fol. 264r (photograph VA264RN_0434): Iliad 20.202-226, 25 lines of the manuscript, begins ‹ἢ μὲν κερτομίας. ἡδ' αἴσυλα›, ends ‹μὲν σκιρτῷεν ἐπὶ ζείδωρον ἄρουραν.›. Page of each line from the Homer Multitext 2024c index of lines to pages. English (Murray): lines 20.200-224, in his blocks 200-204, 205-209, 210-214, 215-219, 220-224. Murray marks every fifth line and each paragraph; a block that crosses the page break goes with the page holding most of its lines, so the English here begins at line 200 and ends at line 224.
202ἢ μὲν κερτομίας. ἡδ' αἴσυλα μυθήσασθαι:
203ἴ+δμεν δ' ἀλλήλων γενεήν: ἴδμεν δὲ τοκῆας.
204πρόκλυτ' ἀκούοντες ἔπεα θνητῶν ἀνων :
205ὄψει δ' οὐτ' άρ πω σὺ ἐμοὺς ἴ+δες, οὔτ' ὰρ, ἐγὼ σού/ς:
206φασὶ. σὲ μὲν Πηλῆος ἀμύμονος ἔκγονον εἶναι:
207μητρὸς τ' ἐκ Θέτιδος . καλλιπλοκάμου. ἁλοσύδνης.
208αὐτὰρ ἐγὼν; υἱὸς μεγαλήτορος Ἀγχίσαο
209εὔχομαι ἐκγεγάμεν. μήτηρ δέ μοι ἔστ' Ἀφροδίτη :
210τῶν δὴ νῦν ἕτεροί γε φίλον παῖδα κλαύσονται
211σήμερον: οὐ γὰρ φημ'`. ἐπέεσσί γε νηπυτίοισιν
212ὧδε διακρινθέντεσ μάχης ἐξαπονέεσθαι:
213εἰ δ' ἐθέλεις καὶ ταῦτα δαήμεναι, ὄφρ' εῦ εἰδῇς
214ἡμετέρην γενεὴν. πολλοὶ δέ μιν ἄνδρες ἴ+σασι:
215Δάρδανον αὖ πρῶτον τέκετο, νεφεληγερέτα Ζεύς :
216κτίσσε δὲ Δαρδανίην . ἐπεὶ οὔ πω Ἴ+λιος ϊ_ρὴ
217ἐν πεδίῳ πεπόλιστο πόλις μερόπων ἀνων :
218ἂλλ' έθ' ὑπωρείας ᾤκεον πολυπίδακος Ί+δης:
219Δάρδανος αῦ τέκεθ' υἱὸν Ἐριχθόνιον βασιλῆα:
220ὃς δὴ ἀφνειότατος γένετο θνητῶν ἀνων :
221τοῦ τρὶσ χίλιαι ἵ+πποι έλος κάτα βουκολέοντο
222θήλειαι. πώλοισι ἀγαλλόμεναι ἀταλῇσι:
223τάων καὶ Βορέης ἠυράσσατο βοσκομενάων.
224ἵ+ππῳ δ' εἰσάμενος παρελέξατο κυανοχαίτῃ:
225αἳ δ' ὑποκυσάμεναι ἔτεκον δυόκαί δεκα πώλους:
226αἱ δ' ὅτε μὲν σκιρτῷεν ἐπὶ ζείδωρον ἄρουραν.
Compare: Monro & Allen, Oxford 1920 (Perseus)
202ἠμὲν κερτομίας ἠδʼ αἴσυλα μυθήσασθαι.
203ἴδμεν δʼ ἀλλήλων γενεήν, ἴδμεν δὲ τοκῆας
204πρόκλυτʼ ἀκούοντες ἔπεα θνητῶν ἀνθρώπων·
205ὄψει δʼ οὔτʼ ἄρ πω σὺ ἐμοὺς ἴδες οὔτʼ ἄρʼ ἐγὼ σούς.
206φασὶ σὲ μὲν Πηλῆος ἀμύμονος ἔκγονον εἶναι,
207μητρὸς δʼ ἐκ Θέτιδος καλλιπλοκάμου ἁλοσύδνης·
208αὐτὰρ ἐγὼν υἱὸς μεγαλήτορος Ἀγχίσαο
209εὔχομαι ἐκγεγάμεν, μήτηρ δέ μοί ἐστʼ Ἀφροδίτη·
210τῶν δὴ νῦν ἕτεροί γε φίλον παῖδα κλαύσονται
211σήμερον· οὐ γάρ φημʼ ἐπέεσσί γε νηπυτίοισιν
212ὧδε διακρινθέντε μάχης ἐξαπονέεσθαι.
213εἰ δʼ ἐθέλεις καὶ ταῦτα δαήμεναι, ὄφρʼ ἐῢ εἰδῇς
214ἡμετέρην γενεήν, πολλοὶ δέ μιν ἄνδρες ἴσασι·
215Δάρδανον αὖ πρῶτον τέκετο νεφεληγερέτα Ζεύς,
216κτίσσε δὲ Δαρδανίην, ἐπεὶ οὔ πω Ἴλιος ἱρὴ
217ἐν πεδίῳ πεπόλιστο πόλις μερόπων ἀνθρώπων,
218ἀλλʼ ἔθʼ ὑπωρείας ᾤκεον πολυπίδακος Ἴδης.
219Δάρδανος αὖ τέκεθʼ υἱὸν Ἐριχθόνιον βασιλῆα,
220ὃς δὴ ἀφνειότατος γένετο θνητῶν ἀνθρώπων·
221τοῦ τρισχίλιαι ἵπποι ἕλος κάτα βουκολέοντο
222θήλειαι, πώλοισιν ἀγαλλόμεναι ἀταλῇσι.
223τάων καὶ Βορέης ἠράσσατο βοσκομενάων,
224ἵππῳ δʼ εἰσάμενος παρελέξατο κυανοχαίτῃ·
225αἳ δʼ ὑποκυσάμεναι ἔτεκον δυοκαίδεκα πώλους.
226αἳ δʼ ὅτε μὲν σκιρτῷεν ἐπὶ ζείδωρον ἄρουραν,
200“Son of Peleus, think not with words to afright me, as I were a child, seeing I know well of myself to utter taunts and withal speech that is seemly. We know each other's lineage, and each other's parents, for we have heard the tales told in olden days by mortal men; 205but with sight of eyes hast thou never seen my parents nor I thine. Men say that thou art son of peerless Peleus, and that thy mother was fair-tressed Thetis, a daughter of the sea; but for me, I declare thiat I am son of great-hearted Anchises, and my mother is Aphrodite. 210Of these shall one pair or the other mourn a dear son this day; for verily not with childish words, I deem, shall we twain thus part one from the other and return from out the battle. Howbeit, if thou wilt, hear this also, that thou mayest know well my lineage, and many there be that know it: 215at the first Zeus, the cloud-gatherer, begat Dardanus, and he founded Dardania, for not yet was sacred Ilios builded in the plain to be a city of mortal men, but they still dwelt upon the slopes of many-fountained Ida. And Dardanus in turn begat a son, king Erichthonius, 220who became richest of mortal men. Three thousand steeds had he that pastured in the marsh-land; mares were they. rejoicing in their tender foals. Of these as they grazed the North Wind became enamoured, and he likened himself to a dark-maned stallion and covered them;
Where on the image
Venetus A fol. 264v (photograph VA264VN_0766): Iliad 20.227-251, 25 lines of the manuscript, begins ‹ἄκρον ἐπ' ἀνθερίκων καρπὸν θέον,›, ends ‹ἔριδας καὶ νείκεα νῶϊν ἀνάγκῃ›. Page of each line from the Homer Multitext 2024c index of lines to pages. English (Murray): lines 20.225-249, in his blocks 225-229, 230-234, 235-239, 240-241, 242-244, 245-249. Murray marks every fifth line and each paragraph; a block that crosses the page break goes with the page holding most of its lines, so the English here begins at line 225 and ends at line 249.
227ἄκρον ἐπ' ἀνθερίκων καρπὸν θέον, οὐδὲ κατέκλων:
228ἂλλ' ὅτε δὴ σκιρτῷεν ἐπ' εὐρέα νῶτα θαλάσσης:
229ἄκρον ἐπὶ ῥηγμῖνος ἁλὸς πολιοῖο θέεσκον:
230Τρῶα δ' Ἐριχθόνιος τέκετο Τρώεσσιν ἄνακτα:
231Τρωὸς δ' αὖ, τρεῖς παῖδες ἀμύμονος ἐξεγένοντο:
232Ϊ=λός τ', Ἀσσάρακός τε, καὶ ἀντίθεος Γανυμήδης :
233ὃς δὴ κάλλιστος γένετο θνητῶν ἀνθρώπων:
234τὸν καὶ ἀνηρείψαντο θεοὶ Διῒ οἰνοχοεύειν
235κάλλεος εἵνεκα, οἷο ἵ+ν' ἀθανάτοισι μετείη.
236Ϊ=λος δ' αῦ τέκεθ' υἱὸν ἀμύμονα Λαομέδοντα .
237Λαομέδων δ' ἄρα Τιθωνὸν τέκετο. Πρίαμόν τε:
238Λάμπόν τε: Κλυτίον θ'. Ϊκετάονά τ' ὄζον Ἄρηος .
239Ἀσσάρακος δὲ Κάπυν . ὃ δ' ἄρ, Ἀγχίσην τέκε παῖδα.
240αὐτὰρ ἒμ' Ἀγχίσης . Πρίαμος δ' έτεχ' Ἕκτορα δῖον:
241ταύτης τοι γενεῆς τε καὶ αἵματος εὔχομαι εἶναι:
242Ζεὺς δ' ἀρετὴν ἄνδρεσσιν ὀφέλλει τε μινύθει τε
243ὅππως κεν ἐθέλῃσιν ὃ γὰρ κ' όχ' ἄριστος ἁπάντων:
244ἂλλ' άγε μὴκέτι ταῦτα λεγώμεθα νηπύτιοι ὡς
245ἑσταότ' ἐν μέσσῃ ὑσμίνῃ δηϊοτῆτος:
246ἔστι γὰρ ἀμφοτέροισιν ὀνείδεα μυθήσασθαι
247πολλὰ μάλ', οὐδ' ὰν νῆυς ἑκατόζυγος ἄχθος ἄροιτο:
248στρεπτὴ δὲ γλῶσσ' ἐστὶ βροτῶν: πολέες δ' ἔνι μῦθοι
249παντοῖοι. ἐπέων δὲ πολὺς νομὸς ἔνθα καὶ ἔνθα:
250ὁπποῖόν κ' εἴπῃσθα ἔπος. τοῖόν κ' ἐπακούσαις:
251ἀλλὰ τί ὴ, ἔριδας καὶ νείκεα νῶϊν ἀνάγκῃ
Compare: Monro & Allen, Oxford 1920 (Perseus)
227ἄκρον ἐπʼ ἀνθερίκων καρπὸν θέον οὐδὲ κατέκλων·
228ἀλλʼ ὅτε δὴ σκιρτῷεν ἐπʼ εὐρέα νῶτα θαλάσσης,
229ἄκρον ἐπὶ ῥηγμῖνος ἁλὸς πολιοῖο θέεσκον.
230Τρῶα δʼ Ἐριχθόνιος τέκετο Τρώεσσιν ἄνακτα·
231Τρωὸς δʼ αὖ τρεῖς παῖδες ἀμύμονες ἐξεγένοντο
232Ἶλός τʼ Ἀσσάρακός τε καὶ ἀντίθεος Γανυμήδης,
233ὃς δὴ κάλλιστος γένετο θνητῶν ἀνθρώπων·
234τὸν καὶ ἀνηρείψαντο θεοὶ Διὶ οἰνοχοεύειν
235κάλλεος εἵνεκα οἷο ἵνʼ ἀθανάτοισι μετείη.
236Ἶλος δʼ αὖ τέκεθʼ υἱὸν ἀμύμονα Λαομέδοντα·
237Λαομέδων δʼ ἄρα Τιθωνὸν τέκετο Πρίαμόν τε
238Λάμπόν τε Κλυτίον θʼ Ἱκετάονά τʼ ὄζον Ἄρηος·
239Ἀσσάρακος δὲ Κάπυν, ὃ δʼ ἄρʼ Ἀγχίσην τέκε παῖδα·
240αὐτὰρ ἔμʼ Ἀγχίσης, Πρίαμος δʼ ἔτεχʼ Ἕκτορα δῖον.
241ταύτης τοι γενεῆς τε καὶ αἵματος εὔχομαι εἶναι.
242Ζεὺς δʼ ἀρετὴν ἄνδρεσσιν ὀφέλλει τε μινύθει τε
243ὅππως κεν ἐθέλῃσιν· ὃ γὰρ κάρτιστος ἁπάντων.
244ἀλλʼ ἄγε μηκέτι ταῦτα λεγώμεθα νηπύτιοι ὣς
245ἑσταότʼ ἐν μέσσῃ ὑσμίνῃ δηϊοτῆτος.
246ἔστι γὰρ ἀμφοτέροισιν ὀνείδεα μυθήσασθαι
247πολλὰ μάλʼ, οὐδʼ ἂν νηῦς ἑκατόζυγος ἄχθος ἄροιτο.
248στρεπτὴ δὲ γλῶσσʼ ἐστὶ βροτῶν, πολέες δʼ ἔνι μῦθοι
249παντοῖοι, ἐπέων δὲ πολὺς νομὸς ἔνθα καὶ ἔνθα.
250ὁπποῖόν κʼ εἴπῃσθα ἔπος, τοῖόν κʼ ἐπακούσαις.
251ἀλλὰ τί ἢ ἔριδας καὶ νείκεα νῶϊν ἀνάγκη
225and they conceived, and bare twelve fillies These, when they bounded over the earth, the giver of grain, would course over the topmost ears of ripened corn and break them not, and whenso they bounded over the broad back of the sea, would course over the topmost breakers of the hoary brine. 230And Erichthonius begat Tros to be king among the Trojans, and from Tros again three peerless sons were born, Ilus, and Assaracus, and godlike Ganymedes that was born the fairest of mortal men; wherefore the gods caught him up on high to be cupbearer to Zeus by reason of his beauty, that he might dwell with the immortals. 235And Ilus again begat a son, peerless Laomedon, and Laomedon begat Tithonus and Priam and Clytius, and Hicetaon, scion of Ares. And Assaracus begat Capys, and he Anchises; but Anchises begat me and Priam goodly Hector. 240This then is the lineage amid the blood wherefrom I avow me sprung.”
242“But as for valour, it is Zeus that increaseth it for men or minisheth it, even as himself willeth, seeing he is mightiest of all. But come, no longer let us talk thus like children, 245as we twain stand in the midst of the strife of battle. Revilings are there for both of us to utter, revilings full many; a ship of an hundred benches would not bear the load thereof. Glib is the tongue of mortals, and words there be therein many and manifold, and of speech the range is wide on this side and on that.
Where on the image
Venetus A fol. 265r (photograph VA265RN_0435): Iliad 20.252-276, 25 lines of the manuscript, begins ‹νεικεῖν ἀλλήλοισιν ἐναντίον: ὥς τε›, ends ‹βοός: ἡ δὲ δια πρὸ›. Page of each line from the Homer Multitext 2024c index of lines to pages. English (Murray): lines 20.250-274, in his blocks 250-254, 255-259, 260-264, 265-269, 270-272, 273-274. Murray marks every fifth line and each paragraph; a block that crosses the page break goes with the page holding most of its lines, so the English here begins at line 250 and ends at line 274. Checked on the image: first line 20.252 (‹νεικεῖν ἀλλήλοισιν ἐναντίον›) and last line 20.276 (‹ἡ δὲ διὰ πρὸ›) read on the photograph; no Iliad line above the first or below the last.
252νεικεῖν ἀλλήλοισιν ἐναντίον: ὥς τε γυναῖκας:
253αἵ τε χολωσάμεναι ἔριδος πέρι θυμοβόροιο
254νεικεῦσ' ἀλλήλῃσι μέσην ἐς ἄγυιαν ἰ+οῦσαι
255πολλὰ τά τε καὶ οὐκὶ. χόλος δέ τε καὶ τὰ κελεύει
256ἀλκῆς δ' οὔ μ' ἐπέεσσι μεταστρέψεις μεμαῶτα.
257πρὶν χαλκῷ μαχέσασθαι ἐναντίον. ἂλλ' άγε θᾶσσον
258γευσόμεθ' ἀλλήλων χαλκήρεσιν ἐγχείῃσιν:
259ῆ ρα. καὶ ἐν δινῷ σάκει ἤλασεν ὄβριμον ἔγχος.
260σμερδαλέῳ: μέγα δ' ἀμφὶ σάκος μύκε δουρὸς ἀκωκῇ.
261Πηλείδης δὲ σάκος μὲν ἀπὸ ἕο χειρὶ παχείῃ
262ἔσχετο ταρβήσας: φᾶτο γὰρ δολιχόσκιον ἔγχος
263ῥεῖα δ' ἐλεύσεσθαι μεγαλήτορος Αἰνείαο :
264νήπιος. οὐδ' ἐνόησε κατὰ φρένα καὶ κατὰ θυμὸν.
265ὡς οὐ ρηΐδι' ἐστὶ θεῶν ἐρικυδέα δῶρα
266ἀνδράσι γε θνητοῖσι δαμήμεναι οὐδ' ὑποείκειν
267οὐδὲ τότ' Αἰνείαο δαΐφρονος ὄβριμον ἔγχος
268ῥῆξε σάκος. χρυσὸς γὰρ ἐρύκακε. δῶρα θεοῖο
269ἀλλὰ δύω μὲν ἔλασσε δια πτύχας: αἱ δ' ὰρ' ἔτι τρεῖς
270ἦσαν. ἐπεὶ πέντε πτύχας ἤλασε κυλλοποδίων:
271τὰς δύο χαλκείας. δύο δ' ἔνδοθι κασσιτέροιο
272τὴν δὲ μίαν χρυσῆν. τῇ ρ' ἔσχετο μείλινον ἔγχος
273δεύτερος αῦτ' Ἀχιλεὺς προΐει δολιχόσκιον ἔγχος
274καὶ βάλεν Αἰνείαο κατ' ἀσπίδα πάντοσε ΐσην
275ἄντυγ' ὑπο πρώτην, ᾗ λεπτότατος θέε χαλκός.
276λεπτοτάτη δ' ἐπέην ῥινὸς βοός: ἡ δὲ δια πρὸ
Compare: Monro & Allen, Oxford 1920 (Perseus)
252νεικεῖν ἀλλήλοισιν ἐναντίον ὥς τε γυναῖκας,
253αἵ τε χολωσάμεναι ἔριδος πέρι θυμοβόροιο
254νεικεῦσʼ ἀλλήλῃσι μέσην ἐς ἄγυιαν ἰοῦσαι
255πόλλʼ ἐτεά τε καὶ οὐκί· χόλος δέ τε καὶ τὰ κελεύει.
256ἀλκῆς δʼ οὔ μʼ ἐπέεσσιν ἀποτρέψεις μεμαῶτα
257πρὶν χαλκῷ μαχέσασθαι ἐναντίον· ἀλλʼ ἄγε θᾶσσον
258γευσόμεθʼ ἀλλήλων χαλκήρεσιν ἐγχείῃσιν.
259ἦ ῥα καὶ ἐν δεινῷ σάκει ἤλασεν ὄβριμον ἔγχος
260σμερδαλέῳ· μέγα δʼ ἀμφὶ σάκος μύκε δουρὸς ἀκωκῇ.
261Πηλεΐδης δὲ σάκος μὲν ἀπὸ ἕο χειρὶ παχείῃ
262ἔσχετο ταρβήσας· φάτο γὰρ δολιχόσκιον ἔγχος
263ῥέα διελεύσεσθαι μεγαλήτορος Αἰνείαο
264νήπιος, οὐδʼ ἐνόησε κατὰ φρένα καὶ κατὰ θυμὸν
265ὡς οὐ ῥηΐδιʼ ἐστὶ θεῶν ἐρικυδέα δῶρα
266ἀνδράσι γε θνητοῖσι δαμήμεναι οὐδʼ ὑποείκειν.
267οὐδὲ τότʼ Αἰνείαο δαΐφρονος ὄβριμον ἔγχος
268ῥῆξε σάκος· χρυσὸς γὰρ ἐρύκακε, δῶρα θεοῖο·
269ἀλλὰ δύω μὲν ἔλασσε διὰ πτύχας, αἳ δʼ ἄρʼ ἔτι τρεῖς
270ἦσαν, ἐπεὶ πέντε πτύχας ἤλασε κυλλοποδίων,
271τὰς δύο χαλκείας, δύο δʼ ἔνδοθι κασσιτέροιο,
272τὴν δὲ μίαν χρυσῆν, τῇ ῥʼ ἔσχετο μείλινον ἔγχος.
273δεύτερος αὖτʼ Ἀχιλεὺς προΐει δολιχόσκιον ἔγχος,
274καὶ βάλεν Αἰνείαο κατʼ ἀσπίδα πάντοσʼ ἐΐσην
275ἄντυγʼ ὕπο πρώτην, ᾗ λεπτότατος θέε χαλκός,
276λεπτοτάτη δʼ ἐπέην ῥινὸς βοός· ἣ δὲ διὰ πρὸ
250Whatsoever word thou speakest, such shalt thou also hear. But what need have we twain to bandy strifes and wranglings one with the other like women, that when they have waxed wroth in soul-devouring strife go forth into the midst of the street 255and wrangle one against the other with words true and false; for even these wrath biddeth them speak. But from battle, seeing I am eager therefor, shalt thou not by words turn me till we have fought with the bronze man to man; nay, come, let us forthwith make trial each of the other with bronze-tipped spears.” He spake, and let drive his mighty spear against the other's dread and wondrous shield, and loud rang the shield about the spear-point. 260And the son of Peleus held the shield from him with his stout hand, being seized with dread; for he deemed that the far-shadowing spear of great-hearted Aeneas would lightly pierce it through— 265fool that he was, nor knew in his mind and heart that not easy are the glorious gifts of the gods for mortal men to master or that they give place withal. Nor did the mighty spear of wise-hearted Aeneas then break through the shield, for the gold stayed it, the gift of the god. Howbeit through two folds he drave it, yet were there still three, 270for five layers had the crook-foot god welded, two of bronze, and two within of tin, and one of gold, in which the spear of ash was stayed.
273Then Achilles in his turn hurled his far-shadowing spear and smote upon Aeneas' shield that was well-balanced upon every side,
Where on the image
Venetus A fol. 265v (photograph VA265VN_0767): Iliad 20.277-302, 26 lines of the manuscript, begins ‹Πηλιὰς ἤϊξεν μελίη: λάκε δ'›, ends ‹μόρσιμον δέ οἱ ἔστ' ἀλέασθαι.›. Page of each line from the Homer Multitext 2024c index of lines to pages. English (Murray): lines 20.275-304, in his blocks 275-279, 280-284, 285-289, 290-294, 295-299, 300-304. Murray marks every fifth line and each paragraph; a block that crosses the page break goes with the page holding most of its lines, so the English here begins at line 275 and ends at line 304.
277Πηλιὰς ἤϊξεν μελίη: λάκε δ' ἀσπὶς ὑπ' αὐτῆς:
278Αἰνείας δ' ἐάλη καὶ ἀπὸ ἕθεν ἀσπίδ' ἀνέσχε
279δείσας: ἐγχείη δ' ὰρ. ὑπερ νώτου ἐνι γαίῃ
280έστη ἱ+εμένη: διὰ δ' ἀμφοτέρους ἕλε κύκλους
281ἀσπί/δος ἀμφιβρότης. ὁ δ' ἀλευάμενος δόρυ μακρὸν.
282έστη. καδ δ' ἄχος οἱ χύτο μυ_ρίον ὀφθαλμοῖσι:
283ταρβήσας. ὅ, οἱ. ἄγχι πάγη βέλος: αὐτὰρ Ἀχιλλεὺς
284ἐμμεμαὼς ἐπόρουσεν. ἐρυσσάμενος ξίφος ὀξὺ.
285σμερδαλέα ἰ+άχων: ὁδὲ χερμάδιον λάβε χειρὶ
286Αἰνείας . μέγα ἔργον: ὃ, οὐ δύο γ' ἄνδρε φέροιεν:
287οἷοι νῦν βροτοί εἰσ' ὁ δέ μιν ῥέα πάλλε καὶ οἶος:
288ἔνθά κεν Αἰνείας μὲν ἐπεσσύμενον βάλε πέτρῳ:
289ἠ κόρυθ': ἠε σάκος. τό, οἱ ήρκεσε λυγρὸν όλεθρον.
290τὸν δέ κε Πηλείδης , σχεδὸν ἄορι θυμὸν ἀπηύρα__.
291εἰ μὴ ὰρ, ὀξὺ νόησε Ποσειδάων ἐνοσίχθων:
292αὐτίκα δ' ἀθανάτοισι θεοῖς μετὰ μῦθον ἔειπεν:
293ὦ πόποι. ῆ μοι ἄχος μεγαλήτορος Αἰνείαο .
294ὃς τάχα Πηλείωνι δαμεὶς. Ἄϊδος δὲ κάτεισι.
295πειθόμενος μύθοισιν Ἀπόλλωνος ἑκάτοιο:
296νήπιος. οὐδέ τι οἱ χραισμήσει χραισμησ λυγρὸν ὄλεθρον:
297ἀλλὰ τί ὴ νῦν οὗτος ἀναίτιος ἄλγεα πάσχει
298μὰψ, ἕνεκ' ἀλλοτρίων ἀχέων: κεχαρισμένα δ' αἰεὶ
299δῶρα θεοῖσι δίδωσι. τοὶ οὐρανὸν εὐρὺν ἔχουσιν:
300ἀλλ' άγεθ' ἡμεῖς πέρ μιν ὑπ' ἐκ θανάτου ἀγάγωμεν,
301μήπως καὶ Κρονίδης κεχολώσεται. αἴ κεν Ἀχιλλεὺς
302τόνδε κατακτείνῃ: μόρσιμον δέ οἱ ἔστ' ἀλέασθαι.
Compare: Monro & Allen, Oxford 1920 (Perseus)
277Πηλιὰς ἤϊξεν μελίη, λάκε δʼ ἀσπὶς ὑπʼ αὐτῆς.
278Αἰνείας δʼ ἐάλη καὶ ἀπὸ ἕθεν ἀσπίδʼ ἀνέσχε
279δείσας· ἐγχείη δʼ ἄρʼ ὑπὲρ νώτου ἐνὶ γαίῃ
280ἔστη ἱεμένη, διὰ δʼ ἀμφοτέρους ἕλε κύκλους
281ἀσπίδος ἀμφιβρότης· ὃ δʼ ἀλευάμενος δόρυ μακρὸν
282ἔστη, κὰδ δʼ ἄχος οἱ χύτο μυρίον ὀφθαλμοῖσι,
283ταρβήσας ὅ οἱ ἄγχι πάγη βέλος. αὐτὰρ Ἀχιλλεὺς
284ἐμμεμαὼς ἐπόρουσεν ἐρυσσάμενος ξίφος ὀξὺ
285σμερδαλέα ἰάχων· ὃ δὲ χερμάδιον λάβε χειρὶ
286Αἰνείας, μέγα ἔργον, ὃ οὐ δύο γʼ ἄνδρε φέροιεν,
287οἷοι νῦν βροτοί εἰσʼ· ὃ δέ μιν ῥέα πάλλε καὶ οἶος.
288ἔνθά κεν Αἰνείας μὲν ἐπεσσύμενον βάλε πέτρῳ
289ἢ κόρυθʼ ἠὲ σάκος, τό οἱ ἤρκεσε λυγρὸν ὄλεθρον,
290τὸν δέ κε Πηλεΐδης σχεδὸν ἄορι θυμὸν ἀπηύρα,
291εἰ μὴ ἄρʼ ὀξὺ νόησε Ποσειδάων ἐνοσίχθων·
292αὐτίκα δʼ ἀθανάτοισι θεοῖς μετὰ μῦθον ἔειπεν·
293ὢ πόποι ἦ μοι ἄχος μεγαλήτορος Αἰνείαο,
294ὃς τάχα Πηλεΐωνι δαμεὶς Ἄϊδος δὲ κάτεισι
295πειθόμενος μύθοισιν Ἀπόλλωνος ἑκάτοιο
296νήπιος, οὐδέ τί οἱ χραισμήσει λυγρὸν ὄλεθρον.
297ἀλλὰ τί ἢ νῦν οὗτος ἀναίτιος ἄλγεα πάσχει
298μὰψ ἕνεκʼ ἀλλοτρίων ἀχέων, κεχαρισμένα δʼ αἰεὶ
299δῶρα θεοῖσι δίδωσι τοὶ οὐρανὸν εὐρὺν ἔχουσιν;
300ἀλλʼ ἄγεθʼ ἡμεῖς πέρ μιν ὑπὲκ θανάτου ἀγάγωμεν,
301μή πως καὶ Κρονίδης κεχολώσεται, αἴ κεν Ἀχιλλεὺς
302τόνδε κατακτείνῃ· μόριμον δέ οἵ ἐστʼ ἀλέασθαι,
275beneath the outermost rim where the bronze ran thinnest, and thinnest was the backing of bull's-hide; and straight through sped the spear of Pelian ash, and the shield rang beneath the blow. And Aeneas cringed and held from him the shield, being seized with fear; and the spear passed over his back and was stayed in the ground 280for all its fury, albeit it tore asunder two circles of the sheltering shield. And having escaped the long spear he stood up, and over his eyes measureless grief was shed, and fear came over him for that the spear was planted so nigh. But Achilles drew his sharp sword and leapt upon him furiously, 285crying a terrible cry; and Aeneas grasped in his hand a stone—a mighty deed—one that not two mortals could bear, such as men are now; yet lightly did he wield it even alone. Then would Aeneas have smitten him with the stone, as he rushed upon him, either on helm or on the shield that had warded from him woeful destruction, 290and the son of Peleus in close combat would with his sword have robbed Aeneas of life, had not Poseidon, the Shaker of Earth, been quick to see. And forthwith he spake among the immortal gods, saying: “Now look you, verily have I grief for great-hearted Aeneas, who anon shall go down to the house of Hades, 295slain by the son of Peleus, for that he listened to the bidding of Apollo that smiteth afar—fool that he was! nor will the god in any wise ward from him woeful destruction. But wherefore should he, a guiltless man, suffer woes vainly by reason of sorrows that are not his own?—whereas he ever giveth acceptable gifts to the gods that hold broad heaven. 300Nay, come, let us head him forth from out of death, lest the son of Cronos be anywise wroth, if so be Achilles slay him; for it is ordained unto him to escape, that the race of Dardanus perish not without seed and be seen no more—of Dardanus whom the son of Cronos loved above all the children born to him
Where on the image
Venetus A fol. 266r (photograph VA266RN_0436): Iliad 20.303-330, 27 lines of the manuscript, begins ‹ὄφρα μὴ ἄσπερμος γενεὴ καὶ›, ends ‹μάλ' ἐγγύθεν ἦλθε Ποσειδάων ἐνοσίχθων.›. Page of each line from the Homer Multitext 2024c index of lines to pages. Line 20.312 of the standard text is not in Venetus A; it is in the edition text (Monro & Allen) and the English. English (Murray): lines 20.305-329, in his blocks 305-308, 309, 310-314, 315-319, 320-324, 325-329. Murray marks every fifth line and each paragraph; a block that crosses the page break goes with the page holding most of its lines, so the English here begins at line 305 and ends at line 329.
303ὄφρα μὴ ἄσπερμος γενεὴ καὶ ἄφαντος ὄληται
304Δαρδάνου . ὃν Κρονίδης περὶ πάντων φίλατο παίδων
305οἵ ἑθεν ἐξεγένοντο γυναικῶν τε θνητάων:
306ἤδη γὰρ Πριάμου γενεὴν ἤχθηρε Κρονίων :
307νῦν δὲ δὴ Αἰνείαο βίη Τρώεσσιν ἀνάξει.
308καὶ παιδων παῖδες τοῖ κεν μετόπισθε γένωνται.
309τὸν δ' ἠμείβετ' ἔπειτα βοῶπις πότνια Ἥρη :
310ἐννοσίγαι'. αὐτὸς σὺ μετὰ φρεσὶ, σῇσι, νόησον
311Αἰνείαν ἤ κέν, μιν ἐρύσσεαι. ἤ κεν, ἐάσεις:
313ἤτοι μὲν γὰρ νῶϊ πολεῖς ὠμόσσαμεν ὅρκους
314πᾶσι μετ αθανάτοισιν, ἐγὼ καὶ Παλλὰς Ἀθήνη
315μή ποτ' ἐπὶ Τρώεσσιν ἀλεξήσειν κακὸν ῆμαρ.
316μηδ' ὁπότ' αν Τροίη μαλερῷ πυρὶ πᾶσα δάηται
317δαιομένη : δαίωσι δ' ἀρήϊοι υἷες Ἀχαιῶν:
318αὐτὰρ ἐπεὶ τό γ' ἄκουσε Ποσειδάων ἐνοσίχθων.
319βῆ ῥ' ΐμεν, ἄν, τε μάχην καὶ ἀνὰ κλόνον ἐγχειάων.
320ΐξε δ' ὅθ' Αἰνείας ἠδ' ὁ κλυτὸς ῆεν Ἀχιλλεύς :
321αὐτίκα τῷ μὲν ἔπειτα κατ' ὀφθαλμῶν χέεν ἀχλὺν.
322Πηλείδῃ Ἀχιλῆϊ , ὁ δὲ μελίην εὔ+χαλκον
323ἀσπίδος ἐξέρυσεν μεγαλήτορος, Αἰνείαο :
324καὶ τὴν μὲν προπάροιθε ποδῶν Ἀχιλῆος ἔθηκεν:
325Αἰνείαν δ' ἔσσευεν. ἀπο χθονὸς ὑψόσ' ἀείρας:
326πολλὰς δὲ στίχας ἡρώων, πολλὰς δὲ καὶ ἵππων.
327Αἰνείας ὑπερᾶλτο, θεοῦ ἀπὸ χειρὸς ὀρούσας:
328ἴ+ξε δ' ἐπ' εσχατιὴ=ν πολυάϊκος πολέμοιο:
329ἔνθα δε Καύκωνες πόλεμον μέτα θωρήσσοντο:
330τῷ δὲ μάλ' ἐγγύθεν ἦλθε Ποσειδάων ἐνοσίχθων.
Compare: Monro & Allen, Oxford 1920 (Perseus)
303ὄφρα μὴ ἄσπερμος γενεὴ καὶ ἄφαντος ὄληται
304Δαρδάνου, ὃν Κρονίδης περὶ πάντων φίλατο παίδων
305οἳ ἕθεν ἐξεγένοντο γυναικῶν τε θνητάων.
306ἤδη γὰρ Πριάμου γενεὴν ἔχθηρε Κρονίων·
307νῦν δὲ δὴ Αἰνείαο βίη Τρώεσσιν ἀνάξει
308καὶ παίδων παῖδες, τοί κεν μετόπισθε γένωνται.
309τὸν δʼ ἠμείβετʼ ἔπειτα βοῶπις πότνια Ἥρη·
310ἐννοσίγαιʼ, αὐτὸς σὺ μετὰ φρεσὶ σῇσι νόησον
311Αἰνείαν ἤ κέν μιν ἐρύσσεαι ἦ κεν ἐάσῃς
312Πηλεΐδῃ Ἀχιλῆϊ δαμήμεναι, ἐσθλὸν ἐόντα.
313ἤτοι μὲν γὰρ νῶϊ πολέας ὠμόσσαμεν ὅρκους
314πᾶσι μετʼ ἀθανάτοισιν ἐγὼ καὶ Παλλὰς Ἀθήνη
315μή ποτʼ ἐπὶ Τρώεσσιν ἀλεξήσειν κακὸν ἦμαρ,
316μηδʼ ὁπότʼ ἂν Τροίη μαλερῷ πυρὶ πᾶσα δάηται
317καιομένη, καίωσι δʼ ἀρήϊοι υἷες Ἀχαιῶν.
318αὐτὰρ ἐπεὶ τό γʼ ἄκουσε Ποσειδάων ἐνοσίχθων,
319βῆ ῥʼ ἴμεν ἄν τε μάχην καὶ ἀνὰ κλόνον ἐγχειάων,
320ἷξε δʼ ὅθʼ Αἰνείας ἠδʼ ὃ κλυτὸς ἦεν Ἀχιλλεύς.
321αὐτίκα τῷ μὲν ἔπειτα κατʼ ὀφθαλμῶν χέεν ἀχλὺν
322Πηλεΐδῃ Ἀχιλῆϊ· ὃ δὲ μελίην εὔχαλκον
323ἀσπίδος ἐξέρυσεν μεγαλήτορος Αἰνείαο·
324καὶ τὴν μὲν προπάροιθε ποδῶν Ἀχιλῆος ἔθηκεν,
325Αἰνείαν δʼ ἔσσευεν ἀπὸ χθονὸς ὑψόσʼ ἀείρας.
326πολλὰς δὲ στίχας ἡρώων, πολλὰς δὲ καὶ ἵππων
327Αἰνείας ὑπερᾶλτο θεοῦ ἀπὸ χειρὸς ὀρούσας,
328ἷξε δʼ ἐπʼ ἐσχατιὴν πολυάϊκος πολέμοιο,
329ἔνθά τε Καύκωνες πόλεμον μέτα θωρήσσοντο.
330τῷ δὲ μάλʼ ἐγγύθεν ἦλθε Ποσειδάων ἐνοσίχθων,
305from mortal women. For at length hath the son of Cronos come to hate the race of Priam; and now verily shall the mighty Aeneas be king among the Trojans, and his sons' sons that shall be born in days to come.”
309Then made answer to him the ox-eyed, queenly Hera: 310“Shaker of Earth, of thine own self take counsel in thine heart as touching Aeneas, whether thou wilt save him or suffer him to be slain for all his valour by Achilles, Peleus' son. We twain verily, even Pallas Athene and I, 315have sworn oaths full many among the immortals never to ward off from the Trojans the day of evil, nay, not when all Troy shall burn in the burning of consuming fire, and the warlike sons of the Achaeans shall be the burners thereof.” Now when Poseidon, the Shaker of Earth, heard this, he went his way amid the battle and the hurtling of spears, 320and came to the place where Aeneas was and glorious Achilles. Forthwith then he shed a mist over the eyes of Achilles, Peleus' son, and the ashen spear, well-shod with bronze, he drew forth from the shield of the great-hearted Aeneas and set it before the feet of Achilles, 325but Aeneas he lifted up and swung him on high from off the ground. Over many ranks of warriors and amny of chariots sprang Aeneas, soaring from the hand of the god, and came to the uttermost verge of the furious battle, where the Caucones were arraying them for the fight. Then close to his side came Poseidon, the Shaker of Earth,
Where on the image
Venetus A fol. 266v (photograph VA266VN_0768): Iliad 20.331-355, 25 lines of the manuscript, begins ‹καί μιν φωνήσας. ἔπεα πτερόεντα›, ends ‹ἀνδρὸς ἴ+τω: μεμάτω δὲ μάχεσθαι:›. Page of each line from the Homer Multitext 2024c index of lines to pages. English (Murray): lines 20.330-354, in his blocks 330-339, 340-344, 345-349, 350-354. Murray marks every fifth line and each paragraph; a block that crosses the page break goes with the page holding most of its lines, so the English here begins at line 330 and ends at line 354.
331καί μιν φωνήσας. ἔπεα πτερόεντα προσηύδα:
332Αἰνεία : τίσ σ' ῶδε θεῶν, ἀτέοντα κελεύει
333ἀντία Πηλείωνος . ὑπερθύμοιο μάχεσθαι:
334ὃς, σεῦ, ἅμα κρείσσων καὶ φτερος ἀθανάτοισιν:
335ἀλλ' ἀναχωρῆσαι ὅτε κεν συμβλήσεαι αὐτῷ:
336μὴ καὶ ὑπερ μοῖραν δόμον Ἄϊδος εἰσ ἀφίκηαι:
337αὐτὰρ ἐπεί κ' Ἀχιλεὺς θάνατον καὶ πότμον ἐπίσπῃ.
338θαρσήσας δ' ήπειτα μετὰ πρώτοισι μάχεσθαι:
339οὐ μὲν γὰρ τις σ' ἄλλος Ἀχαιῶν ἐξεναρίξει:
340ὡς εἰπὼν λίπεν αὐτόθ'. ἐπεὶ διεπέφραδε πάντα:
341αῖψα δ' ἔπειτ' Ἀχιλῆος ἀπ' ὀφθαλμῶν ἐκέδασ' ἀχλὺν
342θεσπεσίην, ὁ δ' ἔπειτα μέγ' ἔξιδεν ὀφθαλμοῖσιν:
343ὀχθήσας δ' ἄρα εἶπε πρὸς ὃν, μεγαλήτορα θυμόν:
344ὦ πόποι. ῆ μέγα θαῦμα τόδ' ὀφθαλμοῖσιν ὁρῶμαι:
345ἔγχος μὲν τόδε κεῖται ἐπι χθονὸς. οὐδέτι φῶτα
346λεύσσω, τῷ δ' ἐφέηκα κατακτάμεναι μενεαίνων:
347ῆ ρα καὶ Αἰνείας . φίλος ἀθανάτοισι θεοῖσιν
348ῆεν. ἀτὰρ μιν ἔφην μὰψ. αύτως εὐχετάασθαι:
349ἐρρέτω: οὔ οἱ, θυμὸς ἐμεῦ ἔτι πειρηθῆναι
350έσσεται. ὁς καὶ νῦν φύγεν ἄσμενος ἐκ θανάτοιο:
351ἀλλ ἄγε δὴ Δαναοῖσι φιλοπτολέμοισι κελεύσας
352τῶν ἄλλων Τρώων πειρήσομαι ἀντίος ἐλθών:
353ῆ, καὶ ἐπὶ στίχας ἆλτο, κέλευε δὲ φωτὶ ἑκάστῳ:
354μὴκετι νῦν Τρώων ἑκὰς ἕστατε δῖοι Ἀχαιοί :
355ἂλλ' άγ' ἀνὴρ ἄντ' ἀνδρὸς ἴ+τω: μεμάτω δὲ μάχεσθαι:
Compare: Monro & Allen, Oxford 1920 (Perseus)
331καί μιν φωνήσας ἔπεα πτερόεντα προσηύδα·
332Αἰνεία, τίς σʼ ὧδε θεῶν ἀτέοντα κελεύει
333ἀντία Πηλεΐωνος ὑπερθύμοιο μάχεσθαι,
334ὃς σεῦ ἅμα κρείσσων καὶ φίλτερος ἀθανάτοισιν;
335ἀλλʼ ἀναχωρῆσαι ὅτε κεν συμβλήσεαι αὐτῷ,
336μὴ καὶ ὑπὲρ μοῖραν δόμον Ἄϊδος εἰσαφίκηαι.
337αὐτὰρ ἐπεί κʼ Ἀχιλεὺς θάνατον καὶ πότμον ἐπίσπῃ,
338θαρσήσας δὴ ἔπειτα μετὰ πρώτοισι μάχεσθαι·
339οὐ μὲν γάρ τίς σʼ ἄλλος Ἀχαιῶν ἐξεναρίξει.
340ὣς εἰπὼν λίπεν αὐτόθʼ, ἐπεὶ διεπέφραδε πάντα.
341αἶψα δʼ ἔπειτʼ Ἀχιλῆος ἀπʼ ὀφθαλμῶν σκέδασʼ ἀχλὺν
342θεσπεσίην· ὃ δʼ ἔπειτα μέγʼ ἔξιδεν ὀφθαλμοῖσιν,
343ὀχθήσας δʼ ἄρα εἶπε πρὸς ὃν μεγαλήτορα θυμόν·
344ὢ πόποι ἦ μέγα θαῦμα τόδʼ ὀφθαλμοῖσιν ὁρῶμαι·
345ἔγχος μὲν τόδε κεῖται ἐπὶ χθονός, οὐδέ τι φῶτα
346λεύσσω, τῷ ἐφέηκα κατακτάμεναι μενεαίνων.
347ἦ ῥα καὶ Αἰνείας φίλος ἀθανάτοισι θεοῖσιν
348ἦεν· ἀτάρ μιν ἔφην μὰψ αὔτως εὐχετάασθαι.
349ἐρρέτω· οὔ οἱ θυμὸς ἐμεῦ ἔτι πειρηθῆναι
350ἔσσεται, ὃς καὶ νῦν φύγεν ἄσμενος ἐκ θανάτοιο.
351ἀλλʼ ἄγε δὴ Δαναοῖσι φιλοπτολέμοισι κελεύσας
352τῶν ἄλλων Τρώων πειρήσομαι ἀντίος ἐλθών.
353ἦ, καὶ ἐπὶ στίχας ἆλτο, κέλευε δὲ φωτὶ ἑκάστῳ·
354μηκέτι νῦν Τρώων ἑκὰς ἕστατε δῖοι Ἀχαιοί,
355ἀλλʼ ἄγʼ ἀνὴρ ἄντʼ ἀνδρὸς ἴτω, μεμάτω δὲ μάχεσθαι.
330and he spake, and addressed him with winged words: “Aeneas, what god is it that thus biddeth thee in blindness of heart do battle man to man with the high-hearted son of Peleus, seeing he is a better man than thou, and therewithal dearer to the immortals? Nay, draw thou back, whensoever thou fallest in with him, lest even beyond thy doom thou enter the house of Hades. But when it shall be that Achilles hath met his death and fate, then take thou courage to fight among the foremost, for there is none other of the Achaeans that shall slay thee.”
340So saying he left him there, when he had told him all. Then quickly from Achilles' eyes he scattered the wondrous mist; and he stared hard with his eyes, and mightily moved spake unto his own great-hearted spirit: “Now look you, verily a great marvel is this that mine eyes behold. 345My spear lieth here upon the ground, yet the man may I nowise see at whom I hurled it, eager to slay him. Verily, it seemeth, Aeneas likewise is dear to the immortal gods, albeit I deemed that his boasting was idle and vain. Let him go his way! no heart shall he find to make trial of me again, 350seeing that now he is glad to have escaped from death. But come, I will call to the war-loving Danaans and go forth against the other Trojans to make trial of them.” He spake, and leapt along the ranks, and called to each man: “No longer now stand ye afar from the Trojans, ye goodly Achaeans,
Where on the image
Venetus A fol. 267r (photograph VA267RN_0437): Iliad 20.356-380, 25 lines of the manuscript, begins ‹ἀργαλέον δέ μοι ἐστὶ καὶ›, ends ‹ὅτ' άκουσε θεοῦ ὄπα φωνήσαντος:›. Page of each line from the Homer Multitext 2024c index of lines to pages. English (Murray): lines 20.355-379, in his blocks 355-359, 360-364, 365-369, 370-372, 373-374, 375-379. Murray marks every fifth line and each paragraph; a block that crosses the page break goes with the page holding most of its lines, so the English here begins at line 355 and ends at line 379.
356ἀργαλέον δέ μοι ἐστὶ καὶ ἰ+φθίμῳ περ ἐόντι.
357τοσσούσδ' ἀνθρώπους ἐφέπειν, καὶ πᾶσι μάχεσθαι:
358οὐδέ κ' Ἄρης , ὅς περ θεὸς ἄμβροτος. οὐδέ κ' Ἀθήνη .
359τόσσησδ' ὑσμίνης ἐφέποι, στόμα. καὶ πονέοιτο:
360ἂλλ' ὅσσον μὲν ἐγὼ δύναμαι, χερσίν τε: ποσίν τε:
361καὶ σθένει. οὔ μ' ἔτι φημὶ μεθησέμεν, οὐδ' ἠβαιόν:
362ἀλλὰ μάλα στιχὸς εἶμι διαμπερὲς. οὐδέ τιν' οἴω
363Τρώων χαιρήσειν. ὅς τις σχεδὸν ἔγχεος ἔλθῃ :
364ὡς φάτ' ἐποτρύνων: Τρώεσσι δὲ φαίδιμος Ἕκτωρ .
365κέκλεθ' ὁμοκλήσας. φάτο δ' ΐμεναι ἄντ' Ἀχιλῆος :
366Τρῶες ὑπέρθυμοι: μὴ δείδιτε Πηλείωνα :
367καί κεν, ἐγὼν ἐπέεσσι καὶ ἀθανάτοισι μαχοίμην:
368ἔγχεϊ δ' ἀργαλέον. ἐπει ῆ πολὺ φέρτεροί εισιν:
369οὐδ' Ἀχιλεὺς πάντεσσι τέλος μύθοις ἐπιθήσει.
370ἀλλὰ τὸ μὲν τελέει. τὸ δὲ καὶ μεσσηγὺ κολούει:
371τῷ δ' ἐγὼ ἀντίος εἶμι: καὶ εἲ πυρὶ χεῖρας ἔοικεν:
372εἰ πυρὶ χεῖρας ἔοικε. μένος δ' αἴθωνι σιδήρῳ:
373ὡς φάτ' ἐποτρύνων: οἱ δ' ἀντίοι ἔγχε' ἄειραν
374Τρῶες , τῶν δ' ἄμυδις μίχθη μένος. ῶρτο δ' ἀϋτή:
375καὶ τότ' ὰρ' Ἕκτορα εἶπε παραστὰς Φοῖβος Ἀπόλλων :
376Ἕκτορ . μηκέτι πάμπαν Ἀχιλλῆϊ προμάχιζε_
377ἀλλὰ κατὰ πληθύν τε καὶ ἐκ φλοίσβοιο δέδεξο:
378μή πως σ' ἠὲ βάλῃ. ἠὲ σχεδὸν ἄορι τύψῃ:
379ὡς ἔφαθ': Ἕκτωρ δ' αῦτις ἐδύσετο οὐλαμὸν ἀνδρῶν
380ταρβήσας, ὅτ' άκουσε θεοῦ ὄπα φωνήσαντος:
Compare: Monro & Allen, Oxford 1920 (Perseus)
356ἀργαλέον δέ μοί ἐστι καὶ ἰφθίμῳ περ ἐόντι
357τοσσούσδʼ ἀνθρώπους ἐφέπειν καὶ πᾶσι μάχεσθαι·
358οὐδέ κʼ Ἄρης, ὅς περ θεὸς ἄμβροτος, οὐδέ κʼ Ἀθήνη
359τοσσῆσδʼ ὑσμίνης ἐφέποι στόμα καὶ πονέοιτο·
360ἀλλʼ ὅσσον μὲν ἐγὼ δύναμαι χερσίν τε ποσίν τε
361καὶ σθένει, οὔ μʼ ἔτι φημὶ μεθησέμεν οὐδʼ ἠβαιόν,
362ἀλλὰ μάλα στιχὸς εἶμι διαμπερές, οὐδέ τινʼ οἴω
363Τρώων χαιρήσειν, ὅς τις σχεδὸν ἔγχεος ἔλθῃ.
364ὣς φάτʼ ἐποτρύνων· Τρώεσσι δὲ φαίδιμος Ἕκτωρ
365κέκλεθʼ ὁμοκλήσας, φάτο δʼ ἴμεναι ἄντʼ Ἀχιλῆος·
366Τρῶες ὑπέρθυμοι μὴ δείδιτε Πηλεΐωνα.
367καί κεν ἐγὼ ἐπέεσσι καὶ ἀθανάτοισι μαχοίμην,
368ἔγχεϊ δʼ ἀργαλέον, ἐπεὶ ἦ πολὺ φέρτεροί εἰσιν.
369οὐδʼ Ἀχιλεὺς πάντεσσι τέλος μύθοις ἐπιθήσει,
370ἀλλὰ τὸ μὲν τελέει, τὸ δὲ καὶ μεσσηγὺ κολούει.
371τοῦ δʼ ἐγὼ ἀντίος εἶμι καὶ εἰ πυρὶ χεῖρας ἔοικεν,
372εἰ πυρὶ χεῖρας ἔοικε, μένος δʼ αἴθωνι σιδήρῳ.
373ὣς φάτʼ ἐποτρύνων, οἳ δʼ ἀντίοι ἔγχεʼ ἄειραν
374Τρῶες· τῶν δʼ ἄμυδις μίχθη μένος, ὦρτο δʼ ἀϋτή.
375καὶ τότʼ ἄρʼ Ἕκτορα εἶπε παραστὰς Φοῖβος Ἀπόλλων·
376Ἕκτορ μηκέτι πάμπαν Ἀχιλλῆϊ προμάχιζε,
377ἀλλὰ κατὰ πληθύν τε καὶ ἐκ φλοίσβοιο δέδεξο,
378μή πώς σʼ ἠὲ βάλῃ ἠὲ σχεδὸν ἄορι τύψῃ.
379ὣς ἔφαθʼ, Ἕκτωρ δʼ αὖτις ἐδύσετο οὐλαμὸν ἀνδρῶν
380ταρβήσας, ὅτʼ ἄκουσε θεοῦ ὄπα φωνήσαντος.
355but come, let man go forth against man and be eager for the fray. Hard is it for me, how mighty soever I be, to deal with men so many, and to fight them all; not even Ares, for all he is an immortal god, nor Athene could control by dint of toil the jaws of such a fray. 360Howbeit so far as I avail with hands and feet and might, in no wise, methiinks, shall I be slack, nay, not a whit; but straight through their line will I go, nor deem I that any of the Trojans will be glad, whosoever shall draw nigh my spear.” So spake he, urging them on; and to the Trojans glorious Hector 365called with a shout, and declared that he would go forth to face Achilles: “Ye Trojans, high of heart, fear not the son of Peleus I too with words could fight even the immortals, but with the spear it were hard, for they are mightier far, Neither shall Achilles bring to fulfillment all his words, 370but a part thereof will he fulfill, and a part leave incomplete. Against him will I go forth, though his hands be even as fire, though his hands be as fire and his fury as the flashing steel.”
373So spake he, urging them on; and the Trojans with their faces toward the foe lifted their spears on high, and the fury of both sides clashed confusedly, and the battle cry arose. 375Then Phoebus Apollo drew nigh to Hector, and spake, saying: “Hector, no longer do thou anywise stand forth as a champion against Achilles, but in the throng await thou him and from amid the din of conflict, lest so be he smite thee with a cast of his spear or with his sword in close combat.”' So spake he, and Hector fell back again into the throng of men,
Where on the image
Venetus A fol. 267v (photograph VA267VN_0769): Iliad 20.381-405, 25 lines of the manuscript, begins ‹ἐν δ' Ἀχιλεὺς Τρώεσσι θόρε›, ends ‹γάνυται δέ τε, τοῖς ἐνοσίχθων.›. Page of each line from the Homer Multitext 2024c index of lines to pages. English (Murray): lines 20.380-404, in his blocks 380-384, 385-389, 390-394, 395-399, 400-404. Murray marks every fifth line and each paragraph; a block that crosses the page break goes with the page holding most of its lines, so the English here begins at line 380 and ends at line 404.
381ἐν δ' Ἀχιλεὺς Τρώεσσι θόρε φρεσὶν, εἱμένος ἀλκήν:
382σμερδαλέα ἰ+άχων, πρῶτον δ' ἕλεν Ἰ+φιτίωνα
383ἐσθλὸν. Ὀτρυντείδην . πολέων ἡγήτορα λαῶν:
384ὃν νύμφη τέκε. νηῒς Ὀτρυντῆϊ πτολιπόρθῳ.
385Τμώλῳ ὑπὸ νιφόεντι Ὕδης ἐν πίονι δήμῳ:
386τὸν δ' ἰ+θὺς μεμαῶτα βάλ' ἔγχεϊ δῖος Ἀχιλλεὺς
387μέσσην κακ κεφαλή`ν: ἡ δ' ἄνδιχα πᾶσα κεάσθη
388δούπησεν δὲ πεσὼν ὁ δ' ἐπεύξατο δῖος Ἀχιλλεύς :
389κεῖσαι Ὀτρυντείδη . πάντων ἐκπαγλότατ' ἀνδρῶν
390ἐνθάδε τοι θάνατος. γενεὴ δέ τοι ἔστ' ἐπὶ λίμνῃ
391Γυγαίῃ. ὅθι τοι τέμενος πατρώϊόν ἐστιν
392Ὕλλῳ ἐπ' ἰχθυόεντι καὶ Ἕρμῳ δινήεντι:
393ὡς ἔφατ' εὐχόμενος. τὸν δὲ σκότος ὄσσε κάλυψε:
394τὸν μὲν Ἀχαιῶν ἵ+πποι ὀπισσώτροις δατέοντο
395πρώτῃ ἐν ὑσμίνῃ: ὁ δ' ἐπ' αὐτῶ Δημολέοντα
396ἐσθλὸν ἀλεξητῆρα μάχης. Ἀντήνορος υἱὸν
397νύξε κατα κρόταφον. κυνέης διὰ χαλκοπαρήου:
398οὐδ' ἄρα χαλκείη κόρυς ἔσχεθεν: ἀλλὰ δι' αὐτῆς
399αἰχμὴ ἱεμένη ῥῆξ' ὀστέον: ἐγκέφαλος δὲ
400ἔνδον ἅπας πεπάλακτο: δάμασσε δέ μιν μεμαῶτα:
401Ἱ+πποδάμαντα δ' ἔπειτα καθ' ἵππων ἀΐξαντα
402πρόσθεν ἕθεν φεύγοντα. μετάφρενον οὔτασε δουρί:
403αὐτὰρ ὃ θυμὸν ἄϊσθε καὶ ἤρυγεν. ὡς ὅτε ταῦρος
404ἤρυγεν ἑλκόμενος Ἑλικώνιον ἀμφι, ἄνακτα
405κούρων ἑλκόντων. γάνυται δέ τε, τοῖς ἐνοσίχθων.
Compare: Monro & Allen, Oxford 1920 (Perseus)
381ἐν δʼ Ἀχιλεὺς Τρώεσσι θόρε φρεσὶν εἱμένος ἀλκὴν
382σμερδαλέα ἰάχων, πρῶτον δʼ ἕλεν Ἰφιτίωνα
383ἐσθλὸν Ὀτρυντεΐδην πολέων ἡγήτορα λαῶν,
384ὃν νύμφη τέκε νηῒς Ὀτρυντῆϊ πτολιπόρθῳ
385Τμώλῳ ὕπο νιφόεντι Ὕδης ἐν πίονι δήμῳ·
386τὸν δʼ ἰθὺς μεμαῶτα βάλʼ ἔγχεϊ δῖος Ἀχιλλεὺς
387μέσσην κὰκ κεφαλήν· ἣ δʼ ἄνδιχα πᾶσα κεάσθη,
388δούπησεν δὲ πεσών, ὃ δʼ ἐπεύξατο δῖος Ἀχιλλεύς·
389κεῖσαι Ὀτρυντεΐδη πάντων ἐκπαγλότατʼ ἀνδρῶν·
390ἐνθάδε τοι θάνατος, γενεὴ δέ τοί ἐστʼ ἐπὶ λίμνῃ
391Γυγαίῃ, ὅθι τοι τέμενος πατρώϊόν ἐστιν
392Ὕλλῳ ἐπʼ ἰχθυόεντι καὶ Ἕρμῳ δινήεντι.
393ὣς ἔφατʼ εὐχόμενος, τὸν δὲ σκότος ὄσσε κάλυψε.
394τὸν μὲν Ἀχαιῶν ἵπποι ἐπισσώτροις δατέοντο
395πρώτῃ ἐν ὑσμίνῃ· ὃ δʼ ἐπʼ αὐτῷ Δημολέοντα
396ἐσθλὸν ἀλεξητῆρα μάχης Ἀντήνορος υἱὸν
397νύξε κατὰ κρόταφον, κυνέης διὰ χαλκοπαρῄου.
398οὐδʼ ἄρα χαλκείη κόρυς ἔσχεθεν, ἀλλὰ διʼ αὐτῆς
399αἰχμὴ ἱεμένη ῥῆξʼ ὀστέον, ἐγκέφαλος δὲ
400ἔνδον ἅπας πεπάλακτο· δάμασσε δέ μιν μεμαῶτα.
401Ἱπποδάμαντα δʼ ἔπειτα καθʼ ἵππων ἀΐξαντα
402πρόσθεν ἕθεν φεύγοντα μετάφρενον οὔτασε δουρί.
403αὐτὰρ ὃ θυμὸν ἄϊσθε καὶ ἤρυγεν, ὡς ὅτε ταῦρος
404ἤρυγεν ἑλκόμενος Ἑλικώνιον ἀμφὶ ἄνακτα
405κούρων ἑλκόντων· γάνυται δέ τε τοῖς ἐνοσίχθων·
380seized with fear, when he heard the voice of the god as he spoke. But Achilles leapt among the Trojans, his heart clothed about in might, crying a terrible cry, and first he slew Iphition, the valiant son of Otrynteus, the leader of a great host, whom a Naiad nymph bare to Otrynteus, sacker of cities, 385beneath snowy Timolus in the rich land of Hyde. Him, as he rushed straight upon him, goodly Achilles smote with a cast of his spear full upon the head, and his head was wholly choven asunder. And he fell with a thud, and goodly Achilles exulted over him: “Low thou liest, son of Otrynteus, of all men most dread; 390here is thy death, albeit thy birth was by the Gygaean lake, where is the demesne of thy fathers, even by Hyllus, that teems with fish, and eddying Hermus.” So spake he vauntingly, but darkness enfolded the other's eyes. Him the chariots of the Achaeans tore asunder 395with their tires in the forefront of the fray, and over him Demoleon, Antenor's son, a valiant warder of battle, did Achilles pierce in the temple through the helmet with cheek-pieces of bronze. Nor did the bronze helm stay the spear, but through it sped the spear-point and brake asunder the bone; and all the brain 400was scattered about within; so stayed he him in his fury. Hippodamas thereafter, as he leapt down from his car and fled before him, he smote upon the back with a thrust of his spear. And as he breathed forth his spirit he gave a bellowing cry, even as a bull that is dragged belloweth, when young men drag him about the altar of the lord of Helice;
Where on the image
Venetus A fol. 268r (photograph VA268RN_0438): Iliad 20.406-430, 25 lines of the manuscript, begins ‹ὡς ἄρα τόν γ' ἐρυγόντα›, ends ‹ταρβήσας προσέφη κορυθαίολος Ἕκτορ :›. Page of each line from the Homer Multitext 2024c index of lines to pages. English (Murray): lines 20.405-429, in his blocks 405-409, 410-414, 415-418, 419, 420-424, 425-429. Murray marks every fifth line and each paragraph; a block that crosses the page break goes with the page holding most of its lines, so the English here begins at line 405 and ends at line 429.
406ὡς ἄρα τόν γ' ἐρυγόντα λίπ' ὀστέα θυμὸς ἀγήνωρ:
407αὐτὰρ ὁ βῆ συν δουρὶ μετ' ἀντίθεον Πολύδωρον .
408Πριαμίδην : τὸν δ' οὔ τι πατὴρ εἴασκε μάχεσθαι :
409οὕνεκά οἱ μετὰ παισὶ, νεώτατος ἔσκε γόνοιο:
410καί οἱ φίλτατος ἔσκε, πόδεσσι δὲ πάντας ἐνίκα:
411δὴ τότε νηπιέῃσι. ποδῶν ἀρετὴν ἀναφαίνων.
412θῦνε δια προμάχων, είως φίλον ὤλεσε θυμόν:
413τὸν βάλε μέσσον ἄκοντι ποδάρκης δῖος Ἀχιλλεὺς
414νῶτα παραΐσσοντος. ὅθι ζωστῆρος ὀχῆες
415χρύσειοι σύνεχον καὶ διπλόος ἤντετο θώρηξ:
416ἀντικρὺ δὲ διέσχε παρ' ὀμφαλὸν ἔγχεος αἰχμή.
417γνὺξ δ' ἔριπ' οἰμώξας, νεφέλη δέ μιν ἀμφ' ἐκάλυψε
418κυανέη. προτὶ οἷ δ' έλαβ' ἔντερα χερσὶ λιασθείς:
419Ἕκτωρ δ' ὡς ἐνόησε κασίγνητον Πολύδωρον
420ἔντερα χερσὶν ἔχοντα: λιαζόμενον ποτὶ γαίῃ
421καρ, ρά, οἱ, ὀφθαλμῶν κέχυτ' ἀχλὺς: οὐδ' ὰρ ἔτ' ἔτλη
422δηρὸν ἑκὰς στρωφᾶσθ'. ἀλλ' ἀντίος ἦλθ' Ἀχιλῆϊ
423ὀξὺ δόρυ κραδάων. φλογὶ εἵκελος: αὐτὰρ Ἀχιλλεὺς
424ὡς εἶδ', ὡς ἀνέπαλτο καὶ εὐχόμενος ἔπος ηύδα:
425ἐγγὺς ἀνὴρ, ὃς ἐμόν γε: μάλιστ' ἐσεμάσσατο θυμόν:
426ὅς μοι ἑταῖρον ἔπεφνε τετιμένον, οὐδ ὰρ ἔτι δὴν
427ἀλλήλους πτώσσοιμεν ἀνα πτολέμοιο γεφύρας:
428ῆ: καὶ ὑπόδρα ἰ+δὼν. προσεφώνεεν Ἕκτορα δῖον:
429άσσον ἴ+θ', ὥς κεν θᾶσσον ὀλέθρου πείραθ' ΐκηαι:
430τὸν δ' οὐ ταρβήσας προσέφη κορυθαίολος Ἕκτορ :
Compare: Monro & Allen, Oxford 1920 (Perseus)
406ὣς ἄρα τόν γʼ ἐρυγόντα λίπʼ ὀστέα θυμὸς ἀγήνωρ·
407αὐτὰρ ὃ βῆ σὺν δουρὶ μετʼ ἀντίθεον Πολύδωρον
408Πριαμίδην. τὸν δʼ οὔ τι πατὴρ εἴασκε μάχεσθαι,
409οὕνεκά οἱ μετὰ παισὶ νεώτατος ἔσκε γόνοιο,
410καί οἱ φίλτατος ἔσκε, πόδεσσι δὲ πάντας ἐνίκα
411δὴ τότε νηπιέῃσι ποδῶν ἀρετὴν ἀναφαίνων
412θῦνε διὰ προμάχων, εἷος φίλον ὤλεσε θυμόν.
413τὸν βάλε μέσσον ἄκοντι ποδάρκης δῖος Ἀχιλλεὺς
414νῶτα παραΐσσοντος, ὅθι ζωστῆρος ὀχῆες
415χρύσειοι σύνεχον καὶ διπλόος ἤντετο θώρηξ·
416ἀντικρὺ δὲ διέσχε παρʼ ὀμφαλὸν ἔγχεος αἰχμή,
417γνὺξ δʼ ἔριπʼ οἰμώξας, νεφέλη δέ μιν ἀμφεκάλυψε
418κυανέη, προτὶ οἷ δʼ ἔλαβʼ ἔντερα χερσὶ λιασθείς.
419Ἕκτωρ δʼ ὡς ἐνόησε κασίγνητον Πολύδωρον
420ἔντερα χερσὶν ἔχοντα λιαζόμενον ποτὶ γαίη
421κάρ ῥά οἱ ὀφθαλμῶν κέχυτʼ ἀχλύς· οὐδʼ ἄρʼ ἔτʼ ἔτλη
422δηρὸν ἑκὰς στρωφᾶσθʼ, ἀλλʼ ἀντίος ἦλθʼ Ἀχιλῆϊ
423ὀξὺ δόρυ κραδάων φλογὶ εἴκελος· αὐτὰρ Ἀχιλλεὺς
424ὡς εἶδʼ, ὣς ἀνεπᾶλτο, καὶ εὐχόμενος ἔπος ηὔδα·
425ἐγγὺς ἀνὴρ ὃς ἐμόν γε μάλιστʼ ἐσεμάσσατο θυμόν,
426ὅς μοι ἑταῖρον ἔπεφνε τετιμένον· οὐδʼ ἂν ἔτι δὴν
427ἀλλήλους πτώσσοιμεν ἀνὰ πτολέμοιο γεφύρας.
428ἦ, καὶ ὑπόδρα ἰδὼν προσεφώνεεν Ἕκτορα δῖον·
429ἆσσον ἴθʼ ὥς κεν θᾶσσον ὀλέθρου πείραθʼ ἵκηαι.
430τὸν δʼ οὐ ταρβήσας προσέφη κορυθαίολος Ἕκτωρ·
405for in such doth the Shaker of Earth delight; even so bellowed Hippodamas, as his lordly spirit left his bones. But Achilles with his spear went on after godlike Polydorus, son of Priam. Him would his father nowise suffer to fight, for that among his children he was the youngest born 410and was dearest in his eyes; and in swiftness of foot he surpassed all. And lo, now in his folly, making show of his fleetness of foot, he was rushing through the foremost fighters, until he lost his life. Him swift-footed goodly Achilles smote full upon the back with a cast of his spear, as he darted past, even where the golden clasps of the belt 415were fastened, and the corselet overlapped; through this straight on its way beside the navel passed the spear-point, and he fell to his knees with a groan and a cloud of darkness enfolded him, and as he sank he clasped his bowels to him with his hands.
419But when Hector beheld his brother Polydorus, 420clasping his bowels in his hand and sinking to earth, down over his eyes a mist was shed, nor might he longer endure to range apart, but strode against Achilles, brandishing his sharp spear, in fashion like a flame. But when Achilles beheld him, even then sprang he up and spake vauntingly: 425“Lo, nigh is the man, that above all hath stricken me to the heart, for that he slew the comrade I honoured. Not for long shall we any more shrink one from the other along the dykes of war.” He said, and with an angry glance from beneath his brows spake unto goodly Hector: “Draw nigh, that thou mayest the sooner enter the toils of destruction.”
Where on the image
Venetus A fol. 268v (photograph VA268VN_0770): Iliad 20.431-455, 25 lines of the manuscript, begins ‹Πηλείδη μὴ δὴ μ' ἐπέεσσί›, ends ‹οῦτα κατ' αὐχένα μέσσον ἄκοντι:›. Page of each line from the Homer Multitext 2024c index of lines to pages. English (Murray): lines 20.430-454, in his blocks 430-434, 435-439, 440-444, 445-449, 450-454. Murray marks every fifth line and each paragraph; a block that crosses the page break goes with the page holding most of its lines, so the English here begins at line 430 and ends at line 454.
431Πηλείδη μὴ δὴ μ' ἐπέεσσί γε νηπύτιον ὡς
432ἔλπεο δειδίξεσθαι: ἐπεὶ σάφα οἶ`δα καὶ αὐτὸς
433ἢ μεν κερτομίας. ἠδ' αἴσυλα μυθήσασθαι:
434οἶδα δ' ὅτι σὺ μὲν ἐσθλός. ἐγὼ δὲ σέθεν πολὺ χείρων:
435ἂλλ' ἤτοι μὲν ταῦτα θεῶν ἐν γούνασι κεῖται
436αἴ κέ σε χειρότερός περ ἐὼν ἀπο θυμὸν ἕλωμαι.
437δουρὶ βαλὼν. ἐπει ῆ καὶ ἐμὸν βέλος ὀξὺ πάροιθεν:
438ῆ ρα. καὶ ἀμπεπαλὼν προΐει δόρυ. καὶ τό γ' Ἀθήνη .
439πνοιῇ. Ἀχιλλῆος πάλιν ἔτραπε κυδαλίμοιο
440ῆκα μάλα ψύξασα. τὸ δ' ὰψ ΐκεθ' Ἕκτορα δῖον:
441αὐτοῦ δὲ προπάροιθε ποδῶν πέσεν: αὐτὰρ Ἀχιλλεὺς .
442ἐμμεμαὼς ἐπόρουσε. κατακτάμεναι μενεαίνων:
443σμερδαλέα, ἰ+άχων: τὸν δ' ἐξήρπαξεν Ἀπόλλων
444ῥεῖα μάλ' ὥς τε θεὸς. ἐκάλυψε δ' ὰρ, ἠέρι πολλῇ:
445τρὶς μὲν ἔπειτ' ἐπόρουσε ποδάρκης δῖος Ἀχιλλεὺς
446ἔγχεϊ χαλκείῳ. τρὶς δ' ἠέρα τύψε βαθεῖαν:
447ἀλλ' ὅτε δὴ τὸ τέταρτον ἐπέσσυτο δαίμονι ῗσος
448δεινὰ δ' ὁμοκλήσας. ἔπεα πτερόεντα προσηύδα_:
449ἐξ αῦ νῦν ἔφυγες θάνατον κύον: ῆ τέ τοι ἄγχι
450ἦλθε κακὸν. νῦν αῦτέ σ' ἐρύσσατο Φοῖβος Ἀπόλλων .
451ᾧ μέλλεις εὔχεσθαι ἰ+ὼν ἐς δοῦπον ἀκόντων:
452ῆ θήν σ' ἐξανύω γε καὶ ὕστερον ἀντιβολήσας.
453εἴ πού τις καὶ ἔμοιγε θεῶν ἐπιτάρροθός ἐστι:
454νῦν δ' ἄλλους Τρώων ἐπιείσομαι. ὅν κε κιχείω:
455ὡς εἰπὼν. Δρύοπ' οῦτα κατ' αὐχένα μέσσον ἄκοντι:
Compare: Monro & Allen, Oxford 1920 (Perseus)
431Πηλεΐδη μὴ δὴ ἐπέεσσί με νηπύτιον ὣς
432ἔλπεο δειδίξεσθαι, ἐπεὶ σάφα οἶδα καὶ αὐτὸς
433ἠμὲν κερτομίας ἠδʼ αἴσυλα μυθήσασθαι.
434οἶδα δʼ ὅτι σὺ μὲν ἐσθλός, ἐγὼ δὲ σέθεν πολὺ χείρων.
435ἀλλʼ ἤτοι μὲν ταῦτα θεῶν ἐν γούνασι κεῖται,
436αἴ κέ σε χειρότερός περ ἐὼν ἀπὸ θυμὸν ἕλωμαι
437δουρὶ βαλών, ἐπεὶ ἦ καὶ ἐμὸν βέλος ὀξὺ πάροιθεν.
438ἦ ῥα, καὶ ἀμπεπαλὼν προΐει δόρυ, καὶ τό γʼ Ἀθήνη
439πνοιῇ Ἀχιλλῆος πάλιν ἔτραπε κυδαλίμοιο
440ἦκα μάλα ψύξασα· τὸ δʼ ἂψ ἵκεθʼ Ἕκτορα δῖον,
441αὐτοῦ δὲ προπάροιθε ποδῶν πέσεν. αὐτὰρ Ἀχιλλεὺς
442ἐμμεμαὼς ἐπόρουσε κατακτάμεναι μενεαίνων,
443σμερδαλέα ἰάχων· τὸν δʼ ἐξήρπαξεν Ἀπόλλων
444ῥεῖα μάλʼ ὥς τε θεός, ἐκάλυψε δʼ ἄρʼ ἠέρι πολλῇ.
445τρὶς μὲν ἔπειτʼ ἐπόρουσε ποδάρκης δῖος Ἀχιλλεὺς
446ἔγχεϊ χαλκείῳ, τρὶς δʼ ἠέρα τύψε βαθεῖαν.
447ἀλλʼ ὅτε δὴ τὸ τέταρτον ἐπέσσυτο δαίμονι ἶσος,
448δεινὰ δʼ ὁμοκλήσας ἔπεα πτερόεντα προσηύδα·
449ἐξ αὖ νῦν ἔφυγες θάνατον κύον· ἦ τέ τοι ἄγχι
450ἦλθε κακόν· νῦν αὖτέ σʼ ἐρύσατο Φοῖβος Ἀπόλλων,
451ᾧ μέλλεις εὔχεσθαι ἰὼν ἐς δοῦπον ἀκόντων.
452ἦ θήν σʼ ἐξανύω γε καὶ ὕστερον ἀντιβολήσας,
453εἴ πού τις καὶ ἔμοιγε θεῶν ἐπιτάρροθός ἐστι.
454νῦν αὖ τοὺς ἄλλους ἐπιείσομαι, ὅν κε κιχείω.
455ὣς εἰπὼν Δρύοπʼ οὖτα κατʼ αὐχένα μέσσον ἄκοντι·
430But with no touch of fear, spake to him Hector of the flashing helm: “Son of Peleus, think not with words to affright me, as I were a child, seeing I know well of myself to utter taunts and withal speech that is seemly. I know that thou art valiant, and I am weaker far than thou. 435Yet these things verily lie on the knees of the gods, whether I,albeit the weaker, shall rob thee of life with a cast of my spear; for my missile too hath been found keen ere now.” He spake, and poised his spear and hurled it, but Athene with a breath turned it back from glorious Achilles, 440breathing full lightly; and it came back to goodly Hector, and fell there before his feet. But Achilles leapt upon him furiously, fain to slay him, crying a terrible cry. But Apollo snatched up Hector full easily, as a god may, and shrouded him in thick mist. 445Thrice then did swift-footed, goodly Achilles heap upon him with spear of bronze, and thrice he smote the thick mist. But when for the fourth time he rushed upon him like a god, then with a terrible cry he spake to him winged words: “Now again, thou dog, art thou escaped from death, though verily 450thy bane came nigh thee; but once more hath Phoebus Apollo saved thee, to whom of a surety thou must make prayer, whenso thou goest amid the hurtling of spears. Verily I will yet make an end of thee, when I meet thee hereafter, if so be any god is helper to me likewise. But now will I make after others, whomsoever I may light upon.”
Where on the image
Venetus A fol. 269r (photograph VA269RN_0439): Iliad 20.456-480, 25 lines of the manuscript, begins ‹ἤριπε δὲ προπάροιθε ποδῶν :›, ends ‹δέ μιν μένε. χεῖρα βαρυνθεὶς.›. Page of each line from the Homer Multitext 2024c index of lines to pages. English (Murray): lines 20.455-479, in his blocks 455-459, 460-464, 465-469, 470-474, 475-479. Murray marks every fifth line and each paragraph; a block that crosses the page break goes with the page holding most of its lines, so the English here begins at line 455 and ends at line 479.
456ἤριπε δὲ προπάροιθε ποδῶν : ὁ δὲ : τὸν μὲν ἔασε :
457Δημοῦχον δὲ Φιλητορίδην , ἠΰν τε : μέγαν τε :
458καγ γόνυ δουρὶ βαλὼν ἠρύκακε. τὸν μὲν ἔπειτα
459οὐτάζων ξίφεϊ μεγάλῳ ἐξαίνυτο θυμόν:
460αὐτὰρ ὃ Λαόγονον καὶ Δάρδανον : υἷε Βίαντος .
461ἄμφω ἐφορμηθεὶς. ἐξ ἵππων ὦσε χαμᾶζε:
462τὸν μὲν δουρὶ βαλὼν. τὸν δὲ σχεδὸν ἄορι τύψας:
463Τρῶα δ' Ἀλαστορίδην . ὁ μὲν ἀντίος ἤλυθε γούνων.
464εἴπως, εὗ, πεφίδοιτο λαβὼν. καὶ ζωὸν ἀφείη:
465μηδὲ κατακτείνειεν, ὁμηλικίην ἐλεήσας:
466νήπιος. οὐδὲ τὸ ᾔδη. ὃ, οὐ πείσεσθαι ἔμελλεν:
467οὐ γάρ τι γλυκύθυμος ἀνὴρ ἦν; οὐδ' ἀγανόφρων:
468ἀλλὰ μάλ' ἐμμεμαώς. ὁ μὲν ἥπτετο χείρεσι γούνων
469ϊέμενος λίσσεσθ', ὁ δὲ φασγάνῳ οῦτα καθ ῆπαρ:
470ἐκ δέ οἱ ἧπαρ ὄλισθεν: ἀτὰρ μέλαν αἷμα κατ αὐτοῦ
471κόλπον ἐνέπλησεν : τὸν δὲ σκότος, ὄσσε κάλυψε
472θυμοῦ δευόμενον: ὁ δὲ Μούλιον οῦτα παραστὰς
473δουρὶ παρ' οῦς: εῖθαρ δὲ δι' οὔατος ἦλθ' ἑτέροιο
474αἰχμὴ χαλκείη: ὁ δ' Ἀγήνορος υἱὸν Ἔχεκλον
475μέσσην κακ κεφαλὴν ξίφει ἤλασε κωπήεντι:
476πᾶν δ' ὑπεθερμάνθη ξίφος αἵματι: τὸν δὲ κατ' ὄσσε
477ἔλλαβε πορφύρεος θάνατος καὶ μοῖρα κραταιή:
478Δευκαλίωνα δ' ἔπειθ'. ἵνα τε ξυνέχουσι τένοντες
479ἀγκῶνος. τῇ τόν τε φίλης διὰ χειρὸς ἔπειρεν
480αἰχμῇ χαλκείῃ: ὁ δέ μιν μένε. χεῖρα βαρυνθεὶς.
Compare: Monro & Allen, Oxford 1920 (Perseus)
456ἤριπε δὲ προπάροιθε ποδῶν· ὃ δὲ τὸν μὲν ἔασε,
457Δημοῦχον δὲ Φιλητορίδην ἠΰν τε μέγαν τε
458κὰγ γόνυ δουρὶ βαλὼν ἠρύκακε. τὸν μὲν ἔπειτα
459οὐτάζων ξίφεϊ μεγάλῳ ἐξαίνυτο θυμόν·
460αὐτὰρ ὃ Λαόγονον καὶ Δάρδανον υἷε Βίαντος
461ἄμφω ἐφορμηθεὶς ἐξ ἵππων ὦσε χαμᾶζε,
462τὸν μὲν δουρὶ βαλών, τὸν δὲ σχεδὸν ἄορι τύψας.
463Τρῶα δʼ Ἀλαστορίδην, ὃ μὲν ἀντίος ἤλυθε γούνων,
464εἴ πώς εὑ πεφίδοιτο λαβὼν καὶ ζωὸν ἀφείη
465μηδὲ κατακτείνειεν ὁμηλικίην ἐλεήσας,
466νήπιος, οὐδὲ τὸ ᾔδη ὃ οὐ πείσεσθαι ἔμελλεν·
467οὐ γάρ τι γλυκύθυμος ἀνὴρ ἦν οὐδʼ ἀγανόφρων,
468ἀλλὰ μάλʼ ἐμμεμαώς· ὃ μὲν ἥπτετο χείρεσι γούνων
469ἱέμενος λίσσεσθʼ, ὃ δὲ φασγάνῳ οὖτα καθʼ ἧπαρ·
470ἐκ δέ οἱ ἧπαρ ὄλισθεν, ἀτὰρ μέλαν αἷμα κατʼ αὐτοῦ
471κόλπον ἐνέπλησεν· τὸν δὲ σκότος ὄσσε κάλυψε
472θυμοῦ δευόμενον· ὃ δὲ Μούλιον οὖτα παραστὰς
473δουρὶ κατʼ οὖς· εἶθαρ δὲ διʼ οὔατος ἦλθʼ ἑτέροιο
474αἰχμὴ χαλκείη· ὃ δʼ Ἀγήνορος υἱὸν Ἔχεκλον
475μέσσην κὰκ κεφαλὴν ξίφει ἤλασε κωπήεντι,
476πᾶν δʼ ὑπεθερμάνθη ξίφος αἵματι· τὸν δὲ κατʼ ὄσσε
477ἔλλαβε πορφύρεος θάνατος καὶ μοῖρα κραταιή.
478Δευκαλίωνα δʼ ἔπειθʼ, ἵνα τε ξυνέχουσι τένοντες
479ἀγκῶνος, τῇ τόν γε φίλης διὰ χειρὸς ἔπειρεν
480αἰχμῇ χαλκείῃ· ὃ δέ μιν μένε χεῖρα βαρυνθεὶς
455So saying he smote Dryops full upon the neck with a thrust of his spear, and he fell down before his feet. But he left him there, and stayed from fight Demuchus, Philetor's son, a valiant man and tall, striking him upon the knee with a cast of his spear; and thereafter he smote him with his great sword, and took away his life. 460Then setting upon Laogonus and Dardanus, sons twain of Bias, he thrust them both from their chariot to the ground, smiting the one with a cast of his spear and the other with his sword in close fight. Then Tros, Alastor's son—he came to clasp his knees, if so be he would spare him, by taking him captive, and let him go alive, 465and slay him not, having pity on one of like age, fool that he was! nor knew, he this, that with him was to be no hearkening; for nowise soft of heart or gentle of mind was the man, but exceeding fierce— he sought to clasp Achilles' knees with his hands, fain to make his prayer; but he smote him upon the liver with his sword, and forth the liver slipped, 470and the dark blood welling forth therefrom filled his bosom; and darkness enfolded his eyes, as he swooned. Then with his spear Achilles drew nigh unto Mulius and smote him upon the ear, and clean through the other ear passed the spear-point of bronze. Then smote he Agenor's son Echeclus 475full upon the head with his hilted sword, and all the blade grew warm with his blood, and down over his eyes came dark death and mighty fate. Thereafter Deucalion, at the point where the sinews of the elbow join, even there pierced he him through the arm
Where on the image
Venetus A fol. 269v (photograph VA269VN_0771): Iliad 20.481-503, 23 lines of the manuscript, begins ‹πρόσθ' ὁρόων θάνατον: ὁ δὲ›, ends ‹λύθρῳ δὲ παλάσσετο χεῖρας ἀάπτους⁑›. Page of each line from the Homer Multitext 2024c index of lines to pages. English (Murray): lines 20.480-503, in his blocks 480-484, 485-489, 490-494, 495-499, 500-503. Murray marks every fifth line and each paragraph; a block that crosses the page break goes with the page holding most of its lines, so the English here begins at line 480.
481πρόσθ' ὁρόων θάνατον: ὁ δὲ φασγάνῳ αὐχένα θείνας.
482τῆλ' αὐτῇ πήληκι κάρη βάλε: μυελὸς αὖτε
483σφονδυλίων ἔκπαλθ'. ὁ δ' ἐπὶ χθονὶ κεῖτο τανυσθεὶς :
484αὐτὰρ ὃ βῆ ρ. ϊέναι μετ' ἀμύμονα Πείρεω υἱὸν
485Ῥίγμον : ὃς ἐκ Θρῄκης ἐριβώλακος εἰληλούθει.
486τὸν βάλε μέσσον ἄκοντι: πάγη δ' ἐν πνεύμονι χαλκός:
487ἤριπε δ' ἐξ ὀχέων ὁ δ' Ἀρηΐθοον θεράποντα:
488ἀψ, ἵππους στρέψαντα: μετάφρενον ὀξέϊ δουρὶ
489νύξ'. ἀπὸ δ' ἅρματος ῶσε, κυκήθησαν δέ οἱ ἵπποι:
490ὡς δ' ἀναμαιμάει βαθέ' ἄγκεα θεσπιδαὲς πῦρ
491οὔρεος ἀζαλέοιο, βαθεῖα δὲ καίεται ὕλη.
492πάντῃ τε κλονέων ἄνεμος φλόγα εἰλυφάζει.
493ὡς ὅ γε πάντῃ, θῦνε, σὺν ἔγχεϊ, δαίμονι ἶ+σος.
494κτεινομένους ἐφ' έπων. ῥέε δ' αἵματι γαῖα μέλαινα:
495ὡς δ' ὅτε τις ζεύξῃ βόας ἄρσενας εὐρυμετώπους
496τριβέμεναι κρῖ_ λευκὸν ἐϋκτιμένῃ ἐν ἀλωῇ,
497ῥίμφά τε λεπτ'` ἐγένοντο βοῶν ὑπὸ ποσσ'` ἐριμύκων.
498ὡς ὑπ' Ἀχιλλῆος μεγαθύμου μώνυχες ἵπποι
499στεῖβον ὁμοῦ νέκυάς τε καὶ ἀσπίδας, αἵματι δ' ἄξων
500νέρθεν ἅπας πεπάλακτο, καὶ ἄντυγες αἳ περι δίφρον.
501ἃς ἄρ' ἀφ' ἱππείων ὁπλέων ῥαθάμιγγες ἔβαλλον.
502αἵ τ' ἀπ' ἐπισσώτρων: ὁ δὲ ΐετο κῦδος ἀρέσθαι
503Πηλείδης : λύθρῳ δὲ παλάσσετο χεῖρας ἀάπτους⁑
Compare: Monro & Allen, Oxford 1920 (Perseus)
481πρόσθʼ ὁρόων θάνατον· ὃ δὲ φασγάνῳ αὐχένα θείνας
482τῆλʼ αὐτῇ πήληκι κάρη βάλε· μυελὸς αὖτε
483σφονδυλίων ἔκπαλθʼ, ὃ δʼ ἐπὶ χθονὶ κεῖτο τανυσθείς.
484αὐτὰρ ὃ βῆ ῥʼ ἰέναι μετʼ ἀμύμονα Πείρεω υἱὸν
485Ῥίγμον, ὃς ἐκ Θρῄκης ἐριβώλακος εἰληλούθει·
486τὸν βάλε μέσσον ἄκοντι, πάγη δʼ ἐν νηδύϊ χαλκός,
487ἤριπε δʼ ἐξ ὀχέων· ὃ δʼ Ἀρηΐθοον θεράποντα
488ἂψ ἵππους στρέψαντα μετάφρενον ὀξέϊ δουρὶ
489νύξʼ, ἀπὸ δʼ ἅρματος ὦσε· κυκήθησαν δέ οἱ ἵπποι.
490ὡς δʼ ἀναμαιμάει βαθέʼ ἄγκεα θεσπιδαὲς πῦρ
491οὔρεος ἀζαλέοιο, βαθεῖα δὲ καίεται ὕλη,
492πάντῃ τε κλονέων ἄνεμος φλόγα εἰλυφάζει,
493ὣς ὅ γε πάντῃ θῦνε σὺν ἔγχεϊ δαίμονι ἶσος
494κτεινομένους ἐφέπων· ῥέε δʼ αἵματι γαῖα μέλαινα.
495ὡς δʼ ὅτε τις ζεύξῃ βόας ἄρσενας εὐρυμετώπους
496τριβέμεναι κρῖ λευκὸν ἐϋκτιμένῃ ἐν ἀλωῇ,
497ῥίμφά τε λέπτʼ ἐγένοντο βοῶν ὑπὸ πόσσʼ ἐριμύκων,
498ὣς ὑπʼ Ἀχιλλῆος μεγαθύμου μώνυχες ἵπποι
499στεῖβον ὁμοῦ νέκυάς τε καὶ ἀσπίδας· αἵματι δʼ ἄξων
500νέρθεν ἅπας πεπάλακτο καὶ ἄντυγες αἳ περὶ δίφρον,
501ἃς ἄρʼ ἀφʼ ἱππείων ὁπλέων ῥαθάμιγγες ἔβαλλον
502αἵ τʼ ἀπʼ ἐπισσώτρων· ὃ δὲ ἵετο κῦδος ἀρέσθαι
503Πηλεΐδης, λύθρῳ δὲ παλάσσετο χεῖρας ἀάπτους.
480with spear-point of bronze; and he abode his oncoming with arm weighed down, beholding death before him; but Achilles, smiting him with the sword upon his neck, hurled afar his head and therewithal his helmet; and the marrow spurted forth from the spine, and the corpse lay stretched upon the ground. Then went he on after the peerless son of Peires, 485even Rhigmus, that had come from deep-soiled Thrace. Him he smote in the middle with a cast of his spear, and the bronze was fixed in his belly; and he fell forth from out his car. And Areithous, his squire, as he was turning round the horses, did Achilles pierce in the back with his sharp spear, and thrust him from the car; and the horses ran wild.
490As through the deep glens of a parched mountainside rageth wondrous-blazing fire, and the deep forest burneth, and the wind as it driveth it on whirleth the flame everywhither, even so raged he everywhither with his spear, like some god, ever pressing hard upon them that he slew; and the black earth ran with blood. 495And as a man yoketh bulls broad of brow to tread white barley in a well-ordered threshing-floor, and quickly is the grain trodden out beneath the feet of the loud-bellowing bulls; even so beneath great-souled Achilles his single-hooved horses trampled alike on the dead and on the shields; and with blood 500was all the axle sprinkled beneath, and the rims round about the car, for drops smote upon them from the horses' hooves and from the tires. But the son of Peleus pressed on to win him glory, and with gore were his invincible hands bespattered.
Notes
- Greek: Homer Multitext Project, diplomatic edition of the Venetus A text (release 2024c); edition text: D. B. Monro and T. W. Allen, Homeri Opera (Oxford, 1908-1920), via Perseus.
- English: A. T. Murray, Homer: The Iliad (Loeb Classical Library, 1924-1925), via Perseus; his footnotes are omitted, and speeches, marked as quotations in the Perseus text, are shown in quotation marks.
Cite
Sources
- Source: Venetus A (Marc. gr. Z. 454) page photographs and diplomatic text, Homer Multitext Project (release 2024c) + Monro & Allen (Oxford 1920, Perseus) + A. T. Murray, Loeb (1924, Perseus) (holding institution)
- Critical edition: Venetus A diplomatic edition, Homer Multitext Project (CC BY-NC 4.0); Monro & Allen for comparison
← previous · → next · v cycle view · l back to library