Revelation, Chapter 9
Introduction
This entry meets the strict three-criteria standard of the Theosis Library:
- Manuscript scan: The actual folio of Codex Sinaiticus containing this passage, from the Codex Sinaiticus Project (codexsinaiticus.org). Library folio reference: 328.
- Original text: The Codex Sinaiticus Project's verbatim transcription of the folio shown, letter for letter as the scribe wrote it (no accents, lunate sigma ϲ, nomina sacra such as θϲ for θεός and κϲ for κύριος). Beneath it, for comparison, the reading of Tischendorf's 8th critical edition (1869). Where the two differ, the transcription is what the manuscript actually says.
- English translation: The King James Version (1611), retrieved verbatim from the public-domain bible-api.com endpoint.
How was this verified? (Provenance)
1και ο πεμπτοϲ αγγελοϲ εϲαλπιϲεν και ειδον αϲτεραϲ εκ του ουνου πεπτωκοταϲ ειϲ την γην και εδοθη αυτω η κλιϲ του φρεατοϲ τηϲ αβυϲϲου 2και ανεβη καπνοϲ επι του φρεατοϲ ωϲ καμινοϲ καμινου μεγαληϲ και εϲκοτιϲθη ο ηλιοϲ και ο αηρ εκ του καπνου 3εξηλθον ακριδεϲ ειϲ την γην και εδοθη αυτοιϲ εξουϲια ωϲ εχουϲιν εξουϲιαν οι κορπιοι τηϲ γηϲ 4και ερρεθη αυτοιϲ ινα μη αδικηϲωϲιν τον χορτον τηϲ γηϲ ουδε παν δενδρον ει μη τουϲ ανθρωπουϲ οιτινεϲ ουκ εχουϲιν την ϲφραγιδα̣ του θυ επι των μετωπων 5και εδοθη αυτοιϲ ϊνα μη αποκτινωϲιν αυτουϲ αλλ ϊνα βαϲανιϲθηϲονται μηναϲ πετε και ο βαϲανιϲμοϲ αυτων ωϲ βαϲανιϲμοϲ ϲκορπιου οταν πεϲη ανον6και εν ταιϲ ημεραιϲ εκειναιϲ ζητηϲουϲι οι ανοι τον θανατον και ου μη ευρηϲουϲιν αυτον και επιθυμηϲουϲιν αποθανιν και φυγη ο θανατοϲ απ αυτων 7και τα ομοιωματα των ακριδω ομοιοι ϊπποιϲ ητοιμαϲμενοιϲ ειϲ πολεμον και επι ταϲ κεφαλαϲ αυτων ωϲ ϲτεφανοι ομοιοι χρυϲω και τα προϲωπα αυτων ωϲ προϲωπα ανων 8και ειχαν τριχαϲ ωϲ τριχαϲ γυναικων και οι οδοντεϲ αυτων ωϲ λεοτων ηϲαν
Compare: Tischendorf 8th edition (1869)
1Καὶ ὁ πέμπτος ἄγγελος ἐσάλπισεν· καὶ ἴδον ἀστέρα ἐκ τοῦ οὐρανοῦ πεπτωκότα εἰς τὴν γῆν, καὶ ἐδόθη αὐτῷ ἡ κλεὶς τοῦ φρέατος τῆς ἀβύσσου. 2καὶ ἤνοιξεν τὸ φρέαρ τῆς ἀβύσσου, καὶ ἀνέβη καπνὸς ἐκ τοῦ φρέατος ὡς καπνὸς καμίνου μεγάλης, καὶ ἐσκοτώθη ὁ ἥλιος καὶ ὁ ἀὴρ ἐκ τοῦ καπνοῦ τοῦ φρέατος. 3καὶ ἐκ τοῦ καπνοῦ ἐξῆλθον ἀκρίδες εἰς τὴν γῆν, καὶ ἐδόθη αὐτοῖς ἐξουσία ὡς ἔχουσιν ἐξουσίαν οἱ σκορπίοι τῆς γῆς. 4καὶ ἐρρέθη αὐτοῖς ἵνα μὴ ἀδικήσουσιν τὸν χόρτον τῆς γῆς οὐδὲ πᾶν χλωρὸν οὐδὲ πᾶν δένδρον, εἰ μὴ τοὺς ἀνθρώπους οἵτινες οὐκ ἔχουσιν τὴν σφραγῖδα τοῦ θεοῦ ἐπὶ τῶν μετώπων. 5καὶ ἐδόθη αὐτοῖς ἵνα μὴ ἀποκτείνωσιν αὐτούς, ἀλλ’ ἵνα βασανισθήσονται μῆνας πέντε· καὶ ὁ βασανισμὸς αὐτῶν ὡς βασανισμὸς σκορπίου, ὅταν παίσῃ ἄνθρωπον. 6καὶ ἐν ταῖς ἡμέραις ἐκείναις ζητήσουσιν οἱ ἄνθρωποι τὸν θάνατον καὶ οὐ μὴ εὑρήσουσιν αὐτόν, καὶ ἐπιθυμήσουσιν ἀποθανεῖν καὶ φεύγει ὁ θάνατος ἀπ’ αὐτῶν. 7καὶ τὰ ὁμοιώματα τῶν ἀκρίδων ὅμοιοι ἵπποις ἡτοιμασμένοις εἰς πόλεμον, καὶ ἐπὶ τὰς κεφαλὰς αὐτῶν ὡς στέφανοι ὅμοιοι χρυσῷ, καὶ τὰ πρόσωπα αὐτῶν ὡς πρόσωπα ἀνθρώπων, 8καὶ εἶχαν τρίχας ὡς τρίχας γυναικῶν, καὶ οἱ ὀδόντες αὐτῶν ὡς λεόντων ἦσαν,
1And the fifth angel sounded, and I saw a star fall from heaven unto the earth: and to him was given the key of the bottomless pit. 2And he opened the bottomless pit; and there arose a smoke out of the pit, as the smoke of a great furnace; and the sun and the air were darkened by reason of the smoke of the pit. 3And there came out of the smoke locusts upon the earth: and unto them was given power, as the scorpions of the earth have power. 4And it was commanded them that they should not hurt the grass of the earth, neither any green thing, neither any tree; but only those men which have not the seal of God in their foreheads. 5And to them it was given that they should not kill them, but that they should be tormented five months: and their torment was as the torment of a scorpion, when he striketh a man. 6And in those days shall men seek death, and shall not find it; and shall desire to die, and death shall flee from them. 7And the shapes of the locusts were like unto horses prepared unto battle; and on their heads were as it were crowns like gold, and their faces were as the faces of men. 8And they had hair as the hair of women, and their teeth were as the teeth of lions.
9και ειχο θωρακαϲ ωϲ θωρακαϲ ϲιδηρουϲ κ(αι) η φωνη των πτερυγων αυτων ωϲ φωνη αρματων ϊππων πολλων τρεχοντων ειϲ πολεμον 10και εχουϲιν ουραϲ ομοιοιϲ ϲκορπιοιϲ και κεντρα και εν ταιϲ ουραιϲ αυτων η εξουϲια αυτων αδικηϲαι τουϲ ανθρωπουϲ μηναϲ πεντε 11εχουϲιν εαυτων τον βαϲιλεα τον αγγελον τηϲ αβυϲϲου ω ονομα αυτω εβραϊϲτι αβαδδων και εν τη ελληνιδι εχι ονομα απολλυων 12ουαι μια απηλθεν ϊδου ερχεται ετι δυο ουαι μετα ταυτα 13ο εκτοϲ αγγελοϲ εϲαλπιϲε και ηκουϲα φωνη του θυϲιαϲτηριου του χρυϲου του ενωπιον του θυ 14λεγοντα τω εκτω αγγελω ο εχων την ϲαλπιγγα λυϲον τουϲ τεϲϲαρεϲ αγγελουϲ τουϲ δεδεμενουϲ επι τω ποταμω τω μεγαλω ευφρατη 15και ελυθηϲαν οι τεϲϲαρεϲ αγγελοι ητοιμαϲμενοι ειϲ την ωραν και μηνα και ενιαυτο ϊνα μη αποκτινωϲιν το τριτον των ανων 16και ο αριθμοϲ των ϲτρατευματων του ϊππικου δυο μυριαδων μυριαδαϲ ηκουϲα τον αριθμον αυτων
Compare: Tischendorf 8th edition (1869)
9καὶ εἶχον θώρακας ὡς θώρακας σιδηροῦς, καὶ ἡ φωνὴ τῶν πτερύγων αὐτῶν ὡς φωνὴ ἁρμάτων ἵππων πολλῶν τρεχόντων εἰς πόλεμον. 10καὶ ἔχουσιν οὐρὰς ὁμοίας σκορπίοις καὶ κέντρα, καὶ ἐν ταῖς οὐραῖς αὐτῶν ἡ ἐξουσία αὐτῶν ἀδικῆσαι τοὺς ἀνθρώπους μῆνας πέντε. 11ἔχουσιν ἐπ’ αὐτῶν βασιλέα τὸν ἄγγελον τῆς ἀβύσσου· ᾧ ὄνομα αὐτῷ Ἑβραϊστὶ Ἀβαδδὼν καὶ ἐν τῇ Ἑλληνικῇ ὄνομα ἔχει Ἀπολλύων. 12Ἡ οὐαὶ ἡ μία ἀπῆλθεν· ἰδοὺ ἔρχεται ἔτι δύο οὐαὶ μετὰ ταῦτα. 13Καὶ ὁ ἕκτος ἄγγελος ἐσάλπισεν· καὶ ἤκουσα φωνὴν μίαν ἐκ τῶν τεσσάρων κεράτων τοῦ θυσιαστηρίου τοῦ χρυσοῦ τοῦ ἐνώπιον τοῦ θεοῦ, 14λέγοντα τῷ ἕκτῳ ἀγγέλῳ, ὁ ἔχων τὴν σάλπιγγα, λῦσον τοὺς τέσσαρας ἀγγέλους τοὺς δεδεμένους ἐπὶ τῷ ποταμῷ τῷ μεγάλῳ Εὐφράτῃ. 15καὶ ἐλύθησαν οἱ τέσσαρες ἄγγελοι οἱ ἡτοιμασμένοι εἰς τὴν ὥραν καὶ ἡμέραν καὶ μῆνα καὶ ἐνιαυτόν, ἵνα ἀποκτείνωσιν τὸ τρίτον τῶν ἀνθρώπων. 16καὶ ὁ ἀριθμὸς τῶν στρατευμάτων τοῦ ἱππικοῦ δισμυριάδες μυριάδων· ἤκουσα τὸν ἀριθμὸν αὐτῶν.
9And they had breastplates, as it were breastplates of iron; and the sound of their wings was as the sound of chariots of many horses running to battle. 10And they had tails like unto scorpions, and there were stings in their tails: and their power was to hurt men five months. 11And they had a king over them, which is the angel of the bottomless pit, whose name in the Hebrew tongue is Abaddon, but in the Greek tongue hath his name Apollyon. 12One woe is past; and, behold, there come two woes more hereafter. 13And the sixth angel sounded, and I heard a voice from the four horns of the golden altar which is before God, 14Saying to the sixth angel which had the trumpet, Loose the four angels which are bound in the great river Euphrates. 15And the four angels were loosed, which were prepared for an hour, and a day, and a month, and a year, for to slay the third part of men. 16And the number of the army of the horsemen were two hundred thousand thousand: and I heard the number of them.
17και ουτωϲ ειδον τουϲ ϊππουϲ εν τη οραϲει και τουϲ καθημενουϲ επανω αυτω εχονταϲ θωρακαϲ πυρινουϲ και ϋακινθινουϲ και θυωδειϲ και αι κεφαλαι των ϊππων ωϲ κεφαλαι λεοντων και εκ των ϲτοματων αυτω εκπορευεται πυρ και καπνοϲ και θιον 18απο των πληγων τουτων απεκτανθηϲαν το τριτον των ανων εκ του πυροϲ και του καπνου και του θειου του εκπορευομενου εκ των ϲτοματων αυτων 19η γαρ εξουϲια των ϊππων εν τω ϲτοματι αυτων εϲτιν και εν ταιϲ ουραιϲ αυτω αι γαρ ουραι αυτων ομοιαι οφεϲιν εχουϲαϲ κεφαλαϲ και εν αυταιϲ αδικουϲιν 20και οι λοιποι των ανων οι ουκ απεκτανθηϲαν εν ταιϲ πληγαιϲ αυτων ταυταιϲ ουδε μετενοηϲα εκ των εργων τω χιρων αυτων ϊνα μη προϲκυνηϲουϲι τα δαιμονια και τα ϊδωλα τα χρυϲαια και τα αργυρα και τα χαλκεα και τα ξυλινα και τα λιθινα α ουτε βλεπειν δυνανται ουτε ακουειν ουτε περιπατει 21και ου μετενοηϲαν εκ των φωνων αυτων ουτε εκ των φαρμακω αυτων ουτε εκ τηϲ πονηριαϲ αυτων ουτε εκ των κλεμματων αυτων ·
Compare: Tischendorf 8th edition (1869)
17καὶ οὕτως ἴδον τοὺς ἵππους ἐν τῇ ὁράσει καὶ τοὺς καθημένους ἐπ’ αὐτῶν, ἔχοντας θώρακας πυρίνους καὶ ὑακινθίνους καὶ θειώδεις· καὶ αἱ κεφαλαὶ τῶν ἵππων ὡς κεφαλαὶ λεόντων, καὶ ἐκ τῶν στομάτων αὐτῶν ἐκπορεύεται πῦρ καὶ καπνὸς καὶ θεῖον. 18ἀπὸ τῶν τριῶν πληγῶν τούτων ἀπεκτάνθησαν τὸ τρίτον τῶν ἀνθρώπων, ἐκ τοῦ πυρὸς καὶ τοῦ καπνοῦ καὶ τοῦ θείου τοῦ ἐκπορευομένου ἐκ τῶν στομάτων αὐτῶν. 19ἡ γὰρ ἐξουσία τῶν ἵππων ἐν τῷ στόματι αὐτῶν ἐστιν καὶ ἐν ταῖς οὐραῖς αὐτῶν· αἱ γὰρ οὐραὶ αὐτῶν ὅμοιαι ὄφεσιν, ἔχουσαι κεφαλάς, καὶ ἐν αὐταῖς ἀδικοῦσιν. 20καὶ οἱ λοιποὶ τῶν ἀνθρώπων, οἳ οὐκ ἀπεκτάνθησαν ἐν ταῖς πληγαῖς ταύταις, οὐδὲ μετενόησαν ἐκ τῶν ἔργων τῶν χειρῶν αὐτῶν, ἵνα μὴ προσκυνήσουσιν τὰ δαιμόνια καὶ τὰ εἴδωλα τὰ χρυσᾶ καὶ τὰ ἀργυρᾶ καὶ τὰ χαλκᾶ καὶ τὰ λίθινα καὶ τὰ ξύλινα, ἃ οὔτε βλέπειν δύνανται οὔτε ἀκούειν οὔτε περιπατεῖν, 21καὶ οὐ μετενόησαν ἐκ τῶν φόνων αὐτῶν οὔτε ἐκ τῶν φαρμακιῶν αὐτῶν οὔτε ἐκ τῆς πορνείας αὐτῶν οὔτε ἐκ τῶν κλεμμάτων αὐτῶν.
17And thus I saw the horses in the vision, and them that sat on them, having breastplates of fire, and of jacinth, and brimstone: and the heads of the horses were as the heads of lions; and out of their mouths issued fire and smoke and brimstone. 18By these three was the third part of men killed, by the fire, and by the smoke, and by the brimstone, which issued out of their mouths. 19For their power is in their mouth, and in their tails: for their tails were like unto serpents, and had heads, and with them they do hurt. 20And the rest of the men which were not killed by these plagues yet repented not of the works of their hands, that they should not worship devils, and idols of gold, and silver, and brass, and stone, and of wood: which neither can see, nor hear, nor walk: 21Neither repented they of their murders, nor of their sorceries, nor of their fornication, nor of their thefts.
Cite
Source & Cross-References
- Source text: Codex Sinaiticus folio + transcription (codexsinaiticus.org) + Tischendorf 8th edition (bolls.life) + KJV (bible-api.com) — view original
- Critical edition: Tischendorf 8th edition (1869) / Codex Sinaiticus transcription
← previous · → next · v cycle view · l back to library